(Source: ECI/ABP News/ABP Majha)
IND vs AUS Final: ભારત સામે શાનદાર જીત મેળવી ઓસ્ટ્રેલિયાએ ઈતિહાસ રચી નાખ્યો, બનાવ્યો આ મોટો રેકોર્ડ
ઓસ્ટ્રેલિયાએ વર્લ્ડ ટેસ્ટ ચેમ્પિયનશિપનું ટાઇટલ કબજે કર્યું છે. ટીમે ફાઇનલમાં ભારતને 209 રનથી હરાવ્યું હતું.
WTC 2023 Final IND vs AUS: ઓસ્ટ્રેલિયાએ વર્લ્ડ ટેસ્ટ ચેમ્પિયનશિપનું ટાઇટલ કબજે કર્યું છે. ટીમે ફાઇનલમાં ભારતને 209 રનથી હરાવ્યું હતું. ઓસ્ટ્રેલિયાની આ જીત ઐતિહાસિક હતી. ઓસ્ટ્રેલિયા ICCના તમામ ખિતાબ જીતનારી પ્રથમ ટીમ બની ગઈ છે. તેણે 5 વખત ODI વર્લ્ડ કપનો ખિતાબ જીત્યો છે. ટીમે ચેમ્પિયન્સ ટ્રોફી, T20 વર્લ્ડ કપ અને હવે વર્લ્ડ ટેસ્ટ ચેમ્પિયનશિપ પણ જીતી છે. આ વખતે રમાયેલી અંતિમ મેચ માટે ટ્રેવિસ હેડને 'પ્લેયર ઓફ ધ મેચ' તરીકે પસંદ કરવામાં આવ્યો હતો.
પ્રથમ વખત વર્લ્ડ ટેસ્ટ ચેમ્પિયનશિપનો ખિતાબ જીત્યો
ઓસ્ટ્રેલિયાએ પ્રથમ વખત વર્લ્ડ ટેસ્ટ ચેમ્પિયનશિપનો ખિતાબ જીત્યો છે. આ પહેલા તેણે T20 વર્લ્ડ કપ 2021નો ખિતાબ જીત્યો હતો. ઓસ્ટ્રેલિયન ટીમ 5 વખત ODI વર્લ્ડ કપનો ખિતાબ જીતી ચુકી છે. તેણે 1987, 1999, 2003, 2007 અને 2015માં આ ખિતાબ જીત્યો હતો. આ સાથે તેણે બે વખત ચેમ્પિયન્સ ટ્રોફી જીતી છે. કાંગારૂ ટીમે 2006 અને 2009માં આ ખિતાબ જીત્યો હતો. ઓસ્ટ્રેલિયા આઈસીસીના તમામ ખિતાબ જીતનાર પ્રથમ બની ગયું છે.
ઓસ્ટ્રેલિયાએ શાનદાર પ્રદર્શન કરીને જીત મેળવી
ઉલ્લેખનીય છે કે વર્લ્ડ ટેસ્ટ ચેમ્પિયનશિપ 2023ની અંતિમ મેચમાં ઓસ્ટ્રેલિયાએ શાનદાર પ્રદર્શન કરીને જીત મેળવી હતી. ઓસ્ટ્રેલિયા તરફથી ટ્રેવિસ હેડે પ્રથમ દાવમાં 163 રન બનાવ્યા હતા. તેણે સ્ટીવ સ્મિથ સાથે 285 રનની ભાગીદારી કરી હતી. સ્મિથે 121 રનની મહત્વપૂર્ણ ઇનિંગ રમી હતી. ટીમ માટે એલેક્સ કેરીએ બીજા દાવમાં અણનમ 66 રન બનાવ્યા હતા. જોકે આ પછી ઇનિંગ્સ ડિકલેર કરવામાં આવી હતી. ભારત તરફથી પ્રથમ દાવમાં અજિંક્ય રહાણેએ 89 રન બનાવ્યા હતા. શાર્દુલ ઠાકુરે 51 રનની મહત્વપૂર્ણ ઇનિંગ રમી હતી. ટીમ માટે વિરાટ કોહલીએ બીજી ઇનિંગમાં 49 રન બનાવ્યા હતા. જો કે આ મેચમાં મોટાભાગના ભારતીય ખેલાડીઓ બેટિંગમાં ફ્લોપ રહ્યા હતા.
ICC ટાઇટલ મેચોમાં ઓસ્ટ્રેલિયા જીત્યું
5 વખત ODI વર્લ્ડ કપ
2 વખત ચેમ્પિયન્સ ટ્રોફી
T20 વર્લ્ડ કપ 1 વખત
1 વખત વર્લ્ડ ટેસ્ટ ચેમ્પિયનશિપ
હારનું સૌથી મોટું કારણ
ભારતીય ટીમની આ હારનું સૌથી મોટું કારણ તૈયારીઓનો અભાવ હોવાનું કહેવાય છે. જેમાં ટીમના બે મુખ્ય ઝડપી બોલર મોહમ્મદ શમી અને મોહમ્મદ સિરાજને આ મેચ પહેલા આરામ ન મળવાની વાત કહેવામાં આવી રહી છે. જેમાં બંને બોલર IPLની 16મી સિઝનમાં રમ્યા બાદ સીધા આ મેચમાં રમવા આવ્યા હતા.
IPLની 16મી સિઝનમાં મોહમ્મદ શમી અને મોહમ્મદ સિરાજે ઘણી બોલિંગ કરી હતી. બંને ખેલાડીઓ પોતપોતાની ટીમ માટે મુખ્ય બોલરની ભૂમિકા ભજવી રહ્યા હતા. મોહમ્મદ શમીએ ગુજરાત ટાઇટન્સ તરફથી રમતા 17 મેચમાં 65 ઓવર ફેંકી હતી અને મોહમ્મદ સિરાજે 14 મેચમાં 50 ઓવર ફેંકી હતી.
આખી ટૂર્નામેન્ટમાં આટલી બોલિંગ કર્યા પછી, બંને બોલરો ડબલ્યુટીસી ફાઈનલ પહેલા જરૂરી આરામ મેળવી શક્યા ન હતા. તેની અસર તેની બોલિંગ પર પણ જોવા મળી હતી. જેમાં શમીએ આખી મેચમાં લગભગ 45 ઓવર ફેંકી હતી જ્યારે સિરાજે લગભગ 48 ઓવર ફેંકી હતી. સિરાજે IPLની 16મી સિઝનમાં કુલ 19 વિકેટ લીધી હતી જ્યારે શમીએ 28 વિકેટ લીધી હતી.
ટ્રેન્ડિંગ સમાચાર
ટોપ સ્ટોરી
