ICC ODI Rankings 2023: 2019 બાદ ICC વન ડે રેન્કિંગમાં ટોપ-10માં ત્રણ ભારતીય બેટ્સમેન, કુલદીપ યાદવે લગાવી મોટી છલાંગ
ICC ODI Rankings 2023: શુભમન ગિલ ઉપરાંત કેપ્ટન રોહિત શર્મા અને વિરાટ કોહલી ટોપ-10 રેન્કિંગમાં સામેલ છે.
ICC ODI Rankings 2023: ઇન્ટરનેશનલ ક્રિકેટ કાઉન્સિલ (ICC) એ ODI ક્રિકેટમાં બેટ્સમેનોની નવીનતમ રેન્કિંગ જાહેર કરી છે. ભારતીય ઓપનર શુભમન ગિલે બુધવારે જાહેર કરવામાં આવેલ બેટ્સમેનોની તાજેતરની ODI રેન્કિંગમાં કારકિર્દીનું સર્વશ્રેષ્ઠ બીજું સ્થાન હાંસલ કર્યું છે. તેના સિવાય બે વધુ ભારતીય બેટ્સમેન ટોપ-10માં સામેલ છે.
જાન્યુઆરી 2019 પછી આ પ્રથમ વખત છે જ્યારે ત્રણ ભારતીય બેટ્સમેન ODI રેન્કિંગની ટોપ-10 યાદીમાં સામેલ થયા છે. શુભમન ગિલ ઉપરાંત કેપ્ટન રોહિત શર્મા અને વિરાટ કોહલી ટોપ-10 રેન્કિંગમાં સામેલ છે. ગિલે એશિયા કપમાં પાકિસ્તાન સામે કેપ્ટન રોહિત શર્મા સાથે પ્રથમ વિકેટ માટે 121 રનની ભાગીદારી કરી હતી. તેણે 58 રનની શાનદાર ઇનિંગ રમી હતી. તેને લેટેસ્ટ રેન્કિંગમાં એક સ્થાનનો ફાયદો થયો છે. રોહિત શર્માએ એશિયા કપની છેલ્લી મેચમાં શ્રીલંકા સામે અડધી સદી ફટકારી હતી, જેણે આ ટૂર્નામેન્ટમાં અત્યાર સુધી સતત ત્રણ અડધી સદી ફટકારી છે અને તે 9માં સ્થાને છે. જ્યારે વિરાટ કોહલીને પાકિસ્તાન સામે તેની અણનમ 122 રનની ઇનિંગનો ફાયદો મળ્યો છે અને રેન્કિંગમાં 8મા સ્થાને છે.
Indian players in Top 10 Ranking in ODI:
— Johns. (@CricCrazyJohns) September 13, 2023
Gill - 2nd in batting.
Kohli - 7th in batting.
Rohit - 9th in batting.
Kuldeep - 7th in bowling.
Siraj - 9th in bowling.
Hardik - 6th in all-rounders.
Indian players have started dominating in ODIs. pic.twitter.com/ljCz1lnuoR
પાકિસ્તાનના ત્રણ બેટ્સમેનો પણ ટોપ-10માં
ICC મેન્સ વનડે વર્લ્ડ કપ શરૂ થવામાં એક મહિનાથી પણ ઓછો સમય બાકી છે અને પાકિસ્તાનના પણ ટોપ-10માં ત્રણ બેટ્સમેન છે. કેપ્ટન બાબર આઝમ ટોચ પર છે અને ગિલ કરતાં 100 થી વધુ રેટિંગ પોઈન્ટ્સની લીડ ધરાવે છે જ્યારે ઈમામ-ઉલ-હક અને ફખર ઝમાન અનુક્રમે પાંચમા અને 10મા સ્થાને છે.
આ લેટેસ્ટ રેન્કિંગમાં દક્ષિણ આફ્રિકા-ઓસ્ટ્રેલિયા શ્રેણીની ત્રણ મેચ અને ઈંગ્લેન્ડ-ન્યૂઝીલેન્ડ શ્રેણીની બે મેચોના પ્રદર્શનને પણ સામેલ કરવામાં આવ્યું છે. દક્ષિણ આફ્રિકાનો ટેમ્બા બાવુમા તેની છેલ્લી આઠ વનડેમાં ત્રણ સદી અને બે અડધી સદી ફટકારીને ટોપ 10ની નજીક છે. 21 સ્થાનના છલાંગ સાથે તે 11માં સ્થાને છે જ્યારે આ પહેલા તેનું સર્વશ્રેષ્ઠ રેન્કિંગ 25મું સ્થાન હતું. દક્ષિણ આફ્રિકાના એડન માર્કરામ, શ્રીલંકાના સાદિરા સમરવિક્રમા, ઈંગ્લેન્ડના લિયામ લિવિંગસ્ટોન, ન્યૂઝીલેન્ડના ડેરિલ મિશેલ અને ડેવોન કોનવેને પણ નવીનતમ રેન્કિંગમાં ફાયદો થયો છે.
બોલરમાં કુલદીપ યાદવ ટોપ-10માં
બોલરોની યાદીમાં ન્યુઝીલેન્ડનો ટ્રેન્ટ બોલ્ટ સંયુક્ત બીજા સ્થાને છે જ્યારે ઓસ્ટ્રેલિયાનો લેગ સ્પિનર એડમ ઝમ્પા પ્રથમ વખત ટોચના પાંચમાં સ્થાન મેળવવામાં સફળ રહ્યો છે. તેણે દક્ષિણ આફ્રિકા સામેની બીજી મેચમાં ચાર વિકેટ ઝડપી હતી. ભારતના ડાબોડી સ્પિનર કુલદીપ યાદવે પણ એશિયા કપની બે મેચમાં 9 વિકેટની મદદથી પાંચ સ્થાનનો ફાયદો ઉઠાવ્યો છે, જેના કારણે તે સાતમા સ્થાને પહોંચી ગયો છે. મોહમ્મદ સિરાજ નવમા સ્થાને છે.
ઓલરાઉન્ડર્સની યાદીમાં ટીમ ઈન્ડિયાનો વાઈસ કેપ્ટન હાર્દિક પંડ્યા છઠ્ઠા ક્રમે છે.
ટોપ સ્ટોરી
ટ્રેન્ડિંગ સમાચાર
