Asia Cup 2022: એશિયા કપમાં ફરી થઈ શકે છે ભારત-પાકિસ્તાનની ટક્કર, જાણો શું છે ગણિત
IND vs PAK: આગામી રાઉન્ડમાં ફરી એકવાર ભારત અને પાકિસ્તાન આમને સામને થઈ શકે છે. એટલું જ નહીં ફાઇનલમાં ભારત અને પાકિસ્તાન વચ્ચે શાનદાર મુકાબલો થવાની પણ સંભાવના છે.
Asia Cup 2022, IND vs PAK: IND vs PAK: રવિવારે રમાયેલી એશિયા કપની મેચમાં પાકિસ્તાનને ભારતના હાથે 5 વિકેટે હારનો સામનો કરવો પડ્યો હતો. પાકિસ્તાનના કેપ્ટન બાબર આઝમે પોતાના બેટ્સમેનોના નિરાશાજનક પ્રદર્શનને હારનું કારણ ગણાવ્યું છે. જોકે બાબર આઝમ પોતાના બોલરોના પ્રદર્શનથી ખુશ છે. જો કે પાકિસ્તાન માટે આગામી રાઉન્ડમાં પહોંચવાની સંભાવના છે.
પ્રથમ બેટિંગ કરતા પાકિસ્તાનની ટીમ 19.5 ઓવરમાં 147 રનમાં ઓલઆઉટ થઈ ગઈ હતી. આ લક્ષ્યનો પીછો કરતા ભારતની શરૂઆત પણ ખરાબ રહી હતી. પરંતુ અંતે ટીમ ઈન્ડિયા 19.4 ઓવરમાં 5 વિકેટ ગુમાવીને જીત મેળવવામાં સફળ રહી હતી.
પાકિસ્તાનના કેપ્ટન બાબર આઝમે કહ્યું કે તેમની ટીમ 10, 15 રનથી પાછળ રહી ગઈ છે. તેણે કહ્યું, “અમે પણ અમારા ઝડપી બોલરોના દમ પર મેચમાં પુનરાગમન કર્યું હતું પરંતુ અમે 10 રન ઓછા બનાવ્યા હતા. હાર્દિકે શાનદાર પ્રદર્શન કરીને ભારતને જીત અપાવી હતી.
Winning moment 🇮🇳#AsiaCup2022 pic.twitter.com/BRo8ByL9mo
— ICC (@ICC) August 28, 2022
મેગા મુકબલો થઈ શકે છે
બાબર આઝમે નસીમ શાહના પ્રદર્શનની પ્રશંસા કરી હતી. પાકિસ્તાનના કેપ્ટને કહ્યું, “અમારા લોઅર ઓર્ડરે સારો સ્કોર કરવાનો અમારો શ્રેષ્ઠ પ્રયાસ કર્યો. અમારો પ્રયાસ રમતને વધુ આગળ લઈ જવાનો હતો. અમે દબાણ બનાવવાનો પ્રયાસ કર્યો હતો. નસીમ શાહ યુવાન છે અને તેણે ઘણી સારી બોલિંગ કરી હતી.
જોકે, પાકિસ્તાનની ટીમ પાસે હજુ પણ આગામી રાઉન્ડમાં જગ્યા બનાવવાની તક છે. જો પાકિસ્તાનની ટીમ તેની આગામી મેચમાં હોંગકોંગને હરાવવામાં સફળ રહે છે તો આગામી રાઉન્ડમાં તેનું સ્થાન લગભગ નિશ્ચિત છે. બીજી તરફ ટીમ ઈન્ડિયાએ પાકિસ્તાન જેવી મજબૂત ટીમને હરાવીને આગામી રાઉન્ડમાં પોતાનું સ્થાન નિશ્ચિત કરી લીધું છે. આગામી રાઉન્ડમાં ફરી એકવાર ભારત અને પાકિસ્તાન આમને સામને થઈ શકે છે. એટલું જ નહીં ફાઇનલમાં ભારત અને પાકિસ્તાન વચ્ચે શાનદાર મુકાબલો થવાની પણ સંભાવના છે.
PM મોદીએ પાઠવ્યા અભિનંદન
એશિયા કપની બીજી મેચમાં ટીમ ઈન્ડિયાએ પાકિસ્તાનને પાંચ વિકેટથી હરાવ્યું હતું. પ્રથમ રમત બાદ પાકિસ્તાને 147 રન બનાવ્યા હતા. જવાબમાં ટીમ ઈન્ડિયાએ બે બોલ પહેલા જ લક્ષ્યનો પીછો કરી લીધો હતો. આ જીત બાદ પીએમ મોદીએ ટીમ ઈન્ડિયાને અભિનંદન પાઠવ્યા હતા. પીએમ મોદીએ ટ્વીટ કરી જણાવ્યું હતું કે ટીમ ઈન્ડિયાએ આજની એશિયા કપ મેચમાં શાનદાર ઓલરાઉન્ડ પ્રદર્શન કર્યું. ટીમે શાનદાર કૌશલ્ય અને ધીરજ દર્શાવી છે. જીત પર તેઓને અભિનંદન."
ટ્રેન્ડિંગ સમાચાર
ટોપ સ્ટોરી
