ભારતીય ક્રિકેટ ટીમના કેપ્ટન બદલવા મુદ્દે જય શાહે આપ્યું મોટું નિવેદન ?

બીસીસીઆઈના સચિવ જય શાહે તમામ અટકળો પર પૂર્ણવિરામ લગાવતાં સ્પષ્ટ કર્યુ કે, આવી તમામ ખબર બકવાસ છે. હાલ ટીમ સ્પિલટ કેપ્ટનસીને લઈ બિલકુલ વિચારી રહી નથી.

kohli_and_rohit

નવી દિલ્હીઃ ભારતીય ક્રિકેટ ટીમમાં ટી-20 વર્લ્ડકપ બાદ મોટા પાયે ફેરફાર થઈ શકે છે. ટીમ ઈન્ડિયાનો કેપ્ટન વિરાટ કોહલી ઓક્ટોબર અને નવેમ્બરમાં રમાનારા ટી-20 વર્લ્ડકપ બાદ મર્યાદીત ઓવરના ક્રિકેટમાં કેપ્ટનપદેથી હકાલપટ્ટી કરવામાં આવી શકે છે. ટીમ ઈન્ડિયાના હિટમેન રોહિત શર્માને વન ડે અને ટી-20નો નવો કેપ્ટન બનાવવામાં આવી શકે છે.

એક રિપોર્ટ મુજબ 32 વર્ષીય વિરાટ કોહલી લાંબા સમયથી ભારતના ત્રણેય ફોર્મેટનો કેપ્ટન છે અને તે અત્યાર સુધીનો સૌથી સફળ કેપ્ટન છે. પરંતુ તેણે રોહિત શર્મા સાથે કેપ્ટનશિપની જવાબદારી વહેંચવાનો ફેંસલો લીધો છે. અખબારના રિપોર્ટ પ્રમાણે, વિરાટ કોહલીએ છેલ્લા થોડા મહિનામાં હોતિ અને ટીમ મેનેજમેન્ટ સાથે આ મુદ્દે લાંબી વાતચીત કરી છે.  જે બાદ બીસીસીઆઈના સચિવ જય શાહે મોટું નિવેદન આપ્યું હતું. તેણે તમામ અટકળો પર પૂર્ણવિરામ લગાવતાં સ્પષ્ટ કર્યુ કે, આવી તમામ ખબર બકવાસ છે. હાલ ટીમ સ્પિલટ કેપ્ટનસીને લઈ બિલકુલ વિચારી રહી નથી.

જય શાહે શું કહ્યું

જય શાહે કહ્યું, અમે આવો કોઈ પ્રસ્તાવ રાખ્યો નથી. વિરાટ કોહલીની કેપ્ટનશિપમાં ટીમ સારી રીતે આગળ વધી રહી છે. લિમિટેડ ઓવરના ક્રિકેટમાં વિરાટના બદલે રોહિતને કેપ્ટનશિપ આપવાની વાત બકવાસ હોવાના બીસીસીઆઈ કોષાધ્યક્ષના નિવેદન પર પણ તેણે સહમતિ વ્યક્ત કરી હતી. આપણે બધા સારી રીતે સમજીએ છીએ કે આવો પ્રસ્તાવ ભારતીય ટીમના હિતમાં નથી અને તે પણ એવા સમયે જ્યારે ટીમ ટી-20 વર્લ્ડકપમાં ભાગ લેવા જઈ રહી છે.

2014માં અચાનક કોહલી બન્યો હતો કેપ્ટન

વિરાટ કોહલી 2014માં ટેસ્ટ કેપ્ટન બન્યો હતો. તે સમયે ભારતીય ક્રિકેટ ટીમ ઓસ્ટ્રેલિયા પ્રવાસે હતી અને મહેન્દ્ર સિંહ ધોનીએ અચાનક ટેસ્ટમાંથી સંન્યાસની જાહેરાત કરી હતી. જે બાદ વિરાટને ટીમની કેપ્ટનશિપ સોંપાઈ હતી. જે બાદ ધોનીએ 2017માં ક્રિકેટના તમામ ફોર્મેટમાંથી કેપ્ટન પદેથા રાજીનામું આપ્યું હતું. ત્યારે કોહલીને તમામ ફોર્મેટનો કેપ્ટન બનાવાયો હતો.

કોહલીનો કેપ્ટન તરીકે કેવો છે દેખાવ

કોહલીએ 65 ટેસ્ટમાં કેપ્ટનશિપ કરી છે, જેમાંથી 38 જીત્યો છે. તેની કેપ્ટનશિપમાં ભારત 95 વન ડેમાંથી 65 મેચ જીત્યું છે. જ્યારે 45 ટી-20 આંતરરાષ્ટ્રીયમાંથી 29 મેચમાં ભારત વિજેતા બન્યું છે.

આ પણ વાંચોઃ ભારતમાં ક્યાં સુધી માસ્ક પહેરવું પડશે ? જાણો નીતિ આયોગના ડો. વી.કે.પૉલે શું કહ્યું...