કોમનવેલ્થ ગેમ્સ 2026 માં બબાલ: ગ્લાસગોની રેસ્ટોરન્ટમાં ભારતના ખોટા નકશા પર વિવાદ; લવલીના ભડકી, લગાવી ક્લાસ
Commonwealth Games 2026: કોમનવેલ્થ ગેમ્સ 2026 દરમિયાન ગ્લાસગોની એક ભારતીય રેસ્ટોરન્ટમાં ભારતનો અધૂરો નકશો છપાયેલા નેપકિન આપવા બદલ વિવાદ ઊભો થયો છે. ઓલિમ્પિક મેડલ વિજેતા બોક્સર લવલીના બોરગોહેને પૂર્વોત્તરને નકશામાંથી ગાયબ દર્શાવવા પર ભારે વિરોધ નોંધાવ્યો.
Commonwealth Games 2026: કોમનવેલ્થ ગેમ્સ 2026 દરમિયાન ગ્લાસગોની એક ભારતીય રેસ્ટોરન્ટમાં ભારતના ખોટા નકશાને લઈને મોટો વિવાદ ઊભો થયો છે. ન્યૂઝ એજન્સી આઈએએનએસ (IANS) ના અહેવાલ મુજબ, ભારતીય ટીમ અર્થાત ખેલાડીઓના સન્માનમાં યોજાયેલા એક કાર્યક્રમ દરમિયાન આપવામાં આવેલા નેપકિન પર છપાયેલા ભારતના નકશામાં પૂર્વોત્તર રાજ્યોને દર્શાવવામાં આવ્યા નહોતા. આ બાબતે ઓલિમ્પિક બ્રોન્ઝ મેડલ વિજેતા અને ભારતીય મહિલા બોક્સર લવલીના બોરગોહેને સખત વાંધો ઉઠાવ્યો હતો. લવલીનાએ ગ્લાસગો કોમનવેલ્થ ગેમ્સમાં સિલ્વર મેડલ જીત્યો છે, તેને ફાઇનલ મેચમાં હારનો સામનો કરવો પડ્યો હતો.
લવલીનાએ કહ્યું- દરેક હિસ્સો ભારત માટે મહત્વપૂર્ણ છે
અસમની રહેવાસી લવલીનાએ નેપકિન પર છપાયેલો નકશો જોતાં જ પોતાની નારાજગી વ્યક્ત કરી હતી. તેણે કહ્યું, 'નેપકિન પર બનેલા નકશામાં અમારું પૂર્વોત્તર (નોર્થ ઈસ્ટ) દર્શાવવામાં આવ્યું નથી. બહાર પણ જે મેપ લગાવવામાં આવ્યો છે, તેમાં પણ અમારું નોર્થ ઈસ્ટ નથી. આ જોઈને મને ખૂબ જ ખરાબ લાગ્યું. ભારતનો દરેક ભાગ મહત્વપૂર્ણ છે અને તેને સાચી રીતે જ દર્શાવવો જોઈએ.' તેની આ ટિપ્પણી બાદ આ મામલો ભારે ચર્ચાનો વિષય બની ગયો છે.
આ પણ વાંચો...CWG 2026: બોક્સર સાક્ષી ચૌધરીએ ઈંગ્લેન્ડને ધૂળ ચટાડી, ભારતને અપાવ્યો 9મો ગોલ્ડ મેડલ
BFI પ્રમુખે પણ વ્યક્ત કર્યો વાંધો
ભારતીય બોક્સિંગ ફેડરેશન (BFI) ના પ્રમુખ અજય સિંહે પણ રેસ્ટોરન્ટ દ્વારા ઉપયોગમાં લેવાયેલા નકશા પર સવાલો ઉઠાવ્યા હતા. તેમણે કહ્યું કે નેપકિન પર માત્ર પૂર્વોત્તર જ નહીં, પરંતુ જમ્મુ-કાશ્મીરનું પણ અધૂરું ચિત્રણ કરવામાં આવ્યું છે. તેમણે રેસ્ટોરન્ટ મેનેજમેન્ટને અપીલ કરતા કહ્યું, 'માત્ર નોર્થ ઈસ્ટ જ નહીં, આમાં કાશ્મીર પણ પૂરું નથી. ખોટા નકશા વાળા તમામ નેપકિન તુરંત હટાવવામાં આવે અને તેની જગ્યાએ ભારતની સંપૂર્ણ ભૌગોલિક સીમાને સાચી રીતે દર્શાવતા નકશાનો જ ઉપયોગ કરવામાં આવે.'
An Indian restaurant in Glasgow has found itself in the middle of a controversy after hosting members of the Indian contingent following their successful campaign at the Commonwealth Games
— IANS (@ians_india) August 2, 2026
.Glasgow restaurant sparks fury after leaving out Northeast from India map on its napkins… pic.twitter.com/hoJQq3QGYQ
રેસ્ટોરન્ટ તરફથી હજુ સુધી કોઈ પ્રતિક્રિયા નહીં
ગ્લાસગોનું 'મિસ્ટર સિંહ્સ ઇન્ડિયા – ધ હોમ ઓફ કરી' શહેરનું એક લોકપ્રિય ભારતીય રેસ્ટોરન્ટ માનવામાં આવે છે. છેલ્લા ત્રણ દાયકાથી કાર્યરત આ રેસ્ટોરન્ટ અવારનવાર વિવિધ દેશોના ખેલાડીઓ અને ખાસ મહેમાનોની મેજબાની કરતું રહ્યું છે. જોકે, આ વિવાદ સામે આવ્યા બાદ પણ રેસ્ટોરન્ટ મેનેજમેન્ટ તરફથી હજુ સુધી કોઈ અધિકૃત નિવેદન બહાર પાડવામાં આવ્યું નથી.
ભારતીય બોક્સર્સે રચ્યો ઇતિહાસ
આ વિવાદ એવા સમયે સામે આવ્યો છે, જ્યારે ભારતીય બોક્સિંગ ટીમે ગ્લાસગો કોમનવેલ્થ ગેમ્સમાં પોતાનું સર્વશ્રેષ્ઠ પ્રદર્શન કર્યું છે. ભારતે બોક્સિંગમાં રેકોર્ડ 10 મેડલ જીત્યા છે, જેમાં 7 ગોલ્ડ અને 3 સિલ્વર સામેલ છે. પ્રીતિ પવાર, જેસ્મિન લામ્બોરિયા, સાક્ષી ચૌધરી, પ્રિયા ઘંઘાસ, અરૂંધતિ ચૌધરી, સચિન સિવાચ અને અંકુશ પંઘાલે ગોલ્ડ મેડલ જીત્યા છે, જ્યારે જાદુમણિ સિંહ, લવલીના બોરગોહેન અને નરેન્દ્ર બરવાલે સિલ્વર મેડલ પોતાના નામે કર્યા છે. આ ઐતિહાસિક પ્રદર્શન વચ્ચે ભારતના ખોટા નકશાને લઈને ઊભો થયેલો વિવાદ પણ ચર્ચાનું કેન્દ્ર બન્યો છે.
ટોપ સ્ટોરી
ટ્રેન્ડિંગ સમાચાર
