IND vs NZ ટેસ્ટ સિરીઝમાં સ્પિનર્સનો એવો જાદુ દેખાયો કે 55 વર્ષ જૂનો રેકોર્ડ તૂટી ગયો
IND vs NZ: ભારત અને ન્યૂઝીલેન્ડ વચ્ચે રમાઈ રહેલી ત્રણ મેચની ટેસ્ટ સિરીઝમાં અત્યાર સુધી સ્પિન બોલર્સનો કમાલ જોવા મળ્યો છે, જેમાં અત્યાર સુધી 71 વિકેટ આ સિરીઝમાં સ્પિનર્સે મેળવી છે.
IND vs NZ Test series record: ભારત અને ન્યૂઝીલેન્ડ વચ્ચે રમાઈ રહેલી 3 મેચની ટેસ્ટ સિરીઝની ત્રીજી મેચ મુંબઈના વાનખેડે સ્ટેડિયમમાં રમાઈ રહી છે, જેના બીજા દિવસની રમત પૂરી થતાં કીવી ટીમે તેની બીજી ઇનિંગ્સમાં 9 વિકેટે 171 રન બનાવ્યા હતા. જ્યારે તેમની પાસે કુલ લીડ 143 રનની થઈ ગઈ હતી. આ ટેસ્ટ સિરીઝમાં અત્યાર સુધી સ્પિનર્સનો ખૂબ દબદબો જોવા મળ્યો છે, જેના કારણે 55 વર્ષ જૂનો એક મોટો રેકોર્ડ પણ તૂટી ગયો. બેંગલુરુ ટેસ્ટમાં જરૂર ફાસ્ટ બોલર્સ થોડા પ્રભાવશાળી દેખાયા હતા પરંતુ આ પછી પુણે અને હવે મુંબઈ બંને ટેસ્ટ મેચોમાં સ્પિનર્સ તેમનો કમાલ બતાવવામાં સફળ રહ્યા છે.
ભારતમાં ત્રણ મેચની ટેસ્ટ સિરીઝમાં સ્પિનર્સે મેળવી સૌથી વધુ વિકેટ
મુંબઈ ટેસ્ટ મેચમાં અત્યાર સુધી પિચ પરથી સ્પિન બોલર્સને ખૂબ મદદ મળતી જોવા મળી છે, જેના કારણે ભારતમાં અત્યાર સુધી રમાયેલી ત્રણ મેચની ટેસ્ટ સિરીઝમાં આ એવી સિરીઝ બની ગઈ છે, જેમાં સ્પિન બોલર્સે સૌથી વધુ 71 વિકેટ મેળવી છે. આ પહેલાં 1969માં ભારત અને ન્યૂઝીલેન્ડ વચ્ચે રમાયેલી ત્રણ મેચની ટેસ્ટ સિરીઝમાં 69 વિકેટ સ્પિનર્સે મેળવી હતી. અત્યાર સુધી આ ટેસ્ટ સિરીઝમાં વોશિંગ્ટન સુંદરે સૌથી વધુ 16 વિકેટ લીધી છે, જ્યારે બીજા નંબરે 15 વિકેટ સાથે રવીન્દ્ર જાડેજા અને 13 વિકેટ સાથે મિચેલ સેન્ટનર ત્રીજા નંબરે છે.
ભારતમાં ત્રણ મેચની ટેસ્ટ સિરીઝમાં સ્પિનર્સે આ સિરીઝમાં મેળવી સૌથી વધુ વિકેટ
ભારત વિરુદ્ધ ન્યૂઝીલેન્ડ - 71 વિકેટ (વર્ષ 2024)
ભારત વિરુદ્ધ ન્યૂઝીલેન્ડ - 69 વિકેટ (વર્ષ 1969)
ભારત વિરુદ્ધ ઓસ્ટ્રેલિયા - 66 વિકેટ (વર્ષ 1956)
ભારત વિરુદ્ધ ન્યૂઝીલેન્ડ - 65 વિકેટ (વર્ષ 1976)
ભારત વિરુદ્ધ શ્રીલંકા - 64 વિકેટ (વર્ષ 1993)
ત્રીજી ટેસ્ટ મેચમાં ભારત જીતની નજીક
જણાવી દઈએ કે ન્યૂઝીલેન્ડનો સ્કોર બીજા દિવસની રમત પૂરી થતાં 9 વિકેટે 171 રન છે. આ રીતે કીવી ટીમની લીડ 143 રનની થઈ ગઈ છે. ન્યૂઝીલેન્ડ માટે એજાઝ પટેલ અને વિલિયમ ઓ'રૂર્કે નોટઆઉટ છે. આ પહેલા ભારતે બીજા દિવસે 4 વિકેટે 84 રનથી આગળ રમવાનું શરૂ કર્યું. ભારત માટે શુભમન ગિલ અને ઋષભ પંતે 96 રનની ભાગીદારી કરી, પરંતુ ત્યારબાદ ટીમ ઈન્ડિયાના બેટ્સમેન નિયમિત અંતરાલે પેવેલિયન પરત ફરતા રહ્યા. ન્યૂઝીલેન્ડ માટે એજાઝ પટેલ સૌથી સફળ બોલર રહ્યા. એજાઝ પટેલે 5 બેટ્સમેનને આઉટ કર્યા. આ ઉપરાંત મેટ હેનરી, ગ્લેન ફિલિપ્સ અને ઈશ સોઢીએ 1-1 વિકેટ પોતાના નામે કરી. રવિન્દ્ર જાડેજા ભારત માટે અત્યાર સુધીનો સૌથી સફળ બોલર રહ્યો છે. રવિન્દ્ર જાડેજાને 4 સફળતા મળી છે. આ સિવાય રવિ અશ્વિને 3 બેટ્સમેનોને પોતાનો શિકાર બનાવ્યા હતા. આકાશદીપ અને વોશિંગ્ટન સુંદરે 1-1 વિકેટ લીધી છે. આજે બીજા દિવસે બંને ટીમના 15 બેટ્સમેન પેવેલિયન પરત ફર્યા હતા.
આ પણ વાંચોઃ
ટોપ સ્ટોરી
ટ્રેન્ડિંગ સમાચાર
