IND vs SA: દીપકે દરિયાદિલી બતાવી, માકંડિંગની તક પર સ્ટબ્સને આપ્યું જીવનદાન, જુઓ વીડિયો
ભારત અને દક્ષિણ આફ્રિકા વચ્ચે ત્રણ T20 મેચોની શ્રેણીની છેલ્લી મેચ ઈન્દોરમાં રમાઈ રહી છે. આ મેચમાં પ્રથમ બેટિંગ કરતા દક્ષિણ આફ્રિકાએ ભારતને 228 રનનો ટાર્ગેટ આપ્યો હતો.
India vs South Africa: ભારત અને દક્ષિણ આફ્રિકા વચ્ચે ત્રણ T20 મેચોની શ્રેણીની છેલ્લી મેચ ઈન્દોરમાં રમાઈ રહી છે. આ મેચમાં પ્રથમ બેટિંગ કરતા દક્ષિણ આફ્રિકાએ ભારતને 228 રનનો ટાર્ગેટ આપ્યો હતો. આફ્રિકન ટીમ વતી રિલે રૂસોએ શાનદાર બેટિંગ કરતા 48 બોલમાં 8 સિક્સર અને 7 ચોગ્ગાની મદદથી 100 રનની સદી ફટકારી હતી. તે જ સમયે, આ મેચમાં, ભારતના બોલર દીપક ચહરે આફ્રિકાના બેટ્સમેન સ્ટબ્સને મોટું જીવનદાન આપ્યું અને તેને માકંડિંગ પર આઉટ નહોતો કર્યો.
ચાહરે દરિયાદિલી બતાવી
મેચની 16મી ઓવર શરૂ કરવા આવેલો દીપક ચહર જ્યારે બોલિંગ કરવા માટે ક્રીઝની નજીક આવ્યો ત્યારે સ્ટબ્સ ક્રિઝની બહાર હતો. તે સમયે દીપકે મોટું દિલ બતાવીને માકંડિંગ દ્વારા રૂસોને આઉટ કર્યો ન હતો અને હસીને ફરી પોતાના રન-અપમાં પાછો ફર્યો હતો. તે સમયે સ્ટબ્સ 13 રને રમી રહ્યો હતો. આમ દરિયાદિલી બતાવવા બદલ લોકો સોશિયલ મીડિયા પર દીપક ચહરની પ્રશંસા કરી રહ્યા છે.
@deepak_chahar9 @Deepti_Sharma06
Indian bowlers and #mankading still a better story #deepakchahar #mankading #indvssa #SAvsIND #memes #memesdaily #memes2022 pic.twitter.com/FD7aSTwfGu— कशिश मौर्य (@iamkishno) October 4, 2022
ભારતને 228 રનનો ટાર્ગેટ મળ્યો
ઈન્દોરના હોલકર સ્ટેડિયમમાં રમાઈ રહેલી ભારત અને દક્ષિણ આફ્રિકા વચ્ચેની ત્રીજી T20 મેચમાં દક્ષિણ આફ્રિકાએ મોટો સ્કોર બનાવ્યો હતો. પ્રથમ બેટિંગ કરતા દક્ષિણ આફ્રિકાની ટીમે 227 રન બનાવ્યા હતા. સુકાની ટેમ્બા બાવુમાને શરૂઆતમાં ગુમાવવા છતાં, દક્ષિણ આફ્રિકાએ આક્રમણ બેટિંગ કરવાનું ચાલુ રાખ્યું અને ભારતીય બોલરોને દબાણમાં લાવ્યા હતા. ભારતને ક્લીન સ્વીપ કરવા માટે 228 રન બનાવવાની જરૂર છે.
ટોસ હાર્યા બાદ બેટિંગ કરવાનું પસંદ કરતી દક્ષિણ આફ્રિકાની ટીમે પાંચમી ઓવરમાં 30 રનના કુલ સ્કોર પર પ્રથમ વિકેટ ગુમાવી દીધી હતી. આ પછી ક્વિન્ટન ડી કોક અને રિલે રુસો વચ્ચે ખૂબ જ મહત્વપૂર્ણ 90 રનની ભાગીદારી થઈ હતી. ડી કોકે 43 બોલમાં 68 રનની ઈનિંગ રમી હતી અને ત્યારબાદ તે રનઆઉટ થઈને પેવેલિયન પરત ફર્યો હતો. તેણે પોતાની ઇનિંગમાં 6 ફોર અને 4 સિક્સર ફટકારી હતી. આ ઈનિંગ દરમિયાન ડી કોકે 2000 T20 ઈન્ટરનેશનલ રન પણ પૂરા કર્યા. આવું કરનાર તે દક્ષિણ આફ્રિકાનો બીજો બેટ્સમેન બન્યો છે.
ટોપ સ્ટોરી
ટ્રેન્ડિંગ સમાચાર
