Hardik Pandya: અંધકારમાં હાર્દિકનું ભવિષ્ય! ટીમ ઈન્ડિયા બાદ છીવનાઈ શકે છે IPLમાં પણ કેપ્ટન્સી, આ ખેલાડી પાડી દેશે ખેલ
Hardik Pandya Future Team India: હાર્દિક પંડ્યા ટીમ ઈન્ડિયાની કેપ્ટનશીપ મેળવી શક્યો નથી. હવે IPL 2025ની મેગા ઓક્શનમાં પણ તમામની નજર તેના પર રહેશે.
Hardik Pandya Future Team India: શ્રીલંકા પ્રવાસ માટે ટીમ ઈન્ડિયાની ટીમની જાહેરાતના કારણે વિવાદ ઉભો થયો છે. ટીમની કેપ્ટનશીપને લઈને લોકો બે જૂથમાં વહેંચાયેલા છે. ટી-20 ટીમની કપ્તાની સૂર્યકુમાર યાદવ કેપ્ટનને સોંપવામાં આવી છે. પરંતુ સવાલ એ ઊભો થયો છે કે શું હાર્દિક પંડ્યા કેપ્ટન બનવાની રેસમાં છે કે નહીં? T20 વર્લ્ડ કપ 2024માં તેના શાનદાર પ્રદર્શન છતાં હાર્દિકની કેપ્ટન તરીકે અવગણના કરવામાં આવી છે. આવી સ્થિતિમાં IPLમાં મુંબઈ ઈન્ડિયન્સમાં હાર્દિક પંડ્યાની કેપ્ટનશિપ પર પણ સવાલો ઉઠી રહ્યા છે.
IPLમાં હાર્દિક પંડ્યાનો રસ્તો મુશ્કેલ
IPL 2024માં હાર્દિક પંડ્યાએ મુંબઈ ઈન્ડિયન્સમાં પુનરાગમન કર્યું હતું. રોહિત શર્માને હટાવીને MIનો કેપ્ટન બનાવવામાં આવ્યો હતો. પરંતુ હવે એક જટિલ સમસ્યા ઉભી થઈ છે કે ટીમ ઈન્ડિયાનો નવો ટી20 કેપ્ટન સૂર્યકુમાર યાદવ પણ મુંબઈ ઈન્ડિયન્સ તરફથી રમે છે. IPL 2025 ની મેગા હરાજી નજીક આવી રહી હોવાથી, MIએ સૂર્યાને પણ મોટી ઓફર કરવી પડી શકે છે. MI ફ્રેન્ચાઇઝીએ સૂર્યકુમાર યાદવને જાળવી રાખવા માટે મોટી રકમ ખર્ચવી પડી શકે છે.
શું હાર્દિક પાસેથી કેપ્ટન્સી છીનવાઈ જશે?
જોકે, બીસીસીઆઈએ હજુ સુધી સ્પષ્ટ કર્યું નથી કે કોઈ એક ટીમ કેટલા ખેલાડીઓને જાળવી શકે છે. રિપોર્ટ અનુસાર, એક ટીમ 4 ખેલાડીઓને રિટેન કરી શકે છે, જેમાંથી 3 ભારતીય અને એક વિદેશી ખેલાડી હશે. જો અંત સુધી સ્થિતિ એવી જ રહેશે તો મુંબઈ ઈન્ડિયન્સ પાસે પણ સૂર્યકુમાર યાદવ, રોહિત શર્મા, હાર્દિક પંડ્યા અને જસપ્રિત બુમરાહને રિટેન કરવાનો વિકલ્પ રહેશે. જ્યારે IPL 2024માં હાર્દિકને કેપ્ટનશિપ આપવામાં આવી હતી, ત્યારે MIના ટીમ મેનેજમેન્ટનું વાતાવરણ બગડ્યું હોવાના અહેવાલો સામે આવ્યા હતા.
શું ભારતીય ટીમમાં સ્થાન નિશ્ચિત છે?
હાર્દિક પંડ્યાને કેપ્ટન્સી મળી નથી, તેથી ટીમ ઈન્ડિયામાં તેના સ્થાન પર સવાલો ઉભા થવાના છે. જો પંડ્યા શ્રીલંકા સામેની શ્રેણીમાં સારું પ્રદર્શન કરી શકશે નહીં તો શું થશે? ગૌતમ ગંભીરના મુખ્ય કોચ બન્યા બાદ ભારતીય ટીમમાં ઉતાર-ચઢાવ આવ્યા છે. આવતા વર્ષે ચેમ્પિયન્સ ટ્રોફી યોજાવાની છે અને શ્રીલંકા સામેની વનડે શ્રેણીમાં હાર્દિક પંડ્યાે નામ પરત ખેંચી લેતા તેના ભવિષ્ય અંગે ચિંતા વધારી રહી છે.
ટોપ સ્ટોરી
ટ્રેન્ડિંગ સમાચાર
