T20 WC 2026: સૂર્યાની કેપ્ટન ઇનિંગ્સ અને સિરાજનો તરખાટ; ભારતે USA ને 29 રનથી હરાવ્યું
ડિફેન્ડિંગ ચેમ્પિયનનો વિજયી પ્રારંભ: વાનખેડેમાં ટોપ ઓર્ડર ફેલ થયા બાદ કેપ્ટન સૂર્યકુમાર યાદવે બાજી સંભાળી; 162 રનના ટાર્ગેટ સામે અમેરિકા ઘૂંટણીયે, અક્ષર અને અર્શદીપની પણ શાનદાર બોલિંગ.
IND vs USA T20 World Cup 2026: મુંબઈ (Mumbai) ના ઐતિહાસિક વાનખેડે સ્ટેડિયમમાં ક્રિકેટ રસિયાઓ માટે શનિવારની રાત યાદગાર બની રહી હતી. 'ડિફેન્ડિંગ ચેમ્પિયન' (Defending Champion) ભારતીય ટીમે 'આઈસીસી મેન્સ ટી20 વર્લ્ડ કપ 2026' (ICC Men's T20 World Cup 2026) માં વિજયી શ્રીગણેશ કર્યા છે. ગ્રુપ A ની હાઈ-વોલ્ટેજ મેચમાં ભારતે યુનાઇટેડ સ્ટેટ્સ ઓફ અમેરિકા (USA) ને 29 Runs થી હરાવીને ટાઈટલ બચાવવાની દિશામાં મજબૂત ડગલું માંડ્યું છે. આ મેચમાં કેપ્ટન સૂર્યકુમાર યાદવની બેટિંગ અને મોહમ્મદ સિરાજની બોલિંગ નિર્ણાયક સાબિત થઈ હતી.
મેચની શરૂઆત ભારત માટે અત્યંત ખરાબ રહી હતી. ટોસ હારીને બેટિંગમાં ઉતરેલી ભારતીય ટીમનો 'ટોપ ઓર્ડર' (Top Order) અમેરિકન બોલરો સામે ધરાશાયી થઈ ગયો હતો. ઓપનર અભિષેક શર્મા પહેલા જ બોલે આઉટ થયા હતા. ત્યાર બાદ ઈશાન કિશન (20 Runs), તિલક વર્મા (25 Runs) અને શિવમ દુબે (0 Run) સસ્તામાં પેવેલિયન ભેગા થતા ભારતનો સ્કોર એક સમયે 46/4 થઈ ગયો હતો અને ટીમ મુશ્કેલીમાં મુકાઈ હતી.
આવી નાજુક પરિસ્થિતિમાં કેપ્ટન સૂર્યકુમાર યાદવે (Suryakumar Yadav) જવાબદારી સ્વીકારી અને 'કેપ્ટન ઇનિંગ્સ' (Captain's Knock) રમી હતી. તેમણે એક છેડો સાચવી રાખીને અમેરિકન બોલરોનો મક્કમતાથી સામનો કર્યો હતો. સૂર્યાએ 49 Balls માં અણનમ 84 Runs ફટકાર્યા હતા, જેમાં 10 ચોગ્ગા અને 4 છગ્ગા સામેલ હતા. તેમની આ ઈનિંગ્સના કારણે ભારત સન્માનજનક સ્કોર સુધી પહોંચી શક્યું હતું.
વિકેટો પડતી રહી હોવા છતાં, સૂર્યાએ અક્ષર પટેલ સાથે મળીને સાતમી વિકેટ માટે 41 Runs ની મહત્વપૂર્ણ ભાગીદારી (Partnership) નોંધાવી હતી. જેના પરિણામે ભારત નિર્ધારિત 20 ઓવરમાં 9 વિકેટે 161 સુધી પહોંચી શક્યું હતું. અમેરિકા તરફથી શેડલી વાન શાલ્કવિકે શાનદાર બોલિંગ કરતા 4 Wickets ઝડપી હતી.
162 Runs ના લક્ષ્યાંકનો પીછો કરવા ઉતરેલી અમેરિકાની ટીમ ભારતીય બોલિંગ આક્રમણ સામે ટકી શકી નહોતી. સ્ટાર બોલર જસપ્રીત બુમરાહની ગેરહાજરીમાં મોહમ્મદ સિરાજ (Mohammed Siraj) એ મોરચો સંભાળ્યો હતો. સિરાજે શાનદાર બોલિંગ કરતા 3 Wickets ઝડપીને અમેરિકાની કમર તોડી નાખી હતી. તેણે 'પાવરપ્લે' (Powerplay) માં જ ઓપનર એન્ડ્રીસ ગૌસ અને સૈતેજાને આઉટ કરીને ભારતને મજબૂત શરૂઆત અપાવી હતી.
મધ્યમ ઓવરોમાં અમેરિકાના મિલિંદ કુમાર (34 Runs) અને સંજય કૃષ્ણમૂર્તિ (37 Runs) એ થોડી લડત આપી હતી, પરંતુ ભારતીય સ્પિનરો સામે તેઓ લાંબો સમય ટકી શક્યા ન હતા. સ્પિનર અક્ષર પટેલે (Axar Patel) ઉપરાઉપરી બે વિકેટ લઈને મેચ ભારતની તરફેણમાં કરી દીધી હતી. અર્શદીપ સિંહે પણ 2 Wickets ઝડપી હતી, જેના કારણે અમેરિકાની ટીમ 20 ઓવરમાં 8 વિકેટે માત્ર 132 રન જ બનાવી શકી હતી.
નોંધનીય છે કે, 'વાયરલ ફીવર' (Viral Fever) ને કારણે જસપ્રીત બુમરાહ આ મેચમાં રમ્યા નહોતા. તેમ છતાં ભારતીય બોલરોએ શિસ્તબદ્ધ પ્રદર્શન કરીને ટીમને જીત અપાવી હતી. હવે ભારતનો પ્રયાસ આ જીતનો લય (Momentum) જાળવી રાખીને વર્લ્ડ કપ જીતવાના ઈતિહાસને બદલવાનો રહેશે, કારણ કે આજ સુધી કોઈ ટીમ T20 વર્લ્ડ કપ સફળતાપૂર્વક ડિફેન્ડ કરી શકી નથી.
ટોપ સ્ટોરી
ટ્રેન્ડિંગ સમાચાર
