IND vs AUS 2nd ODI Weather: ભારત-ઓસ્ટ્રેલિયા બીજી વનડેમાં વરસાદ વિલન બનશે? જાણો હવામાન અપડેટ
ભારત અને ઓસ્ટ્રેલિયા વચ્ચેની બીજી વનડે મેચ માટે એડિલેડમાં હવામાનની સ્થિતિ ક્રિકેટ ચાહકો માટે ચિંતાનો વિષય છે, ખાસ કરીને પર્થમાં પ્રથમ વનડેમાં વરસાદને કારણે ચાર વખત રમત રોકવાની ફરજ પડી હતી.
India vs Australia 2nd ODI: ઓસ્ટ્રેલિયા સામેની વનડે શ્રેણીમાં 1-0 થી પાછળ રહેલી ભારતીય ટીમ માટે એડિલેડ ખાતેની બીજી વનડે કરો યા મરો સમાન છે. 23 ઓક્ટોબર ના રોજ રમાનારી આ મેચમાં પર્થની જેમ વરસાદ વિક્ષેપ પાડશે કે કેમ, તે અંગે ચિંતા છે. આગાહી મુજબ, મેચ દરમિયાન ઝરમર વરસાદ ની શક્યતા ઓછી છે, પરંતુ સાંજે વાદળછાયું વાતાવરણ અને હળવા વરસાદની 100% સંભાવના છે, જેના કારણે તાપમાન ઘટીને 12 ડિગ્રી સેલ્સિયસ સુધી જઈ શકે છે. એડિલેડ ઓવલ ની પિચ ઉછાળવાળી રહેશે અને હવામાનને કારણે ઝડપી બોલરો મુખ્ય ભૂમિકા ભજવશે. ભારતીય ટીમ માટે સકારાત્મક વાત એ છે કે તેઓ છેલ્લા 17 વર્ષ થી આ મેદાન પર ઓસ્ટ્રેલિયા સામે હાર્યા નથી. મેચ ભારતીય સમય મુજબ સવારે 9:00 વાગ્યે શરૂ થશે.
એડિલેડનું હવામાન: વરસાદનું જોખમ અને ઝડપી બોલરોનો દબદબો
ભારત અને ઓસ્ટ્રેલિયા વચ્ચેની બીજી વનડે મેચ માટે એડિલેડમાં હવામાનની સ્થિતિ ક્રિકેટ ચાહકો માટે ચિંતાનો વિષય છે, ખાસ કરીને પર્થમાં પ્રથમ વનડેમાં વરસાદને કારણે ચાર વખત રમત રોકવાની ફરજ પડી હતી. 23 ઓક્ટોબર ના રોજ એડિલેડમાં સવારના સમયે તોફાની વરસાદની શક્યતા ઓછી છે, જેથી ટોસ સમયસર થઈ શકે છે. સ્થાનિક સમય મુજબ બપોરે 2 વાગ્યે (ભારતીય સમય મુજબ સવારે 9:00 વાગ્યે) તાપમાન લગભગ 16 ડિગ્રી સેલ્સિયસ ની આસપાસ રહેશે અને વરસાદની કોઈ શક્યતા નથી.
જોકે, વર્લ્ડવેધર ના અહેવાલ મુજબ, મેચની આગાહી મોટાભાગે વાદળછાયું રહેવાની છે. ઝરમર વરસાદ શક્ય છે, પરંતુ પર્થની જેમ ભારે વિક્ષેપ પાડશે તેવું જણાતું નથી. જોકે, સ્થાનિક સમય મુજબ સાંજે 7 વાગ્યાની આસપાસ (ભારતીય સમય મુજબ બપોરે 2 વાગ્યે) વરસાદની શક્યતા 100% છે, કારણ કે વાદળ છવાયેલા રહેવાની સંભાવના વધારે છે. આ સમયે તાપમાન પણ ઘટીને લગભગ 12 ડિગ્રી સેલ્સિયસ સુધી જઈ શકે છે. વાતાવરણની આ સ્થિતિ ઝડપી બોલરો ને મદદરૂપ થશે, અને ઓસ્ટ્રેલિયા પાસે સ્ટાર્ક અને હેઝલવુડ જેવા વધુ અનુભવી ઝડપી બોલરો હોવાથી તેમને ફાયદો થઈ શકે છે. આ સ્થિતિમાં ટોસ જીતનાર કેપ્ટન પહેલા બોલિંગ કરવાનું પસંદ કરી શકે છે.
📍Adelaide Oval 🏟️#TeamIndia in the zone ahead of the 2⃣nd #AUSvIND ODI 💪 pic.twitter.com/3hPrAZuRY5
— BCCI (@BCCI) October 22, 2025
એડિલેડ ઓવલ પિચ રિપોર્ટ અને ભારતનો મજબૂત રેકોર્ડ
એડિલેડ ઓવલ ની પિચ પરંપરાગત રીતે બેટ્સમેનો માટે અનુકૂળ માનવામાં આવે છે અને તેમાં સારો ઉછાળ જોવા મળે છે. જોકે, ગુરુવારના વાદળછાયા હવામાનની આગાહીને ધ્યાનમાં લેતા, એવી અપેક્ષા છે કે ઝડપી બોલરો પાવરપ્લે અને પાછળના ઓવરોમાં મુખ્ય ભૂમિકા ભજવશે. પિચ રિપોર્ટ મુજબ, પહેલા બેટિંગ કરતી ટીમે ઓછામાં ઓછા 300 રનનો મોટો સ્કોર બનાવવો પડશે, કારણ કે તેનાથી ઓછા સ્કોરનો બચાવ કરવો આ મેદાન પર ખૂબ મુશ્કેલ બની શકે છે.
ભારતીય ટીમ માટે એક મોટું પ્રોત્સાહન એડિલેડ ઓવલ ખાતેનો તેમનો ઐતિહાસિક રેકોર્ડ છે. ભારત છેલ્લી વખત આ મેદાન પર 17 ફેબ્રુઆરી, 2008 ના રોજ ઓસ્ટ્રેલિયા સામે હાર્યું હતું. ત્યારથી, ભારતે અહીં રમેલી પાંચ વનડે મેચોમાંથી ચાર માં જીત મેળવી છે અને એક મેચ ટાઈ રહી છે. ઓસ્ટ્રેલિયા સામેની ચાર મેચોમાંથી ભારતે બે માં વિજય મેળવ્યો છે.
ભારતની પ્લેઇંગ 11 માં કોઈ ફેરફાર થાય છે કે કેમ તે જોવાનું બાકી છે. ગત મેચમાં ત્રણ ઓલરાઉન્ડરો ને રમાડવા બદલ ટીકા થઈ હતી. બીજી વનડેમાં સ્પિનર કુલદીપ યાદવ ને ટીમમાં તક મળે તેવી શક્યતા છે. ક્રિકેટ ચાહકો આ મેચ સ્ટાર સ્પોર્ટ્સ ચેનલ પર અને JioHotstar એપ/વેબસાઇટ પર લાઈવ સ્ટ્રીમ જોઈ શકશે.
ટોપ સ્ટોરી
ટ્રેન્ડિંગ સમાચાર
