IND VS NZXI: પ્રેક્ટિસ મેચમાં આ ખેલાડીએ કર્યા નિરાશ તો સોશિયલ મીડિયા પર ભડક્યા ફેન્સ

પંત છેલ્લા ઘણાં સમયતી બેટિંગમાં ફોર્મમાં નતી ચાલી રહ્યો અને વિકેટની પાછળ પણ કંઈ ખાસ પ્રભાવિત નથી કરી શક્યો.

નવી દિલ્હીઃ ન્યૂઝીલેન્ડ પ્રવાસ પર પાંચ મેચની ટી20 અને ત્રણ મેચની વનડે સીરીઝ બાદ હવે ટીમ ઇન્ડિયા આગામી બે ટેસ્ટ મેચની સીરીઝ રમશે. જેની તૈયારી માટે ભારત અને ન્યૂઝીલેન્ડ XIની વચ્ચે ત્રણ દિવસની પ્રેક્ટિસ મેચનું આયોજન કરવામાં આવ્યું. જેમાં એક બાજુ હનુમાન વિહારીએ પોતાની સેન્ચુરીથી બધાનું દિલ જીતી લીધું તો વિકેટકીપર બેટ્સમેન રિષભ પંતે ફરી એક વખત પોતાની બેટિંગથી નિરાશ કર્યા. પંત 10 બોલમાં 7 રન બનાવીને આઉટ થયો. ત્યાર બાદ ટ્વિટ પર ફેન્સે તેને ટ્રોલ કરવાનું શરૂ કર્યું છે. નોંધનીય છે કે, લિમિટેડ ઓવર્સના ક્રિકેટમાં પંતને પહેલાથી જ ટીમ ઇન્ડિયાની પ્લેઇંગ ઇલેવનમાંથી બહાર કરી દેવામાં આવ્યો છે. ઓસ્ટ્રેલિયા વિરદ્ધ 3 મેચની વેડન ઇન્ટરનેશનલ સીરીઝના પ્રથમ મેચમાં તે ઇજાગ્રસ્ત થઈ ગયો હતો, ત્યાર બાદથી મુખ્ય વિકેટકીપરની ભૂમિકા કેએલ રાહુલ નિભાવી રહ્યો છે. એટલું જ નહીં રાહુલે પોતાની કીપિંગથી કેપ્ટન કોહલીનું દિલ પણ જીત્યું હતું જેના કારણે કોહલીએ નિવેદન આપ્યું હતું કે લિમિટેડ ઓવર્સમાં હવે રાહુલ કીપિંગ કરતો જોવા મળશે. જણાવીએ કે, ટેસ્ટમાં રિદ્ધિમાન સાહાને પંતની ઉપર પ્રથમ પસંદ ગણવામાં આવી રહ્યો છે. પંત છેલ્લા ઘણાં સમયતી બેટિંગમાં ફોર્મમાં નતી ચાલી રહ્યો અને વિકેટની પાછળ પણ કંઈ ખાસ પ્રભાવિત નથી કરી શક્યો. તેણે માત્ર પોતાની બેટિંગ જ નહીં પણ કીપિંગથી પણ નિરાશ કર્યા છે. આ જ કારણ છે કે, પંત હાલમાં ટીમની પ્લેઇંગ ઈલેવનમાં સ્થાન નથી બનાવી શક્યો. હવે પ્રેક્ટિસ મેચમાં તે સસ્તામાં આઉટ થયા બાદ ફેન્સ તેના પર ભડક્યા છે અને તેને ટ્રોલ કરી રહ્યા છે.