ENG vs PAK: વર્લ્ડ કપમાં પાકિસ્તાનની સફર સમાપ્ત, છેલ્લી મેચમાં ઈંગ્લેન્ડે ભૂંડી રીતે હરાવ્યું

ENG vs PAK Match Report: ઈંગ્લેન્ડે પાકિસ્તાનને 93 રનના વિશાળ માર્જિનથી હરાવ્યું છે. આ રીતે બાબર આઝમની ટીમે હાર સાથે વર્લ્ડ કપમાંથી બહાર થઈ ગયું. આ સાથે જ ડિફેન્ડિંગ ચેમ્પિયન ઈંગ્લેન્ડે આ ટૂર્નામેન્ટમાં ત્રીજી જીત મેળવી છે.

( Image Source : Social Media )

Source : Social Media

ENG vs PAK Match Report: ઈંગ્લેન્ડે પાકિસ્તાનને 93 રનના વિશાળ માર્જિનથી હરાવ્યું છે. આ રીતે બાબર આઝમની ટીમે હાર સાથે વર્લ્ડ કપમાંથી બહાર થઈ ગયું. આ સાથે જ ડિફેન્ડિંગ ચેમ્પિયન ઈંગ્લેન્ડે આ ટૂર્નામેન્ટમાં ત્રીજી જીત મેળવી છે. પાકિસ્તાનને જીતવા માટે 338 રનનો ટાર્ગેટ હતો, પરંતુ પાકિસ્તાની ટીમ 43.3 ઓવરમાં માત્ર 244 રન પર જ સિમિત રહી ગઈ હતી. આ જીત બાદ ઈંગ્લેન્ડ ચેમ્પિયન્સ ટ્રોફી 2025 માટે ક્વોલિફાઈ થઈ ગયું છે.

પાકિસ્તાનની ટીમ સતત વિકેટ ગુમાવતી રહી

પાકિસ્તાનની શરૂઆત ખૂબ જ ખરાબ રહી હતી. બાબર આઝમની ટીમને પ્રથમ ફટકો શૂન્ય પર લાગ્યો હતો. ડેવિડ વિલીએ અબ્દુલ્લા શફીકને આઉટ કર્યો હતો. તો બીજી તરફ, ફખર ઝમાન 9 બોલમાં 1 રન બનાવીને આઉટ થયો હતો. ફખર ઝમાન જ્યારે આઉટ થયો ત્યારે પાકિસ્તાનનો સ્કોર માત્ર 10 રન હતો. આ રીતે 10 રનના સ્કોર પર પાકિસ્તાનના 2 બેટ્સમેન પેવેલિયન પરત ફર્યા હતા. આ પછી સુકાની બાબર આઝમ અને મોહમ્મદ રિઝવાને નિશ્ચિતપણે સંઘર્ષ બતાવ્યો, પરંતુ બંને ખેલાડીઓ વધુ સમય સુધી ક્રિઝ પર ટકી શક્યા નહીં. બાબર આઝમ 45 બોલમાં 38 રન બનાવીને પેવેલિયન પરત ફર્યો હતો. જ્યારે મોહમ્મદ રિઝવાને 51 બોલમાં 36 રનનું યોગદાન આપ્યું હતું. પાકિસ્તાનને 100 રનના સ્કોર પર ચોથો ઝટકો લાગ્યો હતો.

 

England bow out with a win 🫡
Pakistan miss out on semis 😔

Read the full match report 📝⬇️#ENGvPAK #CWC23https://t.co/4bR7Iw9ByX

— ICC (@ICC) November 11, 2023

આગા સલમાનની ફિફ્ટી, બાકીના બેટ્સમેનોનો ફ્લોપ શો...

આ પછી પણ પાકિસ્તાની બેટ્સમેનોના પેવેલિયન પરત ફરવાની પ્રક્રિયા યથાવત રહી હતી. પાકિસ્તાનને 126 રનના સ્કોર પર પાંચમો ફટકો લાગ્યો હતો. જ્યારે 150 રન સુધી પાકિસ્તાનના 7 ખેલાડીઓ પેવેલિયન તરફ વળ્યા હતા. પાકિસ્તાન માટે માત્ર આગા સલમાન જ પચાસ રનનો આંકડો પાર કરી શક્યો. આગા સલમાને 45 બોલમાં 51 રન બનાવ્યા હતા. તેણે પોતાની ઇનિંગમાં 6 ફોર અને 1 સિક્સર ફટકારી હતી. આ સિવાય પાકિસ્તાનનો કોઈ બેટ્સમેન અડધી સદીના આંકડાને સ્પર્શી શક્યો નહોતો.

મોહમ્મદ વસીમ જુનિયર અને હરિસ રઉફે થોડો સંઘર્ષ કર્યો

પાકિસ્તાનનો નવમો બેટ્સમેન 191 રનના સ્કોર પર પેવેલિયન પરત ફર્યો હતો. પરંતુ આ પછી મોહમ્મદ વસીમ જુનિયર અને હરિસ રઉફે આસાનીથી હાર ન માની. બંને ખેલાડીઓએ છેલ્લી વિકેટ માટે 53 રન જોડ્યા હતા. પરંતુ પાકિસ્તાનની હારને ટાળી શક્યા નહીં. મોહમ્મદ વસીમ જુનિયરે 14 બોલમાં 16 રન બનાવ્યા હતા. તેણે પોતાની ઇનિંગમાં 2 ચોગ્ગા અને 1 છગ્ગા ફટકાર્યા હતા. હરિસ રઉફે 23 બોલમાં 35 રનની ઇનિંગ રમી હતી. હરિસ રઉફે પોતાની ઇનિંગમાં 3 ચોગ્ગા અને 3 છગ્ગા ફટકાર્યા હતા.

ઈંગ્લેન્ડ તરફથી ડેવિડ વિલીએ સૌથી વધુ 3 વિકેટ લીધી હતી. આ સિવાય આદિલ રાશિદ, ગુસ એટકિસન અને મોઈન અલીને 2-2 સફળતા મળી છે. ક્રિસ વોક્સે 1 વિકેટ લીધી હતી. આ પહેલા ઈંગ્લેન્ડના કેપ્ટન જોસ બટલરે ટોસ જીતીને બેટિંગ કરવાનો નિર્ણય લીધો હતો. પ્રથમ બેટિંગ કરવા આવેલી ઈંગ્લેન્ડે 50 ઓવરમાં 9 વિકેટે 337 રન બનાવ્યા હતા. ઈંગ્લેન્ડ માટે બેન સ્ટોક્સે 76 બોલમાં સૌથી વધુ 84 રન બનાવ્યા હતા. જ્યારે પાકિસ્તાન તરફથી હરિસ રઉફે સૌથી વધુ 3 વિકેટ લીધી હતી.