CWG 2022: ભારતીય મહિલા ક્રિકેટ ટીમ કોમનવેલ્થ ગેમ્સની ફાઈનલ હારી જતાં આ પૂર્વ ક્રિકેટર નારાજ, જાણો શું કહ્યું...

કોમનવેલ્થ ગેમ્સ 2022માં ભારતીય મહિલા ક્રિકેટ ટીમને ફાઈનલ મેચમાં હારનો સામનો કરવો પડ્યો હતો. ટીમ ઈન્ડિયાએ આ મેચ 9 રનથી હારી હતી.

ફાઈલ ફોટો

Mohammad Azharuddin Indian Women's Cricket Team Commonwealth Games 2022: કોમનવેલ્થ ગેમ્સ 2022માં ભારતીય મહિલા ક્રિકેટ ટીમને ફાઈનલ મેચમાં હારનો સામનો કરવો પડ્યો હતો. ટીમ ઈન્ડિયાએ આ મેચ 9 રનથી હારી હતી અને ગોલ્ડ મેડલ ચુકી ગઈ હતી. જો કે, ભારતીય મહિલા ક્રિકેટ ટીમે સિલ્વ મેડલ જીત્યો છે. ભારતીય ટીમની આ હાર અંગે પૂર્વ ક્રિકેટર મોહમ્મદ અઝરુદ્દીને ટ્વીટ કરીને ભારતીય ટીમની બેટિંગને લઈ નારાજગી વ્યક્ત કરી છે. 

મોહમ્મદ અઝરુદ્દીને શું કહ્યું ?

ભારતના પૂર્વ ક્રિકેટર મોહમ્મદ અઝરુદ્દીને પોતાના ટ્વીટમાં લખ્યું કે, "ભારતીય ટીમની બેટિંગ બકવાસ રહી. કોમન સેન્સ જ નથી. વિરોધી ટીમને જીત માટે રસ્તો તૈયાર કરીને આપી દીધો".

Rubbish batting by the Indian team. No common sense. Gave away a winning game on a platter. #INDvsAUS #WomensCricket #CWG22

— Mohammed Azharuddin (@azharflicks) August 7, 2022

ભારતીય મહિલા ટીમ 9 રનથી હારી ગઈ

ઉલ્લેખનીય છે કે, ગઈકાલે બર્મિંગહામમાં યોજાઈ રહેલ કોમનવેલ્થ ગેમ્સમાં મહિલા ક્રિકેટની ફાઈનલ મેચ રમાઈ હતી. આ મેચમાં ઓસ્ટ્રેલિયાએ પ્રથમ બેટિંગ કરતા 20 ઓવરમાં 8 વિકેટ ગુમાવી 161 રન બનાવ્યા હતા. લક્ષ્યાંકનો પીછો કરવા ઉતરેલી મહિલા ટીમે ખૂબ જ શાનદાર ઈનિંગ રમી હતી. હરમનપ્રિત કૌરે 65 રનની શાનદાર ઈનિંગ રમી હતી. જો કે, ત્રીજી વિકેટ પડી ગયા બાદ ભારતીય ટીમ વધુ સારું પ્રદર્શન નહોતી કરી શકી અને માત્ર 9 રનથી ફાઈનલ મેચ હારી ગઈ હતી.

કોમનવેલ્થ ગેમ્સની સેમીફાઈનલ મેચમાં ભારતે ઈંગ્લેન્ડને હરાવી જ્યારે ઓસ્ટ્રેલિયાએ ન્યુઝીલેન્ડને હરાવીને ફાઈનલમાં જગ્યા બનાવી હતી.  આ પહેલીવાર છે જ્યારે મહિલા ક્રિકેટને કોમનવેલ્થ ગેમ્સમાં રમવાની તક મળી હતી. 

આ પણ વાંચોઃ