Fact Check: મોહમ્મદ શમીએ ઇન્સ્ટા સ્ટોરી પર લગાવ્યો પાકિસ્તાનનો ઝંડો? જાણો સોશિયલ મીડિયા પર વાયલ પોસ્ટનું સત્ય

સોશિયલ મીડિયા પર વાયરલ થઈ રહેલો ફોટો AI નો ઉપયોગ કરીને તૈયાર કરાયો છે, શમીએ આવી કોઈ તસવીર શેર કરી નથી; આ પહેલા પણ શમીની ટેસ્ટ નિવૃત્તિનો ખોટો દાવો કરાયો હતો, જેના પર શમીએ ગુસ્સો વ્યક્ત કર્યો હતો.

મોહમ્મદ શમીએ ઇન્સ્ટા સ્ટોરી પર લગાવ્યો પાકિસ્તાનનો ઝંડો?

Source : Social Media

Mohammed Shami Instagram story: ભારતીય ક્રિકેટ જગતના ફાસ્ટ બોલર મોહમ્મદ શમી ફરી એકવાર સોશિયલ મીડિયા પર વાયરલ થયેલા એક ફોટોગ્રાફને કારણે ચર્ચામાં આવ્યા છે. તેમના વિશે એક મોટો દાવો કરવામાં આવી રહ્યો છે કે તેમણે પોતાની ઇન્સ્ટાગ્રામ સ્ટોરી પર પાકિસ્તાનનો ધ્વજ લગાવ્યો છે. આ દાવાએ ઇન્ટરનેટ પર ધૂમ મચાવી દીધી છે અને ઘણા લોકો તેને સાચો માની રહ્યા છે. જોકે, આ દાવાની સત્યતા તપાસતા ચોંકાવનારી વિગતો સામે આવી છે.

સોશિયલ મીડિયા પ્લેટફોર્મ ફેસબુક પર મોહમ્મદ શમીનો એક ફોટો વાયરલ થઈ રહ્યો છે, જેમાં દાવો કરવામાં આવી રહ્યો છે કે તેમણે તેમની ઓફિશિયલ ઇન્સ્ટાગ્રામ સ્ટોરી પર પાકિસ્તાનનો ધ્વજ પોસ્ટ કર્યો છે. આ સમાચાર IPL ૨૦૨૫ ની સિઝન વચ્ચે આવ્યા છે અને ઝડપથી ફેલાઈ રહ્યા છે.

વાસ્તવિકતા શું છે?

જ્યારે આ વાયરલ દાવાની તપાસ કરવામાં આવી ત્યારે સ્પષ્ટ થયું કે ભારતીય ફાસ્ટ બોલર મોહમ્મદ શમીએ ઇન્સ્ટાગ્રામ પર આવી કોઈ તસવીર શેર કરી નથી. પાકિસ્તાની ધ્વજ લગાવવાનો દાવો સંપૂર્ણપણે ખોટો અને પાયાવિહોણો છે. આ ફોટોગ્રાફ વાસ્તવિક નથી, પરંતુ આર્ટિફિશિયલ ઇન્ટેલિજન્સ (AI) નો ઉપયોગ કરીને તૈયાર કરવામાં આવ્યો છે. કેટલાક અસામાજિક તત્વો દ્વારા આ AI-જનરેટેડ ફોટોને સોશિયલ મીડિયા પર વ્યાપકપણે શેર કરવામાં આવી રહ્યો છે, જે લોકોને ગેરમાર્ગે દોરવાનો સ્પષ્ટ પ્રયાસ છે.

પહેલા પણ થઈ ચૂક્યા છે ખોટા દાવા:

મોહમ્મદ શમી વિશે ખોટા દાવા કરવામાં આવ્યા હોય તેવી આ પહેલી ઘટના નથી. થોડા દિવસો પહેલા જ, વિરાટ કોહલી અને રોહિત શર્માની ટેસ્ટ ક્રિકેટમાંથી નિવૃત્તિ બાદ, એક મોટો દાવો કરવામાં આવ્યો હતો કે મોહમ્મદ શમી પણ ટેસ્ટ ક્રિકેટમાંથી નિવૃત્તિ લેવા જઈ રહ્યો છે. આ દાવાઓ એટલા વહેતા થયા હતા કે શમીએ પોતે આગળ આવીને તેના પર પ્રતિક્રિયા આપવી પડી હતી. તેમણે આવા દાવા કરનારા લોકો પર ગુસ્સો વ્યક્ત કર્યો હતો અને કહ્યું હતું કે આવા baseless દાવા ક્રિકેટરોનું ભવિષ્ય બરબાદ કરી દે છે.

મોહમ્મદ શમી હાલમાં IPL ૨૦૨૫ માં સનરાઇઝર્સ હૈદરાબાદ (SRH) ટીમ તરફથી રમી રહ્યા છે. જોકે, SRH ટીમ પહેલાથી જ પ્લેઓફની રેસમાંથી બહાર થઈ ગઈ છે. આ સિઝનમાં શમીનું પ્રદર્શન પણ અપેક્ષા મુજબ ખાસ રહ્યું નથી, તેમણે અત્યાર સુધી ૯ મેચમાં માત્ર ૬ વિકેટ ઝડપી છે.