IPL 2026 પહેલા વેંચાઈ જશે RCB! કોહલીની ટીમને ખરીદવા ભારતના આ બે દિગ્ગજ ઉદ્યોગપતિઓ વચ્ચે ટક્કર
Adani Group Interested To Buy RCB: IPL 2026 પહેલા રોયલ ચેલેન્જર્સ બેંગ્લોરને નવો ખરીદનાર મળી શકે છે. અદાણી ગ્રુપ પણ RCB ને હસ્તગત કરવામાં રસ દાખવી રહ્યું છે. DC ના માલિકો પણ લાઇનમાં છે.
Adani Group Interested To Buy RCB: આઈપીએલ 2026 શરૂ થાય તે પહેલાં રોયલ ચેલેન્જર્સ બેંગ્લોરને નવો માલિક મળી શકે છે. ઓક્ટોબરની શરૂઆતમાં, સમાચાર આવ્યા કે સીરમ ઇન્સ્ટિટ્યૂટ ઓફ ઇન્ડિયાના CEO અદાર પૂનાવાલા RCB ખરીદવામાં રસ ધરાવતા હતા. ક્રિકબઝના અહેવાલ મુજબ, RCB માટે દાવેદારોની સંખ્યા વધી રહી છે. ફ્રેન્ચાઇઝી ખરીદવા માટે હાલમાં છ સોદા ચાલી રહ્યા છે. આ યાદીમાં સૌથી અગ્રણી નામોમાં જિંદાલ સાઉથ વેસ્ટ (JSW) ગ્રુપના માલિક પાર્થ જિંદાલ અને અદાણી ગ્રુપનો સમાવેશ થાય છે.
IPL 2026 પહેલા RCB વેચાશે
રોયલ ચેલેન્જર્સ બેંગ્લોર હાલમાં બ્રિટિશ કંપની ડિયાજિયો PLC ની માલિકીની છે, પરંતુ તેઓ હવે ફ્રેન્ચાઇઝીથી અલગ થવા માટે તૈયાર છે. આ દરમિયાન, JSW ગ્રુપ અને દિલ્હી કેપિટલ્સના સહ-માલિક પાર્થ જિંદાલ RCB ખરીદવા માટે તૈયાર હોવાનું કહેવાય છે. જિંદાલ ગ્રુપ હાલમાં ગ્રાન્ડી મલ્લિકાર્જુન રાવ (GMR) ગ્રુપ સાથે દિલ્હી કેપિટલ્સની ફ્રેન્ચાઇઝી ધરાવે છે. પરંતુ હવે, જો જિંદાલ ગ્રુપ RCBનું માલિક બને છે, તો શું GMR ગ્રુપ DCનું એકમાત્ર માલિક રહેશે, કે પછી દિલ્હી ટીમ માટે નવો માલિક મળશે?
અદાણી ગ્રુપની એન્ટ્રી
માત્ર જિંદાલ ગ્રુપ જ નહીં, પરંતુ અદાણી ગ્રુપ પણ રોયલ ચેલેન્જર્સ બેંગ્લોરના દાવેદારોની યાદીમાં સામેલ છે. અદાણી ગ્રુપે 2021માં ગુજરાત ટાઇટન્સને હસ્તગત કરવામાં રસ દર્શાવ્યો હતો. અદાણી ગ્રુપ WPL (મહિલા પ્રીમિયર લીગ) માં ગુજરાત ટાઇટન્સની પણ માલિકી ધરાવે છે. હવે, RCBને હસ્તગત કર્યા પછી, અદાણી ગ્રુપ IPLમાં પણ પોતાને સ્થાપિત કરવા માંગે છે.
RCB કેટલામાં વેચાશે?
રોયલ ચેલેન્જર્સ બેંગ્લોર IPLની સૌથી લોકપ્રિય ટીમોમાંની એક છે. આ ફ્રેન્ચાઇઝીનું વિશાળ ફેન ફોલોઇંગ છે. સોશિયલ મીડિયા ફોલોઅર્સની દ્રષ્ટિએ RCB અન્ય ટીમોથી પણ આગળ છે. જો કે, RCBના વેચાણ પહેલાંનો સૌથી મોટો મુદ્દો તેનું મૂલ્યાંકન છે. એક બ્રિટિશ કંપની તેનું મૂલ્ય ₹17,859 કરોડની આસપાસ હોવાનો અંદાજ લગાવી રહી છે. જો કે, પૂનાવાલા આ આંકડા સાથે સહમત નથી લાગતા. તમને જણાવી દઈએ કે ગત સિઝનમાં આરસીબીએ ટાઈટલ પણ જીત્યું હતું. જો કે, જીતની ઉજવણી સમયે થયેલી ભાગદોડમાં કેટલાક લોકોના મૃત્યુ થવાને કારણે ટીમ વિવાદમાં પણ આવી હતી.
ટોપ સ્ટોરી
ટ્રેન્ડિંગ સમાચાર
