IND Vs WI, 1st ODI: ટીમ ઈન્ડિયાએ પહેલી વનડેમાં વેસ્ટ ઈન્ડિઝને 5 વિકેટે હરાવ્યું, કુલદીપ,જાડેજા બાદ ઈશાને રંગ રાખ્યો
India vs West Indies, 1st ODI Match Highlights: ભારતે વનડે શ્રેણીની પ્રથમ મેચમાં વેસ્ટ ઈન્ડિઝને 5 વિકેટે હરાવ્યું હતું. પ્રથમ બેટિંગ કરવા ઉતરેલી વેસ્ટ ઈન્ડિઝની ટીમ 114 રનના સ્કોર પર ઓલઆઉટ થઈ ગઈ હતી.
India vs West Indies, 1st ODI Match Highlights: ભારતે વનડે શ્રેણીની પ્રથમ મેચમાં વેસ્ટ ઈન્ડિઝને 5 વિકેટે હરાવ્યું હતું. પ્રથમ બેટિંગ કરવા ઉતરેલી વેસ્ટ ઈન્ડિઝની ટીમ 114 રનના સ્કોર પર ઓલઆઉટ થઈ ગઈ હતી. જેના જવાબમાં ટીમ ઈન્ડિયાએ 22.5 ઓવરમાં 5 વિકેટ ગુમાવીને મેચ જીતી લીધી હતી. ભારત તરફથી ઈશાન કિશને અડધી સદી ફટકારી હતી. ઈશાને 46 બોલમાં 52 રન બનાવ્યા હતા. તેણે 7 ફોર અને 1 સિક્સર ફટકારી હતી. આ સાથે જ કુલદીપ યાદવ અને રવિન્દ્ર જાડેજાએ બોલિંગમાં પોતાની તાકાત બતાવી હતી. કુલદીપે 4 અને જાડેજાએ 3 વિકેટ ઝડપી હતી. ભારતે ત્રણ મેચની વનડે શ્રેણીમાં 1-0ની લીડ મેળવી લીધી છે.
1ST ODI. India Won by 5 Wicket(s) https://t.co/OoIwxCvNlQ #WIvIND
— BCCI (@BCCI) July 27, 2023
ઇશાન કિશનને આ મેચમાં શુભમન ગિલની સાથે ઇનિંગની શરૂઆત કરવા મોકલવામાં આવ્યો હતો, જેના બેટમાં 52 રનની ઇનિંગ જોવા મળી હતી. બીજી તરફ વિન્ડીઝ ટીમ તરફથી બોલિંગમાં ગુડાકેશ મોતીએ 2 અને જાયડન સીલ્સ અને એનિક કરેચે 1-1 વિકેટ ઝડપી હતી.
ઇશાન કિશને એક છેડો સંભાળ્યો, ગિલ નિરાશે કર્યા
115 રનના ટાર્ગેટનો પીછો કરવા ઉતરેલી ટીમ ઈન્ડિયા તરફથી ઈશાન કિશનને આ મેચમાં સુકાની રોહિત શર્માના સ્થાને શુભમન ગિલની સાથે ઇનિંગ્સની શરૂઆત કરવાની તક આપવામાં આવી હતી. બંને વચ્ચે પ્રથમ વિકેટ માટે માત્ર 18 રનની ભાગીદારી જોવા મળી હતી. ગિલ 7ના અંગત સ્કોર પર જાયડન સીલ્સનો શિકાર બન્યો હતો. આ પછી સૂર્યકુમાર યાદવને નંબર 3 પર બેટિંગ માટે મોકલવામાં આવ્યો હતો.
ઈશાન કિશને સૂર્યકુમાર યાદવ સાથે મળીને સ્કોરને 50 રનની પાર પહોંચાડ્યો હતો. બંને વચ્ચે બીજી વિકેટ માટે 36 રનની ભાગીદારી થઈ હતી. ટીમ ઈન્ડિયાને આ મેચમાં બીજો ઝટકો 54 રનના સ્કોર પર સૂર્યકુમાર યાદવના રૂપમાં લાગ્યો હતો જે 19 રન બનાવીને પેવેલિયન પરત ફર્યા હતા. આ પછી બેટિંગ કરવા ઉતરેલ હાર્દિક પંડ્યા કમનસીબે 5 રનના અંગત સ્કોર પર રનઆઉટ થયો હતો.
70ના સ્કોર પર ભારતીય ટીમને આ મેચમાં ત્રીજો ઝટકો લાગ્યો હતો. તે જ સમયે, ઇશાન કિશન પણ વનડેમાં તેની ચોથી અડધી સદી પૂરી કરીને 52 રનના વ્યક્તિગત સ્કોર પર પેવેલિયન પરત ફર્યો હતો. 97ના સ્કોર પર ટીમ ઈન્ડિયાને આ મેચમાં 5મો ઝટકો શાર્દુલ ઠાકુરના રૂપમાં લાગ્યો હતો. અહીંથી કેપ્ટન રોહિત શર્માએ રવિન્દ્ર જાડેજા સાથે વાપસી કરીને ટીમને 5 વિકેટે જીત અપાવી હતી. રોહિતે 12 અને જાડેજાએ 16 રન બનાવ્યા હતા.
કુલદીપે પણ શાનદાર દેખાવ કર્યો
રવિન્દ્ર જાડેજાની સ્પિન બોલિંગ સામે સંઘર્ષ કરી રહેલા વિન્ડીઝના બેટ્સમેનો માટે કુલદીપ યાદવની સ્પિન રમવી વધુ મુશ્કેલ સાબિત થઈ હતી. 99ના સ્કોર પર વિન્ડીઝની ટીમે તેની 7મી વિકેટ ડોમિનિક ડ્રેક્સના રૂપમાં ગુમાવી હતી. આ પછી 114ના સ્કોર પર ટીમને 9મો ફટકો કેપ્ટન શાઈ હોપના રૂપમાં લાગ્યો હતો, જે 43ના વ્યક્તિગત સ્કોર પર પેવેલિયન પરત ફર્યો હતો. આ મેચમાં 114 રનના સ્કોર પર વિન્ડીઝ ટીમની ઇનિંગ્સ સીમિત રહી હતી.
કુલદીપ યાદવે પોતાની 3 ઓવરની બોલિંગમાં 2 મેડન ઓવર આપીને માત્ર 6 રન આપીને 4 વિકેટ ઝડપી હતી. બીજી તરફ રવિન્દ્ર જાડેજાએ 6 ઓવરમાં 37 રન આપીને 3 વિકેટ ઝડપી હતી. આ સિવાય હાર્દિક પંડ્યા, મુકેશ કુમાર અને શાર્દુલ ઠાકુરે પણ 1-1 વિકેટ લીધી હતી.
ટ્રેન્ડિંગ સમાચાર
ટોપ સ્ટોરી
