IND vs ENG: ટી20 બાદ હવે વનડે સીરિઝમાંથી પણ બહાર રહેશે જસપ્રીત બુમરાહ, આ ટૂર્નામેન્ટમાં કરશે વાપસી
બુમરાહે ઈંગ્લેન્ડ વિરુદ્ધ હાલમાં જ રમાયેલી ટેસ્ટ સીરિઝમાં બે મેચ રમી હતી અને તેના બાદ તે ચોથી ટેસ્ટ મેચ અને ટી20 સીરિઝમાં સામેલ થયો નહોતો.
IND vs ENG: ભારતીય ક્રિકેટ ટીમના સ્ટાર બોલર જસપ્રીત બુમરાહ સ્પોર્ટ્સ એન્કર સંજના સાથે લગ્નગ્રંથીમાં જોડાઈ ગયો છે. તેના લગ્નની તસવીરો સામે આવ્યા બાદ ફેન્સ પણ ચોંકી ઉઠ્યા હતા અને સોશિયલ મીડિયા પર શુભેચ્છા પાઠવી રહ્યાં હતા. હવે અહેવાલ સામે આવ્યા છે કે, બુમરાહ વનડે સીરિઝમાંથી પણ બહાર રહેશે અને તે આ મહિનાના અંતમાં આઈપીએલની ટીમ મુંબઈ ઈન્ડિયન્સ સાથે જોડાશે.
બુમરાહે ઈંગ્લેન્ડ વિરુદ્ધ હાલમાં જ રમાયેલી ટેસ્ટ સીરિઝમાં બે મેચ રમી હતી અને તેના બાદ તે ચોથી ટેસ્ટ મેચ અને ટી20 સીરિઝમાં સામેલ થયો નહોતો. એવામાં હવે બુમરાહ ઈંગ્લેન્ડ વિરુદ્ધ રમાનારી ત્રણ મેચની વનડે સીરિઝમાંથી પણ બહાર રહેશે.
લગ્ન માટેની રજા બાદ એવી શક્યતાઓ છે કે, તે 26 થી 28 માર્ચ વચ્ચે મુંબઈ ઈન્ડિયન્સ સાથે જોડાશે. પરંતુ ચેન્નઈ રવાના થતા પહેલા તેણે એક અઠવાડિયા સુધી ક્વોરન્ટાઈન રહેવું પડશે. તે સિવાય ટીમના અન્ય ભારતીય સભસ્ય સીધા આયોજન સ્થળે પહોંચશે. કારણ કે આ તમામ બાયો બબલમાં જ રહેશે. પરંતુ બુમરાહ બાયો બબલથી હટી ગયો હતો. તેથી તેણે ક્વોરન્ટાઈન પીરિયડ પૂરો કરવો પડશે.
View this post on Instagram
ટ્રેન્ડિંગ સમાચાર
ટોપ સ્ટોરી
