Harbhajan Singh Retirement: જ્યારે હરભજનસિંહની સ્પિનમાં ફસાયા હતા ઓસ્ટ્રેલિયાના ખેલાડીઓ, એક સીરિઝમાં ઝડપી હતી 32 વિકેટ

ભારતીય ક્રિકેટ ટીમના સ્ટાર સ્પિનર રહેલા હરભજનસિંહે ઇન્ટરનેશનલ ક્રિકેટમાંથી નિવૃતિ લઇ લીધી છે. હરભજનસિંહે 23 વર્ષના કરિયરમાં અનેક રેકોર્ડ બનાવ્યા છે તો અનેક રેકોર્ડ તોડ્યા છે

Harbhajan Singh Retirement Best Performance Against Australia: ભારતીય ક્રિકેટ ટીમના સ્ટાર સ્પિનર રહેલા હરભજનસિંહે ઇન્ટરનેશનલ ક્રિકેટમાંથી નિવૃતિ લઇ લીધી છે. હરભજનસિંહે 23 વર્ષના કરિયરમાં અનેક રેકોર્ડ બનાવ્યા છે તો અનેક રેકોર્ડ તોડ્યા છે. હરભજનસિંહે ઓસ્ટ્રેલિયા અને સાઉથ આફ્રિકા જેવી દિગ્ગજ ટીમો સામે જીત મેળવવામાં મહત્વનું યોગદાન આપ્યું છે. તેમાં વર્ષ 2001માં રમાયેલી ચેન્નઇ ટેસ્ટમાં હરભજનસિંહે 15 વિકેટ લીધી હતી.

વર્ષ 2001માં ઓસ્ટ્રેલિયાની ટીમ ભારતના પ્રવાસ પર આવી હતી. અહી ત્રણ ટેસ્ટ મેચની સીરિઝ રમવાની હતી. સીરિઝની ત્રીજી ટેસ્ટ 18 માર્ચથી શરૂ થઇ હતી. ઓસ્ટ્રેલિયાના કેપ્ટન સ્ટીવ વોએ ટોસ જીતીને પ્રથમ બેટિંગ કરવાનો નિર્ણય લીધો હતો. ઓપનિંગમાં મૈથ્યુ હેડન અને મિચલ સ્લેટર આવ્યા હતા. આ મેચમાં હરભજનસિંહે ત્રણ ખેલાડીઓને જીરો પર આઉટ કર્યા હતા. આ મેચમાં 203 રનની ઇનિંગ રમનારા હેડનને હરભજનસિંહે આઉટ કર્યો હતો. ઓસ્ટ્રેલિયાનો કુલ સ્કોર 391 રન કર્યો હતો.

ઓસ્ટ્રેલિયા સામે મોટો સ્કોર ચેઝ કરવા ઉતરેલી ટીમ ઇન્ડિયાએ પ્રથમ ઇનિંગમાં 501 રન બનાવ્યા હતા. જેમાં સચિને સદી અને લક્ષ્મણે અડધી સદી ફટકારી હતી. ઓસ્ટ્રેલિયાએ બીજી ઇનિંગમાં હરભજનસિંહે કહેર વર્તાવ્યો હતો અને ઓસ્ટ્રેલિયાની આઠ વિકેટ ઝડપી હતી. આ તેના કરિયરનો સર્વશ્રેષ્ઠ દેખાવ રહ્યો હતો. હરભજનસિંહના દેખાવના કારણે ઓસ્ટ્રેલિયા બીજી ઇનિંગમાં ફક્ત 264 રનમાં ઓલઆઉટ થઇ ગઇ હતી અને ટીમ ઇન્ડિયાનો બે વિકેટે વિજય થયો હતો.  હરભજનસિંહે આ સીરિઝમાં કુલ 32 વિકેટ ઝડપી હતી. સીરિઝમાં તેના દેખાવની ખૂબ પ્રશંસા થઇ હતી