Ind vs Eng: ઓવલ ટેસ્ટમાં વરસાદ બની શકે છે વિલન, જાણો હવામાન અને પિચ રિપોર્ટ
ટીમ ઈન્ડિયા 31 જુલાઈથી ઓવલ ખાતે ઈંગ્લેન્ડ સામેની છેલ્લી ટેસ્ટ મેચ માટે તૈયાર છે. માન્ચેસ્ટર ટેસ્ટ ડ્રો થયા બાદ, ભારતીય ટીમ ઉત્સાહમાં છે અને હવે તેની નજર 2-2 થી શ્રેણીનો અંત લાવવા પર છે.
Ind vs Eng 5th Test Weather Report: ટીમ ઈન્ડિયા 31 જુલાઈથી ઓવલ ખાતે ઈંગ્લેન્ડ સામેની છેલ્લી ટેસ્ટ મેચ માટે તૈયાર છે. માન્ચેસ્ટર ટેસ્ટ ડ્રો થયા બાદ, ભારતીય ટીમ ઉત્સાહમાં છે અને હવે તેની નજર 2-2 થી શ્રેણીનો અંત લાવવા પર છે. બીજી તરફ, ઈંગ્લેન્ડ આ નિર્ણાયક મેચ જીતીને 3-1 થી શ્રેણી જીતવા માંગશે, પરંતુ બંને ટીમોની યોજનાઓ પર વરસાદ પાણી ફેરવી શકે છે.
હવામાન કેવું રહેશે, શું વરસાદ વિલન બનશે
આ ટેસ્ટ શ્રેણીની પાંચમી ટેસ્ટ મેચ 31 જુલાઈથી ઓવલ ક્રિકેટ ગ્રાઉન્ડ પર રમાશે. હવામાન વિભાગના અહેવાલ મુજબ, ઓવલ ટેસ્ટના પહેલા દિવસે આકાશ વાદળછાયું રહેશે અને હળવો વરસાદ પડવાની પણ 20 ટકા શક્યતા છે. આવી સ્થિતિમાં ઝડપી બોલરોને શરૂઆતના સત્રમાં વધારાની સ્વિંગ અને સીમ મૂવમેન્ટ જોવા મળી શકે છે. બીજા અને ત્રીજા દિવસે હવામાન સ્વચ્છ રહેવાની અપેક્ષા છે, જ્યારે તાપમાન 22 થી 25 ડિગ્રી સેલ્સિયસ વચ્ચે રહેશે. ચોથા દિવસે પણ હવામાન સામાન્ય રહેશે, પરંતુ પાંચમા દિવસે ફરી એકવાર હળવો વરસાદ પડવાની શક્યતા છે, જે મેચના પરિણામને અસર કરી શકે છે.
ટોસ એક મોટું પરિબળ રહેશે
પહેલા દિવસે હવામાન જોતાં ટોસ જીતનાર ટીમ બોલિંગ કરવાનો વિકલ્પ પસંદ કરી શકે છે. ઓવલ પીચ પર પહેલા દિવસે વાદળો અને ભેજને જોતાં ટોસ જીતીને પહેલા બોલિંગ કરવી એ નફાકારક હોઈ શકે છે, કારણ કે શરૂઆતમાં ઝડપી બોલરોને પીચ અને હવામાનથી મદદ મળી શકે છે. જોકે આગામી બે દિવસમાં સૂર્ય બહાર આવતાં બેટિંગ સરળ બનશે, પરંતુ છેલ્લા દિવસે હવામાન ફરી બદલાઈ શકે છે.
પિચ રિપોર્ટ
ઓવલ પીચ સામાન્ય રીતે શરૂઆતમાં ઘણો ઉછાળો આપે છે, જે ઝડપી બોલરોને મદદ કરે છે, પરંતુ ચોથા-પાંચમા દિવસે આ પીચ ક્રેક થવા લાગે છે, જેના કારણે સ્પિનરોને ટર્ન મળવા લાગે છે. જેના કારણે રવિન્દ્ર જાડેજા આ મેચમાં મહત્વપૂર્ણ ભૂમિકા ભજવી શકે છે. છેલ્લી કેટલીક મેચોના આંકડા મુજબ, અહીં પ્રથમ ઇનિંગમાં સ્કોર 350-400 રન સુધીનો રહ્યો છે.
ઓવલમાં કોનો હાથ ઉપર છે ?
આ મેદાન પર અત્યાર સુધીમાં 17 ટેસ્ટ રમાઈ છે, જેમાં પહેલા બેટિંગ કરતી ટીમોએ 8 વખત જીત મેળવી છે અને પહેલા બોલિંગ કરતી ટીમોએ 6 વખત જીત મેળવી છે, જ્યારે 3 મેચ ડ્રો રહી છે. વર્ષ 2021માં, ઇંગ્લેન્ડે આ મેદાન પર ભારતને 157 રનથી હરાવ્યું હતું.
ટોપ સ્ટોરી
ટ્રેન્ડિંગ સમાચાર
