IND vs SA 3rd T20I: ક્લીન સ્વીપના ઈરાદા સાથે ઉતરશે ટીમ ઈન્ડિયા, જાણો સંભવિત પ્લેઈંગ-11થી લઈને પીચ અને હવામાનનો મિજાજ
આમાં ભારતીય ટીમે 13 મેચ જીતી છે અને દક્ષિણ આફ્રિકાએ 8 મેચ જીતી છે. એક મેચ અનિર્ણિત છે.
IND vs SA Match Preview: ભારત અને દક્ષિણ આફ્રિકા (IND vs SA) વચ્ચેની ત્રણ મેચની T20 શ્રેણીની છેલ્લી મેચ આજે સાંજે ઇન્દોરના હોલકર સ્ટેડિયમમાં રમાશે. ટીમ ઈન્ડિયાએ સીરીઝની શરૂઆતની બંને મેચ જીતીને આ સીરીઝ પર કબ્જો કરી લીધો છે. આવી સ્થિતિમાં તે આજે ક્લીન સ્વીપ કરવાના ઈરાદા સાથે મેદાનમાં ઉતરશે.
ટી20 વર્લ્ડ કપ પહેલા ટીમ ઈન્ડિયા માટે આ છેલ્લી ઈન્ટરનેશનલ ટી20 મેચ છે. આવી સ્થિતિમાં ટીમ ઈન્ડિયા આજની મેચમાં પોતાની વર્લ્ડ કપની તૈયારીઓને આખરી ઓપ આપવા માંગે છે. ટીમ ઈન્ડિયા આ મેચમાં પોતાની બેન્ચ સ્ટ્રેન્થ અજમાવશે. આ મેચમાં વિરાટ કોહલી અને કેએલ રાહુલ જેવા સ્ટાર ખેલાડીઓને આરામ આપવામાં આવ્યો છે. આવી સ્થિતિમાં શ્રેયસ અય્યર ભારતીય ટીમનો ભાગ હશે.
હેડ ટુ હેડ રેકોર્ડઃ ભારત અને દક્ષિણ આફ્રિકા વચ્ચે અત્યાર સુધીમાં 22 T20 મેચ રમાઈ છે. આમાં ભારતીય ટીમે 13 મેચ જીતી છે અને દક્ષિણ આફ્રિકાએ 8 મેચ જીતી છે. એક મેચ અનિર્ણિત છે.
પીચ અને હવામાનની પેટર્ન: ઈન્દોરમાં હોલકર સ્ટેડિયમ એ ભારતના સૌથી નાના મેદાનોમાંથી એક છે. અહીંની બાઉન્ડ્રી નાની છે. અહીંની પીચ બેટ્સમેનોને મદદરૂપ રહી છે. આવી સ્થિતિમાં આજના મેદાનમાં રનનો વરસાદ થઈ શકે છે. બીજા દાવમાં અહીં હળવા ઝાકળની શક્યતા છે. આવી સ્થિતિમાં રનનો પીછો કરી રહેલી ટીમ ફાયદામાં રહી શકે છે. મેચ દરમિયાન, ઈન્દોરમાં વાદળછાયું વાતાવરણ રહેશે, જોકે વરસાદની શક્યતાઓ નહિવત્ છે.
સંભવિત પ્લેઇંગ ઇલેવન:
ટીમ ઈન્ડિયાઃ રોહિત શર્મા (કેપ્ટન), ઋષભ પંત (વિકેટકીપર), શ્રેયસ ઐયર, સૂર્યકુમાર યાદવ, દિનેશ કાર્તિક, અક્ષર પટેલ, હર્ષલ પટેલ, આર અશ્વિન, દીપક ચહર, અર્શદીપ સિંહ, શાહબાઝ અહેમદ.
દક્ષિણ આફ્રિકા: ટેમ્બા બાવુમા (c), ક્વિન્ટન ડી કોક (wk), રિલે રોસુ, એડન માર્કરામ, ડેવિડ મિલર, ટ્રિસ્ટન સ્ટબ્સ, વેઈન પાર્નેલ, કેશવ મહારાજ, કાગીસો રબાડા, એનરિક નોર્સિયા, તબારીઝ શમ્સી.
ટોપ સ્ટોરી
ટ્રેન્ડિંગ સમાચાર
