IND vs AUS: ટીમ ઈન્ડિયા પર તોળાતો હારનો ખતરો, કાંગારુઓના તરખાટ સામે બીજી ઈનિંગમાં પણ ભારતની બેટિંગ ફ્લોપ
IND vs AUS 2nd Test: ઑસ્ટ્રેલિયાએ બીજી ટેસ્ટ પર તેની પકડ સંપૂર્ણપણે મજબૂત કરી લીધી છે. ટીમ ઈન્ડિયાએ બેટિંગમાં ફ્લોપ શો બતાવ્યો અને બીજી ઈનિંગમાં 5 વિકેટ ગુમાવી દીધી.
IND vs AUS 2nd Test Day 2 Report: એડિલેડ ટેસ્ટમાં બીજા દિવસની રમતના અંત સુધીમાં, ભારતે બીજા દાવમાં 4 વિકેટ ગુમાવીને 128 રન બનાવ્યા હતા. ટીમ ઈન્ડિયા પ્રથમ દાવમાં હજુ પણ 29 રનથી પાછળ છે. ભારતની બીજી ઈનિંગમાં અત્યારે રિષભ પંત 28 રન અને નીતિશ કુમાર રેડ્ડી 15 રન સાથે રમી રહ્યા છે. ઓસ્ટ્રેલિયા તરફથી અત્યાર સુધી પેટ કમિન્સ અને સ્કોર બોલેન્ડે બે-બે વિકેટ લીધી છે જ્યારે મિચેલ સ્ટાર્કે પણ એક વિકેટ લીધી છે.
પ્રથમ દિવસની રમતના અંતે ઓસ્ટ્રેલિયાએ એક વિકેટના નુકસાને 86 રન બનાવી લીધા હતા. ભારત માટે બીજા દિવસની શરૂઆત સારી થઈ કારણ કે નાથન મેકસ્વિની અને સ્ટીવ સ્મિથ જલ્દી આઉટ થઈને પેવેલિયન પરત ફર્યા હતા. માર્નસ લાબુશેને 64 રનની અડધી સદી રમી હતી, પરંતુ ટ્રેવિસ હેડ ચર્ચાનું કેન્દ્ર બન્યો હતો. 99થી વધુના સ્ટ્રાઈક રેટથી રમતા હેડે 140 રન બનાવ્યા, જે તેની ટેસ્ટ કારકિર્દીની આઠમી સદી હતી.
ભારત હારથી 5 વિકેટ દૂર છે
ઓસ્ટ્રેલિયાએ પ્રથમ દાવમાં ભારત પર 157 રનની લીડ મેળવી હતી. યશસ્વી જયસ્વાલ અને કેએલ રાહુલે ભારતીય ઇનિંગ્સની શરૂઆત કરી હતી. રાહુલ માત્ર 7 રન બનાવીને આઉટ થયો હતો અને તેના સિવાય વિરાટ કોહલી માત્ર 11 રન બનાવી શક્યો હતો. જયસ્વાલ અને શુભમન ગિલે અનુક્રમે 24 અને 28 રન બનાવ્યા હતા. તેને શરૂઆત તો મળી, પરંતુ મોટી ઇનિંગ્સ રમવામાં તે નિષ્ફળ રહ્યો. કેપ્ટન રોહિત શર્મા ક્રિઝ પર આવ્યા ત્યારથી સંઘર્ષ કરતો જોવા મળ્યો હતો, જે 6 રનના સ્કોર પર પેટ કમિન્સ દ્વારા ક્લીન બોલ્ડ થયો હતો. હવે ભારત હારથી માત્ર 5 વિકેટ દૂર છે.
રિષભ પંત પાસેથી આશા
બોર્ડર-ગાવસ્કર ટ્રોફીમાં ઋષભ પંત સમયાંતરે ટીમ ઈન્ડિયા માટે તારણહાર બની રહ્યો છે. બીજા દિવસની રમતના અંત સુધીમાં રિષભ પંતે 28 રન બનાવ્યા છે અને તે હાલમાં 112ના સ્ટ્રાઈક રેટથી રમી રહ્યો છે. તેની સાથે નીતીશ કુમાર રેડ્ડીએ પણ 14 બોલમાં 15 રન બનાવ્યા છે. બંનેએ ઝડપી શોટ મારવાનો પ્રયાસ કર્યો હતો. ટીમ ઈન્ડિયાએ ઈનિંગની હારથી બચવા માટે ઓછામાં ઓછા 29 રન બનાવવા પડશે.
આ પણ વાંચો....
ટોપ સ્ટોરી
ટ્રેન્ડિંગ સમાચાર
