(Source: ECI/ABP News/ABP Majha)
IND vs ENG, 2nd ODI Live Score: ભારતની ખરાબ શરુઆત, ટોપ ઓર્ડર બેટ્સમેન સસ્તામાં આઉટ થયા
India vs England 2nd ODI: ભારત-ઈંગ્લેન્ડની ત્રણ મેચોની વનડે સિરીઝની બીજી મેચ આજે લંડનના લોર્ડ્સમાં (Lords) રમાઈ રહી છે.
LIVE
Background
India vs England 2nd ODI Lord's London: ભારત-ઈંગ્લેન્ડની ત્રણ મેચોની વનડે સિરીઝની બીજી મેચ આજે લંડનના લોર્ડ્સમાં (Lords) રમાઈ રહી છે. આ મેચ પહેલા ભારતે પ્રથમ મેચમાં 10 વિકેટથી મોટી જીત નોંધાવી હતી. હવે ટીમ ઈન્ડિયા સિરીઝ પર કબજો કરવાના ઈરાદા સાથે મેદાનમાં ઉતરશે. જો લંડનના હવામાનની વાત કરીએ તો આજે વરસાદ થવાની કોઈ શક્યતા નથી.
પિચમાં ઉછાળ જોવા મળશેઃ
ઈંગ્લેન્ડની ટીમ પ્રથમ વનડેમાં ખરાબ રીતે હારી ગઈ હતી. આ પછી તે બીજી મેચમાં જીતના ઈરાદા સાથે મેદાનમાં ઉતરશે. જો હવામાનની વાત કરીએ તો હવામાન વિભાગના જણાવ્યા અનુસાર લંડનમાં આછો તડકો જોવા મળશે. દિવસ દરમિયાન તાપમાન 20 થી 27 ડિગ્રી સેલ્સિયસની વચ્ચે રહી શકે છે. આ મેચ ડે-નાઈટ છે, જેથી ખેલાડીઓને સૂર્યપ્રકાશના કારણે ચિંતા કરવાની જરૂર રહેશે નહીં. જો પીચની વાત કરીએ તો લોર્ડ્સની પિચમાં ઉછાળ જોવા મળશે. તેનાથી બોલરોની સાથે સાથે બેટ્સમેનોને પણ મદદ મળી શકે છે.
ઉલ્લેખનીય છે કે, ટીમ ઈન્ડિયાએ પ્રથમ વનડેમાં શાનદાર પ્રદર્શન કર્યું હતું. ભારતે ઈંગ્લેન્ડને 110 રનમાં આઉટ કરી દીધું હતું. આ પછી રોહિત શર્મા અને શિખર ધવને જોરદાર બેટિંગ કરીને જીત અપાવી હતી. રોહિતે અણનમ 76 રન બનાવ્યા હતા. જ્યારે જસપ્રિત બુમરાહે ખતરનાક બોલિંગ કરતા 6 વિકેટ ઝડપી હતી. જ્યારે મોહમ્મદ શમીએ 3 વિકેટ પોતાના નામે કરી હતી.
ભારતની સંભવિત પ્લેઈંગ ઈલેવનઃ
રોહિત શર્મા (કેપ્ટન), શિખર ધવન, વિરાટ કોહલી/શ્રેયસ ઐયર, સૂર્યકુમાર યાદવ, ઋષભ પંત (WK), હાર્દિક પંડ્યા, રવિન્દ્ર જાડેજા, મોહમ્મદ શમી, યુઝવેન્દ્ર ચહલ, જસપ્રિત બુમરાહ અને પ્રસિદ્ધ કૃષ્ણા.
ભારતનો સ્કોર 6 વિકેટના નુકસાન પર 123 રન
30 ઓવરના અંતે ભારતનો સ્કોર 6 વિકેટના નુકસાન પર 123 રન. જાડેજા અને શમી રમતમાં છે.
હાર્દિક પંડ્યા આઉટ
હાર્દિક પંડ્યા 29 રન બનાવી આઉટ થયો. હાલ જાડેજા અને શમી રમતમાં. ભારતનો સ્કોર 101 રન પર 6 વિકેટ. 27.1 ઓવર.
સૂર્યકુમાર યાદવ આઉટ થયો
ભારતને મોટો ઝટકો લાગ્યો છે. સૂર્યકુમાર યાદવ ટોપ્લીના બોલ પર 27 રન બનાવી આઉટ થયો છે. આ સાથે ઈંગ્લેન્ડના બોલર ટોપ્લીએ ત્રીજી વિકેટ ઝડપી છે. ભારતનો સ્કોર 75 રન પર 5 વિકેટ. 21 ઓવર પુર્ણ
ભારતનો સ્કોર 60 રન પર પહોંચ્યો
17.4 ઓવર ઉપર ભારતનો સ્કોર 60 રન છે. હાલ હાર્દિક અને સૂર્યકુમાર રમી રહ્યા છે.
વિરાટ કોહલી આઉટ
12મી ઓવરમાં 31 રન પર 4 વિકેટ પડી ગઈ છે. વિરાટ કોહલી 16 રન બનાવી વિલીના બોલ પર કેચ આઉટ થયો. હાલ સુર્યકુમાર અને હાર્દિક રમતમાં.
ટ્રેન્ડિંગ સમાચાર
ટોપ સ્ટોરી
