IND vs IRE: ભારતે આયર્લેન્ડને 8 વિકેટે હરાવ્યું, રોહિતની ફિફ્ટી
T20 World Cup 2024, IND vs IRE: અહીં તમને ભારત અને આયર્લેન્ડ વચ્ચેની મેચનો લાઇવ સ્કોર અને મેચ સંબંધિત તમામ અપડેટ્સ મળશે.
Background
ICC Mens T20 World Cup 2024, India vs Ireland: ભારતીય ટીમ T20 વર્લ્ડકપ 2024ની પ્રથમ મેચ આજે એટલે કે બુધવાર, 5 જૂને ન્યૂયોર્કના નાસાઉ કાઉન્ટી ઈન્ટરનેશનલ ક્રિકેટ સ્ટેડિયમમાં રમશે. આ મેચ સ્થાનિક એટલે કે ન્યૂયોર્કના સમય અનુસાર સવારે 10:30 વાગ્યે શરૂ થશે, જ્યારે ભારતમાં મેચ રાત્રે 8 વાગ્યાથી જોવા મળશે. ટીમ ઈન્ડિયા આ પ્રથમ મેચ માટે ખૂબ જ રોચક પ્લેઈંગ ઈલેવન પસંદ કરી શકે છે. જાણો અહીં આયરલેન્ડ સામે ટીમ ઈન્ડિયાની પ્લેઈંગ ઈલેવન કઈ હોઈ શકે છે.
રોહિત શર્માની સાથે ઓપનિંગ કરી શકે છે કોહલી
સૌથી પહેલા વિરાટ કોહલી ઓપનિંગમાં રોહિત શર્મા સાથે જોવા મળી શકે છે. યશસ્વી જાયસ્વાલ આ મેચમાં બહાર થઈ શકે છે. જોકે જાયસ્વાલ ટીમમાં મુખ્ય ઓપનર તરીકે રમે છે. હવે આવી સ્થિતિમાં ટીમ કઇ જોડી સાથે ઓપનિંગમાં દેખાય છે તે જોવું રસપ્રદ રહેશે. સંજૂ સેમસન બાંગ્લાદેશ સામે રમાયેલી વોર્મ અપ મેચમાં રોહિત શર્મા સાથે ઓપનિંગ કરતો જોવા મળ્યો હતો. જોકે વિરાટ કોહલી તે વોર્મ-અપ મેચનો ભાગ નહોતો.
ભારતે આયર્લેન્ડને 8 વિકેટે હરાવ્યું
2024 T20 વર્લ્ડ કપની પોતાની પ્રથમ મેચમાં ટીમ ઈન્ડિયાએ આયરલેન્ડને 8 વિકેટથી હરાવ્યું છે. આયર્લેન્ડે પ્રથમ બેટિંગ કરીને માત્ર 96 રન બનાવ્યા હતા. જવાબમાં ભારતીય ટીમે 13મી ઓવરમાં બે વિકેટ ગુમાવીને લક્ષ્યનો પીછો કરી લીધો હતો. ભારત તરફથી કેપ્ટન રોહિત શર્માએ 37 બોલમાં 52 રનની ઇનિંગ રમી હતી. જ્યારે રિષભ પંત 26 બોલમાં 36 રન બનાવીને અણનમ પરત ફર્યો હતો. જ્યારે બોલિંગમાં હાર્દિક પંડ્યાએ 3 વિકેટ ઝડપી હતી. આ સિવાય અર્શદીપ સિંહ અને જસપ્રિત બુમરાહને બે-બે સફળતા મળી છે.
રોહિત શર્મા પેવેલિયન પરત ફર્યો
11મી ઓવરમાં બોલ વાગવાને કારણે રોહિત શર્મા રિટાયર હર્ટ થઈ ગયો હતો. 11 ઓવરમાં ટીમ ઈન્ડિયાનો સ્કોર એક વિકેટે 85 રન થઈ ગયો છે. રિષભ પંત 22 બોલમાં 25 રન બનાવીને રમતમાં છે. તેણે બે ચોગ્ગા અને એક છગ્ગા ફટકાર્યા છે.
ટોપ સ્ટોરી
ટ્રેન્ડિંગ સમાચાર
