IND vs AUS 2nd Test: બીજી ટેસ્ટમાં ભૂંડી હાર સાથે જ રોહિત શર્માના નામે મોંધાયો શરમજનક રેકોર્ડ
Rohit Sharma IND vs AUS: રોહિત શર્માના નામે એક શરમજનક રેકોર્ડ નોંધાયો છે. ટીમ ઈન્ડિયાને એડિલેડમાં ઓસ્ટ્રેલિયા સામે 10 વિકેટે હારનો સામનો કરવો પડ્યો હતો.
Rohit Sharma IND vs AUS: ઓસ્ટ્રેલિયાએ ટેસ્ટ શ્રેણીની બીજી મેચમાં ભારતને 10 વિકેટે હરાવ્યું. આ મેચમાં હાર બાદ કેપ્ટન રોહિત શર્માના નામે એક શરમજનક રેકોર્ડ નોંધાયો હતો. ભારતીય કેપ્ટન તરીકે, રોહિત એવા લોકોની યાદીમાં સામેલ થઈ ગયો છે જેમણે સતત સૌથી વધુ મેચોમાં હારનો સામનો કરવો પડ્યો છે. આ મામલે તેણે મહેન્દ્ર સિંહ ધોની અને વિરાટ કોહલીની બરાબરી કરી લીધી છે. એડિલેડ ટેસ્ટમાં રોહિતનું બેટ સંપૂર્ણપણે શાંત રહ્યું હતું.
વાસ્તવમાં, ભારતીય કેપ્ટન તરીકે સૌથી વધુ મેચોમાં હારનો સામનો કરનારા ખેલાડીઓની યાદીમાં મન્સૂર અલી ખાન પટૌડી ટોચ પર છે. તેને 1967 થી 1968 વચ્ચે 6 મેચમાં હારનો સામનો કરવો પડ્યો હતો. આ યાદીમાં સચિન તેંડુલકર બીજા સ્થાને છે. સચિનને 1999થી 2000 વચ્ચે 5 મેચમાં હારનો સામનો કરવો પડ્યો હતો. દત્તા ગાયકવાડને 1959માં ચાર મેચમાં હારનો સામનો કરવો પડ્યો હતો.
રોહિતે કોહલી-ધોનીની બરાબરી કરી
ધોનીની કપ્તાનીમાં ભારતને 2011 અને 2014માં સતત 4 મેચમાં હારનો સામનો કરવો પડ્યો હતો. કોહલીની કપ્તાનીમાં તેને 2020 અને 2021 વચ્ચે 4 મેચમાં હારનો સામનો કરવો પડ્યો હતો. હવે રોહિતની કપ્તાનીમાં ટીમ ઈન્ડિયા 2024માં સતત ચાર મેચ હારી છે.
ટીમ ઈન્ડિયા મેચ હારી ગઈ
ભારતે ટેસ્ટ શ્રેણીની પ્રથમ મેચ જીતી લીધી હતી. પરંતુ બીજી મેચમાં હારનો સામનો કરવો પડ્યો હતો. ભારતે પ્રથમ દાવમાં ઓલઆઉટ થતાં સુધી 180 રન બનાવ્યા હતા. જ્યારે બીજી ઇનિંગમાં 175 રન બનાવ્યા હતા. જવાબમાં ઓસ્ટ્રેલિયાએ પ્રથમ દાવમાં 337 રન બનાવ્યા હતા. બીજા દાવમાં માત્ર 19 રન બનાવીને મેચ જીતી લીધી હતી. વિરાટ કોહલી, રોહિત શર્મા અને કેએલ રાહુલ સહિત ટીમ ઈન્ડિયાના દિગ્ગજ ખેલાડીઓ ફ્લોપ રહ્યા હતા.
ભારતીય કેપ્ટન તરીકે સતત સૌથી વધુ હાર
મન્સૂર અલી ખાન પટૌડી (1967–68) - 6
સચિન તેંડુલકર (1999-00) - 5
દત્તા ગાયકવાડ (1959) - 4
મહેન્દ્ર સિંહ ધોની (2011 અને 2014) - 4
વિરાટ કોહલી (2020-21) - 4
રોહિત શર્મા (2024) - 4
નોંધનીય છે કે, ઓસ્ટ્રેલિયા સામેની ટેસ્ટ મેચ પહેલા ભારતીય ટીમને રોહિત શર્માની કપ્તાનીમાં ન્યુઝીલેન્ડ સામે ટેસ્ટ શ્રેણી 3-0થી ગુમાવવી પડી હતી. ભારતીય ટીમ અત્યારે પોઈન્ટ ટેબલમાં ત્રીજા સ્થાને છે અને તેનું PCT 57.29 છે. ટીમ ઈન્ડિયાની વર્તમાન WTCમાં ત્રણ મેચ બાકી છે, જે તેણે માત્ર ઓસ્ટ્રેલિયા સામે રમવાની છે. જ્યારે પોઈન્ટ ટેબલમાં ઓસ્ટ્રેલિયાની ટીમ પ્રથમ સ્થાને છે અને તેનો PCT 60.71 છે.
આ પણ વાંચો....
હાર બાદ પણ ટીમ ઇન્ડિયા WTC ફાઇનલમાં પ્રવેશી શકે છે, હવે આ એક છેલ્લો રસ્તો બચ્યો છે
ટોપ સ્ટોરી
ટ્રેન્ડિંગ સમાચાર
