![ABP Premium](https://cdn.abplive.com/imagebank/Premium-ad-Icon.png)
T20 WC 2024: 24 બોલમાં 24 રન, વિરાટ કોહલીના ખરાબ ફોર્મને લઈને બ્રાયન લારાએ આપ્યું મોટું નિવેદન
Virat Kohli: T20 વર્લ્ડ કપમાં વિરાટ કોહલી ખરાબ ફોર્મમાંથી પસાર થઈ રહ્યો છે. આ સિવાય સ્ટ્રાઈક રેટ પર પણ સતત સવાલો ઉઠી રહ્યા છે. જો કે હવે વિરાટ કોહલીના ખરાબ ફોર્મ પર બ્રાયન લારાનું નિવેદન આવ્યું છે.
![T20 WC 2024: 24 બોલમાં 24 રન, વિરાટ કોહલીના ખરાબ ફોર્મને લઈને બ્રાયન લારાએ આપ્યું મોટું નિવેદન brian-lara-shuts-virat-kohli-critics-ind-vs-afg-t20-world-cup-2024 T20 WC 2024: 24 બોલમાં 24 રન, વિરાટ કોહલીના ખરાબ ફોર્મને લઈને બ્રાયન લારાએ આપ્યું મોટું નિવેદન](https://feeds.abplive.com/onecms/images/uploaded-images/2024/06/16/e777fb6f8568c7a35818924503069fdd1718530700157936_original.jpg?impolicy=abp_cdn&imwidth=1200&height=675)
Brian Lara On Virat Kohli: વિરાટ કોહલીએ અફઘાનિસ્તાન સામે 24 બોલમાં 24 રન બનાવ્યા હતા. આ પછી વિરાટ કોહલી ટીકાકારોના નિશાના પર આવ્યો હતો. ભૂતપૂર્વ ભારતીય કેપ્ટન સોશિયલ મીડિયા પર ખૂબ ટ્રોલ થયો હતો. વાસ્તવમાં વિરાટ કોહલી આ T20 વર્લ્ડ કપમાં ખરાબ ફોર્મમાંથી પસાર થઈ રહ્યો છે. આ સિવાય સ્ટ્રાઈક રેટ પર પણ સતત સવાલો ઉઠી રહ્યા છે. જો કે હવે વિરાટ કોહલીના સ્ટ્રાઈક રેટ અને ખરાબ ફોર્મ પર વેસ્ટ ઈન્ડિઝના પૂર્વ દિગ્ગજ બ્રાયન લારાનું નિવેદન આવ્યું છે. બ્રાયન લારાએ કહ્યું કે જો વિરાટ કોહલીએ 24 બોલમાં 24 રન બનાવ્યા તો તમે કહી શકો કે તે સારી ઈનિંગ નથી, પરંતુ સારી વાત એ છે કે તેણે ક્રિઝ પર સમય પસાર કર્યો.
'ભારતીય ચાહકો તરીકે તમારે ધીરજ રાખવી પડશે...'
બ્રાયન લારાએ કહ્યું કે ભારતીય ટીમ સતત ખિતાબ માટે આગળ વધી રહી છે. સાથે જ મને વિશ્વાસ છે કે વિરાટ કોહલી વેસ્ટ ઈન્ડિઝની ધરતી પર તેની જૂની સ્ટાઈલમાં જોવા મળશે, તે જલ્દી જ ફોર્મમાં પરત ફરશે. ભારત અને બાંગ્લાદેશ એન્ટિગુઆમાં સામસામે ટકરાશે. તમે જોશો કે વિરાટ કોહલી એન્ટીગુઆમાં રન બનાવશે. સાથે બ્રાયન લારાએ કહ્યું કે ભારતીય ચાહકો તરીકે તમારે ધીરજ રાખવી પડશે. વિરાટ કોહલી મોટી મેચોનો ખેલાડી છે, તે મોટી મેચોમાં ચોક્કસપણે રન બનાવશે. જ્યારે આ બેટ્સમેન પોતાના રંગમાં બેટિંગ કરે છે ત્યારે એક અલગ જ અહેસાસ થાય છે.
ભારતીય ટીમે ટી20 વર્લ્ડ કપ અભિયાનની શરૂઆત આયર્લેન્ડ સામે કરી હતી
તમને જણાવી દઈએ કે ભારતીય ટીમે ટી20 વર્લ્ડ કપ અભિયાનની શરૂઆત આયર્લેન્ડ સામે કરી હતી. વિરાટ કોહલી આયર્લેન્ડ સામે 5 બોલમાં 1 રન બનાવીને આઉટ થયો હતો. જ્યારે પાકિસ્તાન સામે 3 બોલમાં 4 રન બનાવ્યા બાદ તે નસીમ શાહના બોલ પર પેવેલિયન પરત ફર્યો હતો. અમેરિકા સામે ખાતું ખોલવામાં નિષ્ફળ રહ્યો હતો, જ્યારે અફઘાનિસ્તાન સામે 24 બોલમાં 24 રનની ઇનિંગ રમી હતી. અત્યાર સુધી વિરાટ કોહલી T20 વર્લ્ડ કપની 4 મેચમાં માત્ર 29 રન જ બનાવી શક્યો છે. તમને જણાવી દઈએ વિરાટ કોહલીએ આઈપીએલમાં ઓપનર તરીકે રન બનાવ્યા હતા. જોકે. તે આ વિશ્વ કપમાં ઓપનર તરીકે સતત સંઘર્ષ કરી રહ્યો છે.
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)