Team India Head Coach: શું ટીમ ઈન્ડિયાને નહીં મળે ભારતીય કોચ? રાહુલ દ્રવિડ બાદ આ દિગ્ગજે ના પાડી

BCCI: ટી20 વર્લ્ડ કપ બાદ રાહુલ દ્રવિડ ટીમ ઈન્ડિયાના મુખ્ય કોચની જવાબદારી છોડી દેશે. મુખ્ય કોચની રેસમાં એક ભારતીય દિગ્ગજનું નામ આગળ હતું. પરંતુ હવે તેણે ના પાડી દીધી છે.

( Image Source : PTI )

 After Rahul Dravid Team India Head Coach: ભારતીય ક્રિકેટ ટીમ(Team India)ના આગામી મુખ્ય કોચને લઈને ઉત્સુકતા વધી રહી છે. વર્તમાન કોચ રાહુલ દ્રવિડ(Rahul Dravid)નો કાર્યકાળ જૂનમાં યોજાનાર ટી-20 વર્લ્ડ કપ પછી સમાપ્ત થશે. બીસીસીઆઈ 1 જુલાઈથી નવા કોચ તેનો કાર્યભાર સંભાળે તેવી યોજના બનાવી રહ્યું છે. આ કોચ 2027 સુધી ટીમનું સંચાલન કરશે, એટલે કે તેમની જવાબદારી 2025ની ચેમ્પિયન્સ ટ્રોફી અને 2027ના ODI વર્લ્ડ કપમાં ટીમને આગળ લઈ જવાની રહેશે. અહેવાલો અનુસાર, એક અનુભવી ભારતીય ખેલાડીએ કોચ બનવાની ના પાડી દીધી છે. હવે લાંબા સમય બાદ ભારતીય ટીમને પણ વિદેશી કોચ મળી શકે છે.

આ ભારતીય દિગ્ગજનું નામ આગળ હતું
'સ્પોર્ટસ્ટાર'ના એક અહેવાલ મુજબ, રાહુલ દ્રવિડને 2023ના ODI વર્લ્ડ કપ પછી વિસ્તૃત કાર્યકાળ મળ્યો હતો, પરંતુ તેણે અંગત કારણોસર તેને લંબાવવાની ના પાડી દીધી છે. રિપોર્ટમાં એમ પણ કહેવામાં આવ્યું છે કે કેટલાક વરિષ્ઠ ખેલાડીઓએ તેમને માત્ર ટેસ્ટ ટીમના કોચ તરીકે રહેવાની વિનંતી કરી હતી, પરંતુ તેમણે ના પાડી દીધી હતી. નેશનલ ક્રિકેટ એકેડમીના વડા વીવીએસ લક્ષ્મણને આ પદ માટે સૌથી આગળ માનવામાં આવતા હતા. પરંતુ રિપોર્ટ અનુસાર તે પણ આ રેસમાં ભાગ નથી લઈ રહ્યો.

મુખ્ય કોચની રેસમાં બે વિદેશી ખેલાડીઓ પણ છે
ભારતીય ક્રિકેટ ટીમના આગામી મુખ્ય કોચ તરીકે ન્યૂઝીલેન્ડના પૂર્વ કેપ્ટન સ્ટીફન ફ્લેમિંગનું નામ ખૂબ ચર્ચામાં છે. ફ્લેમિંગ હાલમાં ચેન્નાઈ સુપર કિંગ્સના મુખ્ય કોચ છે અને તેમના કાર્યકાળ દરમિયાન ટીમે રેકોર્ડ પાંચ આઈપીએલ ટાઈટલ જીત્યા છે. ઈન્ડિયન એક્સપ્રેસના અહેવાલ મુજબ, બીસીસીઆઈ ફ્લેમિંગને તેમની મેન મેનેજમેન્ટ કુશળતા અને અનુભવને કારણે ઉમેદવાર માને છે. જોકે, ચેન્નાઈ સુપર કિંગ્સે આ અફવાઓને ફગાવી દીધી છે અને સીઈઓ કાશી વિશ્વનાથનનું કહેવું છે કે ફ્લેમિંગ અને ફ્રેન્ચાઈઝી વચ્ચે હજુ સુધી આવી કોઈ વાતચીત થઈ નથી.

રિકી પોન્ટિંગના નામનો પણ ઉલ્લેખ કરવામાં આવ્યો

કેટલાક રિપોર્ટ્સમાં ઓસ્ટ્રેલિયાના પૂર્વ કેપ્ટન રિકી પોન્ટિંગના નામનો પણ ઉલ્લેખ છે. તો શું ટીમ ઈન્ડિયાના આગામી કોચ તરીકે કોઈ વિદેશી ખેલાડીની એન્ટ્રી થશે કે પછી કોઈ ભારતીય દિગ્ગજ ખેલાડી ચાર્જ સંભાળશે? માત્ર સમય જ કહેશે.

Join Our Official Telegram Channel: https://t.me/abpasmitaofficial