Video: ઝુલન ગોસ્વામીને વિદાઈ આપતી વખતે ભાવુક થઈ કેપ્ટન હરમનપ્રીત કૌર

Harmanpreet Kaur On Jhulan Goswami: ભારત અને ઈંગ્લેન્ડની મહિલા ટીમો વચ્ચે ત્રણ મેચની વનડે સિરીઝની ત્રીજી મેચ લોર્ડ્સમાં રમાઈ. ભારતની દિગ્ગજ ઝડપી બોલર ઝુલન ગોસ્વામીની આ છેલ્લી આંતરરાષ્ટ્રીય મેચ છે.

ઝુલન ગોસ્વામી અને કેપ્ટન હરમનપ્રીત કૌર

Harmanpreet Kaur On Jhulan Goswami: ભારત અને ઈંગ્લેન્ડની મહિલા ટીમો વચ્ચે ત્રણ મેચની વનડે સિરીઝની ત્રીજી મેચ લોર્ડ્સમાં રમાઈ. ભારતની દિગ્ગજ ઝડપી બોલર ઝુલન ગોસ્વામીની આ છેલ્લી આંતરરાષ્ટ્રીય મેચ છે. તો બીજી તરફ, આ મેચ પહેલા ICCએ ઝુલન ગોસ્વામી અને કેપ્ટન હરમનપ્રીત કૌરની કેટલીક તસવીરો શેર કરી છે. વાસ્તવમાં, આ ફોટામાં, ઝુલનને વિદાય આપતા પહેલા તમામ ભારતીય મહિલા ખેલાડીઓ એકઠી થઈ હતી. આ સિવાય ઈંગ્લેન્ડ ક્રિકેટ બોર્ડના વચગાળાના ચીફ એક્ઝિક્યુટિવ ક્લેર કોનોર અને મુખ્ય કોચ લિસા કાઈટેલીએ ઝુલન ગોસ્વામીને જર્સી ભેટમાં આપી હતી. આ જર્સી પર ઈંગ્લેન્ડના ખેલાડીઓની સહી છે.

 

Lots of smiles and tears in the Indian camp as Jhulan Goswami bids farewell to international cricket ✨

📸: @BCCIWomen pic.twitter.com/JhL8nQhMoa

— ICC (@ICC) September 24, 2022

કેપ્ટન હરમનપ્રીત કૌર પોતાના આંસુ ન રોકી શકી

તો બીજી તરફ, સોશિયલ મીડિયા પર એક ફોટો ખૂબ વાયરલ થઈ રહ્યો છે. વાસ્તવમાં, આ વાયરલ ફોટામાં, આ પ્રસંગે કેપ્ટન હરમનપ્રીત કૌર સહિત ઘણી ખેલાડીઓ પણ રડી પડી હતી. કેપ્ટન હરમનપ્રીત કૌરે રડતા રડતા ઝૂલન ગોસ્વામીને ગળે લગાવી. ટોસ દરમિયાન, કેપ્ટન હમનપ્રીત કૌર તેની છેલ્લી મેચ રમી રહેલી ઝુલન ગોસ્વામી સાથે મેદાન પર આવી. નોંધનીય છે કે ઝુલન ગોસ્વામી બીજી સૌથી સૌથી વધુ વન-ડે ઈન્ટરનેશનલ મેચો રમનારી બીજી ખેલાડી છે. ઝુલન ગોસ્વામીના નામે 204 વન ડે મેચ રમવાનો રેકોર્ડ છે જ્યારે મિતાલી રાજે 232 વન ડે મેચ રમી છે.

 

💬 💬 Singing India’s National Anthem and wearing the India jersey will always remain the best moments in my life: @JhulanG10 #TeamIndia | #ENGvIND pic.twitter.com/SHpjRyL1Hn

— BCCI Women (@BCCIWomen) September 24, 2022

ઝુલન ગોસ્વામીની કારકિર્દી 

ઝુલન ગોસ્વામીની કારકિર્દી પર નજર કરીએ તો આ અનુભવી ખેલાડી કુલ 284 આંતરરાષ્ટ્રીય મેચ રમી ચૂકી છે. જેમાં 204 વન ડે સિવાય 12 ટેસ્ટ અને 68 ટી20 સામેલ છે. ઝુલન ગોસ્વામીના નામે વન ડે ક્રિકેટમાં 253 વિકેટ છે.  આ સિવાય ટેસ્ટ અને ટી20 ફોર્મેટમાં અનુક્રમે 44 અને 56 વિકેટ લીધી છે. 2007માં ઝુલન ગોસ્વામીને ICC વુમન ક્રિકેટર ઓફ ધ યર તરીકે પસંદ કરવામાં આવી હતી.

ગ્રાઉન્ડની વચ્ચે ઉભા રહીને રાષ્ટ્રગીત ગાવું ગર્વની વાત

BCCI વિમેનએ ઝુલન ગોસ્વામીનો એક વીડિયો શેર કર્યો છે. આ વીડિયોમાં ઝુલન ગોસ્વામી ક્રિકેટને લગતા પોતાના અનુભવ વિશે જણાવી રહી છે. તે આ વીડિયોમાં કહી રહી છે કે મારા માટે ક્રિકેટમાં શ્રેષ્ઠ ક્ષણ એ છે જ્યારે હું રાષ્ટ્રગીત માટે મેદાન પર જાઉં છું. મેદાનની વચ્ચે ઊભા રહેવું અને રાષ્ટ્રગીત ગાવું એ શ્રેષ્ઠ અનુભૂતિ છે. સાથે જ તેણે કહ્યું કે જે જર્સીમાં ભારતનું નામ લખેલું છે તે પહેરવી એ પોતાનામાં એક અદ્ભુત અહેસાસ છે, મેં આ બધી વસ્તુઓનું સપનું જોયું હતું. તેણી આગળ કહે છે કે હું આ બધી વસ્તુઓને ખૂબ જ મિસ કરીશ, પરંતુ દરેક વસ્તુનો કોઈને કોઈ સમયે અંત આવવાનો છે.

સ્મૃતિ મંધાના અને હરમનપ્રીત કૌરે આ વાત કહી

ભારતીય મહિલા ટીમની ઓપનર સ્મૃતિ મંધાનાએ કહ્યું કે ઝુલન ગોસ્વામી ટીમની મહત્વની સભ્ય રહી છે, તેનું કોઈ રિપ્લેસમેન્ટ નથી.સાથે તેમણે કહ્યું કે તેને હવે આંતરરાષ્ટ્રીય ક્રિકેટ રમતા ન જોવું તે મારા માટે ખૂબ જ ભાવુક વાત હશે. હરમનપ્રીત કૌરે કહ્યું કે ટીમ પ્રત્યે તેણીનો અભિગમ હંમેશા સારું પ્રદર્શન કરવાનો છે. હરમનપ્રીત કૌર વધુમાં કહે છે કે આની સાથે કોઈ ખેલાડી સ્પર્ધા કરી શકે નહીં.