Arjun-Saaniya Wedding: એકબીજાના થયા અર્જૂન-સાનિયા, બોલીવૂડ-ક્રિકેટ જગતની હસ્તિઓએ આપી હાજરી 

ભૂતપૂર્વ ભારતીય ક્રિકેટ દિગ્ગજ સચિન તેંડુલકરના પુત્ર અર્જુન તેંડુલકર લગ્નના બંધનમાં બંધાઈ ગયો છે. તેણે સાનિયા ચંડોક સાથે લગ્ન કર્યા.

એક બીજાના થયા અર્જૂન-સાનિયા

Source : તસવીર સોશિયલ મીડિયા

Arjun Tendulkar-Saaniya Chandhok Wedding: ભૂતપૂર્વ ભારતીય ક્રિકેટ દિગ્ગજ સચિન તેંડુલકરના પુત્ર અર્જુન તેંડુલકર લગ્નના બંધનમાં બંધાઈ ગયો છે. તેણે સાનિયા ચંડોક સાથે લગ્ન કર્યા. 3 માર્ચે મહાલક્ષ્મી રેસકોર્સ ખાતે એક ખાનગી મહેંદી સમારોહ યોજાયો હતો. મહેંદી સમારોહમાં અનેક ક્રિકેટ જગતના દિગ્ગજો હાજર રહ્યા હતા. અર્જૂન તેંડુલકરના લગ્નમાં ઘણા મહેમાનો પણ હાજર રહ્યા હતા, જેમાં ભૂતપૂર્વ ભારતીય કેપ્ટન એમએસ ધોનીનો પણ સમાવેશ થાય છે. ચાલો જાણીએ કે મહેમાનો કોણ હતા.

અર્જુન તેંડુલકરના લગ્નમાં હાજરી આપનારા મહેમાનો

નોંધનીય છે કે ટીમ ઈન્ડિયાના ભૂતપૂર્વ ફાસ્ટ બોલર અને વર્તમાન પસંદગીકાર અજિત અગરકર પણ અર્જુનના લગ્નમાં જોવા મળ્યા હતા. એમએસ ધોની પત્ની સાથે લગ્ન સમારોહમાં જોવા મળ્યા હતા. ભૂતપૂર્વ ભારતીય ખેલાડી અને ભૂતપૂર્વ કોચ રાહુલ દ્રવિડ પણ તેમની પત્ની  સાથે જોવા મળ્યા હતા. અન્ય પ્રખ્યાત લોકોમાં અજિંક્ય રહાણે, અનિલ કુંબલે, સુરેશ રૈના, વેંકટેશ પ્રસાદ, આકાશ ચોપરા અને યુસુફ પઠાણનો સમાવેશ થાય છે.

સચિનના ક્રિકેટ મિત્રો રવિ શાસ્ત્રી, યુવરાજ સિંહ, હરભજન સિંહ, ઝહીર ખાન, ઈરફાન પઠાણ, યુસુફ પઠાણ, અજીત અગરકર, આકાશ ચોપરા અને સુરેશ રૈનાએ હાજરી આપી હતી.

MS Dhoni and Sakshi at Arjun Tendulkar's wedding 😍❤️ pic.twitter.com/W37g5681CT

— ` (@WorshipDhoni) March 5, 2026

Wishing Arjun Tendulkar a life of happiness and joy. Congratulations to @sachin_rt and the entire family. 😇 pic.twitter.com/Bvl5qblhjo

— Aakash Chopra (@cricketaakash) March 5, 2026

રાજકીય હસ્તીઓને પણ આમંત્રણ આપવામાં આવ્યું હતું

લગ્નમાં વડા પ્રધાન નરેન્દ્ર મોદી, ગૃહમંત્રી અમિત શાહ અને કોંગ્રેસ નેતા રાહુલ ગાંધી સહિત અનેક રાજકીય હસ્તીઓને પણ આમંત્રણ આપવામાં આવ્યું હતું. પરિણામે, અર્જુનનો લગ્ન સમારોહ ખૂબ જ ભવ્ય રહ્યો.

અર્જુન તેંડુલકરની દુલ્હન કોણ છે?

નોંધનીય છે કે અર્જુન તેંડુલકરની પત્ની સાનિયા ચંડોક, એક એન્ટરપ્રેન્યોર છે. તે મુંબઈના ઉદ્યોગપતિ રવિ ઘાઈની પૌત્રી છે. સાનિયા એક પેટ કેર  બ્રાન્ડના માલિક હક  ધરાવે છે, જ્યાં પશુઓની સ્કીનકેર, ગ્રૂમિંગ અને અન્ય વસ્તુઓ થાય છે. 

અર્જુન આ વખતે લખનૌ સુપર જાયન્ટ્સ માટે રમશે

IPL 2026 માં, અર્જુન તેંડુલકર લખનૌ સુપર જાયન્ટ્સ માટે રમશે. અગાઉ, તે મુંબઈ ઇન્ડિયન્સનો સભ્ય હતો. અર્જુનને લખનૌમાં કેટલી તકો મળે છે અને તે કેવું પ્રદર્શન કરે છે તે જોવું રસપ્રદ રહેશે.