Ind vs HKG, Match Highlight: હોંગકોંગને 40 રનથી હરાવી ટીમ ઇન્ડિયાએ સુપર-4 માટે કર્યું ક્વોલિફાય

Asia Cup 2022, IND vs HKG: ભારતીય ટીમે એશિયા કપ 2022માં ગ્રુપ Aની બીજી મેચમાં હોંગકોંગને 40 રનથી હરાવ્યું હતું

ફોટોઃ BCCI

Asia Cup 2022, IND vs HKG:  ભારતીય ટીમે એશિયા કપ 2022માં ગ્રુપ Aની બીજી મેચમાં હોંગકોંગને 40 રનથી હરાવ્યું હતું. ટૂર્નામેન્ટમાં ભારતની આ સતત બીજી જીત છે. પ્રથમ બેટિંગ કરતા ભારતે સૂર્યકુમાર અને વિરાટ કોહલીની અડધી સદીની મદદથી હોંગકોંગને જીતવા માટે 193 રનનો ટાર્ગેટ આપ્યો હતો. જવાબમાં હોંગકોંગ નિર્ધારિત 20 ઓવરમાં 5 વિકેટના નુકસાન પર 152 રન જ બનાવી શકી. હોંગકોંગ તરફથી બાબર હયાતે 41 રન બનાવ્યા હતા. ભારત તરફથી અર્શદીપ સિંહ, ભુવનેશ્વર કુમાર, રવિન્દ્ર જાડેજા અને અવેશ ખાનને એક-એક વિકેટ મળી હતી.

That's that from our second match at the #AsiaCup2022. #TeamIndia win by 40 runs.

Scorecard - https://t.co/k9H9a0e758 #INDvHK #AsiaCup2022 pic.twitter.com/fIPq7vPjdz

— BCCI (@BCCI) August 31, 2022

હોંગકોંગે ટોસ જીતીને બોલિંગ કરવાનો નિર્ણય લીધો હતો. પ્રથમ બેટિંગ કરતા ભારતે 2 વિકેટે 192 રનનો મોટો સ્કોર બનાવ્યો હતો. સૂર્યકુમાર યાદવ 26 બોલમાં 68 રન બનાવીને અણનમ રહ્યો હતો. પોતાની ઇનિંગ દરમિયાન સૂર્યકુમાર યાદવે છ ફોર અને છ સિક્સ ફટકારી હતી. વિરાટ કોહલીએ પણ 44 બોલમાં અણનમ 59 રન બનાવ્યા હતા. જવાબમાં હોંગકોંગની ટીમ 5 વિકેટે 152 રન જ બનાવી શકી હતી. બાબર હયાતે સૌથી વધુ 41 રન બનાવ્યા હતા. આ સિવાય કિનચિત શાહે પણ 30 રન બનાવ્યા હતા. અવેશ ખાન મોંઘો સાબિત થયો. તેણે 4 ઓવરમાં 53 રન આપ્યા અને એક વિકેટ ઝડપી હતી.

સૂર્યકુમાર અને કોહલીએ 7 ઓવરમાં 98 રનની અણનમ ભાગીદારી કરી હતી. ટીમે છેલ્લી 5 ઓવરમાં 78 રન ફટકાર્યા હતા. કેપ્ટન રોહિત શર્માએ 21 અને કેએલ રાહુલે 36 રન બનાવ્યા હતા. ભારતે પ્રથમ મેચમાં પાકિસ્તાનને 5 વિકેટે હરાવ્યું હતું. અફઘાનિસ્તાન પહેલા જ ગ્રુપ Bમાંથી સુપર-4 માટે ક્વોલિફાય થઈ ચૂક્યું છે, જ્યારે ભારતીય ટીમ હોંગકોંગને હરાવીને ગ્રુપ Aમાંથી ક્વોલિફાય થનારી પ્રથમ ટીમ બની ગઈ છે. પાકિસ્તાન, બાંગ્લાદેશ, હોંગકોંગ અને શ્રીલંકાએ પોતાની જીતનું ખાતું ખોલ્યું નથી.