IND vs ENG: પંડ્યા- પંતના નામે નોંધાયો પાર્ટનરશિપનો ખાસ રેકોર્ડ, જાણો
ટીમ ઈન્ડિયાએ વનડે શ્રેણીની છેલ્લી મેચમાં ઈંગ્લેન્ડને 5 વિકેટે હરાવ્યું હતું. આ જીત સાથે ભારતે ત્રણ મેચની શ્રેણી 2-1થી કબજે કરી લીધી છે.
Rishabh Pant Hardik Pandya Record England vs India 3rd ODI Old Trafford, Manchester: ટીમ ઈન્ડિયાએ વનડે શ્રેણીની છેલ્લી મેચમાં ઈંગ્લેન્ડને 5 વિકેટે હરાવ્યું હતું. આ જીત સાથે ભારતે ત્રણ મેચની શ્રેણી 2-1થી કબજે કરી લીધી છે. ઋષભ પંતે માન્ચેસ્ટરમાં રમાયેલી ત્રીજી વનડેમાં અણનમ સદી ફટકારી હતી. જ્યારે હાર્દિક પંડ્યાએ 71 રનની શાનદાર ઇનિંગ રમી હતી. આ બંને ખેલાડીઓ વચ્ચે સદીની ભાગીદારી હતી. આ ભાગીદારીના કારણે બંનેના નામે એક ખાસ રેકોર્ડ નોંધાયો હતો.
ભારત માટે ઈંગ્લેન્ડમાં પાંચમી વિકેટ માટે સૌથી વધુ રનની ભાગીદારીના મામલે પંત અને પંડ્યાની જોડી ચોથા સ્થાને આવી ગઈ છે. આ બંને વચ્ચે 133 રનની ભાગીદારી થઈ હતી. આ મામલામાં મહેન્દ્ર સિંહ ધોની અને સુરેશ રૈનાની જોડી પહેલા સ્થાન પર છે. વર્ષ 2011માં બંને ખેલાડીઓ વચ્ચે 169 રનની ભાગીદારી નોંધાઈ હતી. જ્યારે આ પછી બંનેએ 2014માં 144 રનની ભાગીદારી નોંધાવી હતી.
ઉલ્લેખનીય છે કે આ મેચમાં રિષભ પંતે 113 બોલમાં અણનમ 125 રન બનાવ્યા હતા. આ દરમિયાન તેણે 16 ફોર અને 2 સિક્સર ફટકારી હતી. જ્યારે પંડ્યાએ 55 બોલમાં 71 રન બનાવ્યા હતા. તેની ઇનિંગમાં 10 ચોગ્ગા સામેલ હતા. ભારતે આ મેચ 42.1 ઓવરમાં જીતી લીધી હતી.
ઓલ્ડ ટ્રેફોર્ડ ખાતે પ્રથમ બેટિંગ કરતા ઈંગ્લેન્ડે 260 રનનો ટાર્ગેટ આપ્યો હતો. જવાબમાં ભારતે 5 વિકેટ ગુમાવીને મેચ જીતી લીધી હતી. ટીમ ઈન્ડિયા માટે રિષભ પંતે જોરદાર સદી ફટકારી હતી. બીજી તરફ હાર્દિક પંડ્યાએ ઓલરાઉન્ડ પ્રદર્શન આપ્યું હતું.
ઈંગ્લેન્ડ દ્વારા આપવામાં આવેલા ટાર્ગેટનો પીછો કરવા ઉતરેલી ટીમ ઈન્ડિયાની શરૂઆત ખરાબ રહી હતી. ઓપનર શિખર ધવન માત્ર 1 રન બનાવીને આઉટ થયો હતો. રોહિત 17 બોલમાં 17 રન બનાવીને આઉટ થયો હતો. વિરાટ કોહલી પણ 17 રન બનાવીને પવેલિયન પરત ફર્યો હતો. જ્યારે સૂર્યકુમાર યાદવે 28 બોલનો સામનો કર્યો અને એક ફોરની મદદથી 16 રન બનાવ્યા.
ઈંગ્લેન્ડમાં ભારત માટે 5મી વિકેટ માટે સૌથી વધુ ODI ભાગીદારી -
169 - ધોની/રૈના (2011)
144 - ધોની/રૈના (2014)
141 - એ જાડેજા/આર સિંહ (1999)
133 - હાર્દિક/પંત (2022)*
ટ્રેન્ડિંગ સમાચાર
ટોપ સ્ટોરી
