Virat Kohli Anushka Sharma: મુંબઇના રસ્તા પર વિરાટ કોહલીએ ચલાવી સ્કૂટી, સાથે જોવા મળી અનુષ્કા શર્મા

ટીમ ઈન્ડિયાનો સ્ટાર બેટ્સમેન વિરાટ કોહલી હાલમાં ક્રિકેટમાંથી બ્રેકની મજા માણી રહ્યો છે.

કોહલી અને અનુષ્કા

નવી દિલ્હીઃ ટીમ ઈન્ડિયાનો સ્ટાર બેટ્સમેન વિરાટ કોહલી હાલમાં ક્રિકેટમાંથી બ્રેકની મજા માણી રહ્યો છે. શનિવારે વિરાટ કોહલી મડ આઇલેન્ડમાં એક પ્રોજેક્ટનું શૂટિંગ કર્યા બાદ પત્ની અનુષ્કા શર્મા સાથે સ્કૂટી ચલાવતો જોવા મળ્યો હતો.

 

 

 

 

 

View this post on Instagram

 

 

 

 

 

 

 

 

 

 

 

A post shared by Viral Bhayani (@viralbhayani)

વાયરલ થઈ રહેલી તસવીરોમાં વિરાટ કોહલી અને અનુષ્કા શર્માએ બ્લેક હેલ્મેટ પહેર્યા છે. કોહલી સ્કૂટી ચલાવી રહ્યો છે જ્યારે અનુષ્કા શર્મા તેની પાછળ બેઠી છે. અનુષ્કા સંપૂર્ણપણે બ્લેક આઉટફિટમાં જોવા મળી રહી છે. બીજી તરફ, કિંગ કોહલીએ સફેદ સ્નીકર્સ સાથે ગ્રીન શર્ટ અને બ્લેક જીન્સ પહેર્યું હતું.

વિરાટ કોહલી હાલમાં તેની કારકિર્દીના ખરાબ તબક્કામાંથી પસાર થઈ રહ્યો છે અને તેને સદી ફટકાર્યાને એક હજાર દિવસ થઈ ગયા છે. વિરાટ કોહલીની છેલ્લી આંતરરાષ્ટ્રીય સદી 23 નવેમ્બર 2019ના રોજ આવી હતી. ત્યારબાદ તેણે બાંગ્લાદેશ સામે કોલકાતા ટેસ્ટ મેચના બીજા દિવસે 136 રન બનાવ્યા હતા. આંતરરાષ્ટ્રીય સ્તરે કોહલીની આ 70મી સદી હતી.

વિરાટ કોહલીને વેસ્ટ ઈન્ડિઝ પ્રવાસમાં આરામ આપવામાં આવ્યો હતો. ઉપરાંત, તે વર્તમાન ઝિમ્બાબ્વે પ્રવાસમાં પણ ટીમનો ભાગ નથી. હવે કોહલી એશિયા કપમાં રમતો જોવા મળશે. એશિયા કપ આ મહિનાની 27 તારીખથી શરૂ થઈ રહ્યો છે અને 11 સપ્ટેમ્બર સુધી ચાલશે. તે ટુર્નામેન્ટમાં ભારતે તેની પ્રથમ મેચ પાકિસ્તાન સામે રમવાની છે.