સાઉથના આ સુપરસ્ટારે મિડલ ક્લાસને મદદ કરવા શરૂ કરી ખાસ યોજના, દાન કર્યા 1.3 કરોડ રૂપિયા

વિજય દેવરકોન્ડાએ કહ્યું મિડલ ક્લાસ પણ સંકટનો સામનો કરી રહ્યું છે, હું એક મિડલ ક્લાસ ફંડ શરૂ કરીને તેની સાથે જોડાવવા માંગુ છું

નવી દિલ્હીઃ કોરોના વાયરસ સામે લડવા માટે હવે એક પછી એક સ્ટાર દાન કરી રહ્યાં છે. આ ક્રમમાં હવે સાઉથના સુપરસ્ટાર વિજય દેવરકોન્ડાનુ નામ પણ સામેલ થઇ ગયુ છે. એક્ટર દેવરકોન્ડાએ બે મહત્વપૂર્ણ જાહેરાતો કરી છે, આ માટે તેને સોશ્યલ મીડિયાનો સહારો લીધો છે. વિજય દેવરકોન્ડાએ કહ્યું કે કોઇપણ આના માટે તૈયાર ન હતુ, પણ આપણે બધા યૌદ્ધાઓ છીએ, હું અને મારી ટીમ ક્યારેય લડાઇ માટે નથી કહેતા. મિડલ ક્લાસ પણ સંકટનો સામનો કરી રહ્યું છે, હું એક મિડલ ક્લાસ ફંડ શરૂ કરીને તેની સાથે જોડાવવા માંગુ છું. તેને આગળ કહ્યું હું 1.3 કરોડ રૂપિયાની મદદ કરવાની જાહેરાત કરુ છુ, અમને બસ પ્રેમ, દયા અને સમર્થનની જરૂર છે, હું તમને બધાને મારો પ્રેમ અને તાકાતને મોકલી રહ્યો છું.

તેને 11 મિનીટની એક વીડિયો ક્લિપ પણ પૉસ્ટ કરી છે, જેમાં વિજય દેવરકોન્ડાએ આશ્વાસન આપ્યુ છે કે તે રોજગાર અવસર પેદા કરશે અને કરિયાણાનો સામાન અને દવા જેવી તાત્કાલિક આવશ્યકતાઓનું ધ્યાન રાખશે. તેને કહ્યું કે તે 2000થી વધુ પરિવારોની તાત્કાલિક જરૂરિયાતોને ધ્યાનમાં રાખશે. ઉલ્લેખનીય છે કે આ પહેલા બીજા કેટલાય સાઉથના સુપરસ્ટારોએ પણ આ મુશ્કેલ સમયમાં મદદ કરી છે, પ્રભાસથી લઇને ચિરંજીવી, રજનિકાંત સહતિના સ્ટાર્સ આગળ આવ્યા છે.