IND vs BAN: વિરાટ કોહલીએ સિક્સ ફટકારી સદી પુરી કરી ટીમને જીત અપાવી
IND vs BAN: ભારતે બાગ્લાદેશ સામે શાનદાર જીત મેળવી છે. 257 રનનો ટાર્ગેટ ભારતે 41.3 ઓવરમાં પુરો કરી લીધો હતો.
IND vs BAN: ભારતે બાગ્લાદેશ સામે શાનદાર જીત મેળવી છે. 257 રનનો ટાર્ગેટ ભારતે 41.3 ઓવરમાં પુરો કરી લીધો હતો. વિરાટ કોહલીએ સિક્સર ફટકારીને પોતાની સદી પુરી કરી હતી સાથે સાથે ભારતને જીત પણ અપાવી હતી. વિરાટ કોહલીએ ODI ક્રિકેટમાં પોતાની 48મી સદી ફટકારી હતી. ભારતે 257 રનનો ટાર્ગેટ 41.3 ઓવરમાં ત્રણ વિકેટ ગુમાવીને મેળવી લીધો હતો. વર્લ્ડ કપમાં ભારતનો આ સતત ચોથો વિજય છે. ભારત માટે હવે સેમિફાઇનલનો રસ્તો ખૂબ જ સરળ બની ગયો છે.
𝙃𝙐𝙉𝘿𝙍𝙀𝘿!
— BCCI (@BCCI) October 19, 2023
Number 4⃣8⃣ in ODIs
Number 7⃣8⃣ in international cricket
Take a bow King Kohli 👑🙌#CWC23 | #TeamIndia | #INDvBAN | #MenInBlue pic.twitter.com/YN8XOrdETH
વર્લ્ડ કપમાં ટીમ ઈન્ડિયાની જીતનો સિલસિલો યથાવત છે. ઓસ્ટ્રેલિયા, અફઘાનિસ્તાન અને પાકિસ્તાન બાદ હવે ભારતીય ટીમે બાંગ્લાદેશને હરાવ્યું છે. આ રીતે ટીમ ઈન્ડિયાએ સતત ચોથી જીત નોંધાવી છે. આ સાથે જ બાંગ્લાદેશને હરાવીને ભારતીય ટીમ પોઈન્ટ ટેબલમાં ટોપ પર પહોંચી ગઈ છે. હવે ભારતના 4 મેચમાં 8 પોઈન્ટ છે. જો કે, ન્યુઝીલેન્ડના પણ 4 મેચમાં 8 પોઈન્ટ છે.
રોહિત શર્માએ ફરી તોફાની શરૂઆત કરી હતી
ભારતીય બોલરો બાદ બેટ્સમેનોએ પોતાની તાકાત બતાવી હતી. ટીમ ઈન્ડિયાને 257 રનનો ટાર્ગેટ મળ્યો હતો. ભારતે 41.3 ઓવરમાં 3 વિકેટે 261 રન બનાવીને મેચ જીતી લીધી હતી. ભારત માટે ઓપનર રોહિત શર્મા અને શુભમન ગિલે પ્રથમ વિકેટ માટે 88 રન જોડ્યા હતા. રોહિત શર્મા 40 બોલમાં 48 રન બનાવીને પેવેલિયન પરત ફર્યો હતો. શુભમન ગીલે પચાસ રનનો આંકડો પાર કર્યો. શુભમન ગિલ 55 બોલમાં 53 રન બનાવીને આઉટ થયો હતો. આ પછી વિરાટ કોહલીએ બાકીનું કામ પૂરું કર્યું. વિરાટ કોહલીએ શાનદાર સદી ફટકારી હતી. ભૂતપૂર્વ ભારતીય કેપ્ટન 97 બોલમાં 103 રન બનાવીને નોટઆઉટ પરત ફર્યા હતા. જોકે, શ્રેયસ અય્યર માત્ર 19 રન બનાવીને આઉટ થયો હતો, પરંતુ વિરાટ કોહલીએ બાંગ્લાદેશી બોલરોને કોઈ તક આપી ન હતી. આ સિવાય કેએલ રાહુલ 34 બોલમાં 34 રન બનાવીને નોટઆઉટ રહ્યો હતો.
બાંગ્લાદેશે ટોસ જીતીને પ્રથમ બેટિંગ કરવાનો નિર્ણય કર્યો
બાંગ્લાદેશે ભારત સામે ટોસ જીતીને પ્રથમ બેટિંગ કરવાનો નિર્ણય કર્યો હતો. ભારતીય ખેલાડીઓ ફિલ્ડિંગ માટે પહેલા મેદાનમાં ઉતરી હતી. શાકિબ અલ હસન આ મેચમાં નથી રમી રહ્યો. તેની ગેરહાજરીમાં નઝમુલ હસન શાંતો બાંગ્લાદેશની કેપ્ટનશીપ કરી હતી.
ટોપ સ્ટોરી
ટ્રેન્ડિંગ સમાચાર
