BCCI એ કરી 9,741 કરોડની કમાણી, માત્ર IPL થી થઈ 5 હજાર કરોડથી વધુની કમાણી
ભારતીય ક્રિકેટ કંટ્રોલ બોર્ડ (BCCI) વિશ્વના સૌથી ધનિક ક્રિકેટ બોર્ડમાંનું એક છે. આંતરરાષ્ટ્રીય મેચ રમવા ઉપરાંત BCCI ઇન્ડિયન પ્રીમિયર લીગ (IPL) માંથી પણ ઘણી આવક મેળવે છે.
BCCI Earnings: ભારતીય ક્રિકેટ કંટ્રોલ બોર્ડ (BCCI) વિશ્વના સૌથી ધનિક ક્રિકેટ બોર્ડમાંનું એક છે. આંતરરાષ્ટ્રીય મેચ રમવા ઉપરાંત BCCI ઇન્ડિયન પ્રીમિયર લીગ (IPL) માંથી પણ ઘણી આવક મેળવે છે. તાજેતરમાં બહાર આવેલી માહિતી અનુસાર, BCCI ની 50 ટકાથી વધુ આવક IPL માંથી આવે છે. BCCI એ માહિતી આપી છે કે ગયા નાણાકીય વર્ષ 2023-24 માં, બોર્ડે 9,741 કરોડ રૂપિયાની કમાણી કરી હતી. બોર્ડે છેલ્લા બે વર્ષમાં જ આવક વધારીને લગભગ પાંચ હજાર કરોડ કરી છે.
BCCI એ પૈસા ક્યાંથી કમાયા ?
ભારતીય ક્રિકેટ કંટ્રોલ બોર્ડ પાસે આવક ઉત્પન્ન કરવાના ઘણા રસ્તાઓ છે. BCCI પાસે ICC ના શેર પણ છે, જે કરોડો રૂપિયા લાવે છે. IPL અને WPL માંથી પણ મોટો નફો થાય છે. આ ઉપરાંત, મેચ ટિકિટ વેચાણ અને વ્યાપારી અધિકારો દ્વારા પણ ઘણા પૈસા કમાય છે. BCCI ને વિશ્વનું સૌથી ધનિક ક્રિકેટ બોર્ડ કહી શકાય.
- માયખેલના અહેવાલ મુજબ, 2023-24માં IPLમાંથી BCCIએ 5,761 કરોડ રૂપિયાની કમાણી કરી હતી.
- ભારતીય ક્રિકેટ કંટ્રોલ બોર્ડે ICCના હિસ્સામાંથી 1,042 કરોડ રૂપિયાની કમાણી કરી હતી.
- બોર્ડે રિઝર્વ્ડ અને રોકાણો દ્વારા 987 કરોડ રૂપિયાની કમાણી કરી હતી.
- આ ઉપરાંત, BCCIએ WPLમાંથી પણ 378 કરોડ રૂપિયાની કમાણી કરી હતી.
- BCCIએ ટિકિટ વેચાણ અને કોર્મશિયલ રાઈટ્સ દ્વારા 361 કરોડ રૂપિયાની કમાણી કરી હતી.
BCCIની કમાણીમાં 3000 કરોડ રૂપિયાનો નફો?
જ્યારે ભારતીય ક્રિકેટ કંટ્રોલ બોર્ડે 2023-24માં 9,741 કરોડ રૂપિયાની કમાણી કરી છે. પાછલા નાણાકીય વર્ષ 2022-23માં, તેણે 6,820 કરોડ રૂપિયાની કમાણી કરી હતી. આ દર્શાવે છે કે BCCIએ નાણાકીય વર્ષ 2023-24માં 2,921 કરોડ રૂપિયા વધુ કમાણી કરી છે. BCCIએ 2021-22માં 4,230 કરોડ રૂપિયાની કમાણી કરી હતી. જો આપણે જોઈએ તો, BCCI એ આ બે વર્ષમાં લગભગ 5,000 કરોડ રૂપિયાનો નફો કર્યો છે.
ભારતીય ક્રિકેટ કંટ્રોલ બોર્ડ વિશ્વનું સૌથી ધનિક બોર્ડ છે. તેની કમાણીનો અંદાજ એ વાત પરથી લગાવી શકાય છે કે બોર્ડ દર વર્ષે ફક્ત વ્યાજમાંથી 1000 કરોડ રૂપિયા કમાય છે. બોર્ડ પાસે 30000 કરોડ રૂપિયાનું રિઝર્વ ફંડ છે, જેમાંથી વ્યાજ આવે છે. બોર્ડે નાણાકીય વર્ષ 2023-24માં 9741.7 કરોડ રૂપિયાની રેકોર્ડ આવક નોંધાવી છે, જેમાંથી લગભગ 60 ટકા આવક ફક્ત ઇન્ડિયન પ્રીમિયર લીગમાંથી આવી છે.
ટોપ સ્ટોરી
ટ્રેન્ડિંગ સમાચાર
