![ABP Premium](https://cdn.abplive.com/imagebank/Premium-ad-Icon.png)
IND vs AUS Final: ફક્ત IPLનો બેસ્ટ કેપ્ટન છે રોહિત શર્મા, ટીમ ઇન્ડિયાને ન અપાવી શક્યો એક પણ ICC ટાઇટલ
IND vs AUS Final: વિરાટ કોહલી પછી રોહિત શર્માને નિયમિત ધોરણે ત્રણેય ફોર્મેટમાં ભારતનો કેપ્ટન બનાવવામાં આવ્યો હતો.
![IND vs AUS Final: ફક્ત IPLનો બેસ્ટ કેપ્ટન છે રોહિત શર્મા, ટીમ ઇન્ડિયાને ન અપાવી શક્યો એક પણ ICC ટાઇટલ IND vs AUS Final: India Vs Australia Highlights, Cricket World Cup 2023 Final Updates IND vs AUS Final: ફક્ત IPLનો બેસ્ટ કેપ્ટન છે રોહિત શર્મા, ટીમ ઇન્ડિયાને ન અપાવી શક્યો એક પણ ICC ટાઇટલ](https://feeds.abplive.com/onecms/images/uploaded-images/2023/11/20/5551ee694ce64bba0a40ce8f6ec7a903170044203055374_original.jpg?impolicy=abp_cdn&imwidth=1200&height=675)
Rohit Sharma's Captaincy: રોહિત શર્માની કેપ્ટનશીપ હેઠળની ભારતીય ટીમને વન-ડે વર્લ્ડ કપ 2023ની ટાઈટલ મેચમાં ઓસ્ટ્રેલિયા સામે 6 વિકેટથી કારમી હારનો સામનો કરવો પડ્યો હતો. ઓસ્ટ્રેલિયાએ લગભગ એકતરફી મેચ જીતી લીધી હતી. 2023 વર્લ્ડ કપ હાર્યા બાદ સ્પષ્ટપણે કહી શકાય કે રોહિત શર્મા માત્ર IPLમાં જ શ્રેષ્ઠ કેપ્ટન છે, આંતરરાષ્ટ્રીય ક્રિકેટમાં નહીં. રોહિત શર્માની કેપ્ટનશીપમાં ભારતીય ટીમે 3 ICC ટૂર્નામેન્ટ રમી પરંતુ તેમાંથી એક પણ જીતી શકી નથી.
વિરાટ કોહલી પછી રોહિત શર્માને નિયમિત ધોરણે ત્રણેય ફોર્મેટમાં ભારતનો કેપ્ટન બનાવવામાં આવ્યો હતો.. રોહિત શર્માની કેપ્ટનશીપ હેઠળ ભારતીય ટીમે 2022 ટી-20 વર્લ્ડ કપના રૂપમાં તેની પ્રથમ આઇસીસી ટૂર્નામેન્ટ રમી હતી, જેમાં ટીમ ઈન્ડિયા સેમિફાઈનલ મેચમાં ઈંગ્લેન્ડ સામે 10 વિકેટથી હારી ગઈ હતી.
આ પછી જૂન 2023 માં, ભારતીય ટીમે રોહિત શર્માની કેપ્ટન્સીમાં ઓસ્ટ્રેલિયા સામે વર્લ્ડ ટેસ્ટ ચેમ્પિયનશિપની ફાઈનલ માટે મેદાનમાં ઉતર્યું. અહીં ફરી એકવાર ટીમ ઈન્ડિયાને નિરાશાનો સામનો કરવો પડ્યો. ટેસ્ટ ચેમ્પિયનશિપની ફાઇનલમાં ઓસ્ટ્રેલિયાએ ભારતને 209 રનથી હરાવ્યું હતું. આ રીતે ભારત રોહિત શર્માની કેપ્ટન્સીમાં બીજી વખત ICC ટૂર્નામેન્ટનું ટાઇટલ હારી ગયું હતુ.
ત્યારબાદ છેલ્લે 2023ના વર્લ્ડ કપમાં રોહિત શર્માની કેપ્ટનશીપમાં ટીમ ઈન્ડિયા ઓસ્ટ્રેલિયા સામે ફાઇનલમાં હારી ગઈ હતી. ઓસ્ટ્રેલિયાએ ટાઇટલ મેચમાં ભારતને 6 વિકેટ અને 42 બોલમાં હરાવ્યું હતું.
રોહિત શર્માએ IPLમાં 5 ટાઇટલ જીત્યા છે
ઉલ્લેખનીય છે કે રોહિત શર્માએ પોતાની કેપ્ટનશિપમાં IPLમાં મુંબઈ ઈન્ડિયન્સ માટે પાંચ ટાઇટલ જીત્યા છે. મુંબઈ ઈન્ડિયન્સે 2013માં રોહિત શર્માની કેપ્ટન્સીમાં પહેલો ખિતાબ જીત્યો હતો. આ પછી મુંબઈ ઈન્ડિયન્સ 2015, 2017, 2019 અને 2020માં ચેમ્પિયન બની હતી. આ રીતે રોહિત શર્માએ IPLમાં 5 ટાઇટલ જીત્યા.
અમદાવાદના નરેન્દ્ર મોદી સ્ટેડિયમમાં રમાયેલી વર્લ્ડ કપ 2023ની ફાઈનલ મેચમાં ઓસ્ટ્રેલિયાએ રોહિત શર્માની કેપ્ટન્સીવાળી ભારતીય ટીમને 6 વિકેટે હરાવ્યું હતું. ઓસ્ટ્રેલિયાની આ જીતમાં ડાબોડી ઓપનર ટ્રેવિસ હેડે 137 રનની શાનદાર ઇનિંગ રમીને મહત્વનું યોગદાન આપ્યું હતું. આ સિવાય લાબુશેને 58 રન બનાવ્યા હતા. ટાઇટલ મેચમાં ઓસ્ટ્રેલિયાએ શરૂઆતથી જ ભારત પર પ્રભુત્વ જમાવ્યું હતું.
ઓસ્ટ્રેલિયાનું આ છઠ્ઠું ODI વર્લ્ડ કપ ટાઇટલ હતું. મેચમાં ઓસ્ટ્રેલિયાએ ટોસ જીતીને બોલિંગ કરવાનો નિર્ણય લીધો હતો. પ્રથમ બેટિંગ કરતા ભારતીય ટીમ 50 ઓવરમાં 240 રનના સ્કોર પર ઓલઆઉટ થઈ ગઈ હતી. 241 રનના લક્ષ્યનો પીછો કરતા ઓસ્ટ્રેલિયાએ 43 ઓવરમાં મેચ જીતી લીધી હતી. પેટ કમિન્સના નેતૃત્વમાં ઓસ્ટ્રેલિયા બેટિંગ, બોલિંગ અને ફિલ્ડિંગ સહિત ત્રણેય વિભાગોમાં શાનદાર હતું
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)