ઇંગ્લેન્ડ સામેની શરમજનક હારથી આ 4 ખેલાડીઓનું ODI કરિયર ખતરામાં, ફરી તક મળવી મુશ્કેલ!
ઇંગ્લેન્ડના પ્રવાસે ગયેલી ટીમ ઇન્ડિયાની ODI સિરીઝમાં 1-2 થી હાર બાદ વોશિંગ્ટન સુંદર અને શિવમ દુબે સહિત 4 ખેલાડીઓનું પત્તું કપાવાની શક્યતા.
- ઇંગ્લેન્ડ સામેની ODI શ્રેણી હાર્યા બાદ, ટીમમાં મોટા ફેરફારો.
- વોશિંગ્ટન સુંદર સહિત ચાર ખેલાડીઓનું સ્થાન જોખમમાં છે.
- સુંદર, દુબે અને કિશન બેટ-બોલથી પ્રભાવિત કરી શક્યા નહીં.
- પ્રિન્સ યાદવે મોંઘો સ્પેલ ફેંકી એક વિકેટ લીધી.
India vs England ODI series 2026: ટીમ ઇન્ડિયાનો તાજેતરનો ઇંગ્લેન્ડ પ્રવાસ ઘણો નિરાશાજનક રહ્યો છે. T20 ઇન્ટરનેશનલ અને વનડે (ODI) એમ બંને સિરીઝમાં મેન ઇન બ્લુને હારનો સામનો કરવો પડ્યો છે. ખાસ કરીને વનડે સિરીઝની વાત કરીએ તો, ભારતે લગભગ પોતાની સંપૂર્ણ મજબૂત ટીમ મેદાનમાં ઉતારી હતી, છતાં યજમાન ઇંગ્લેન્ડ સામે 1-2 થી શ્રેણી ગુમાવવાનો વારો આવ્યો છે. 50 ઓવરના ફોર્મેટમાં મળેલી આ હાર બાદ ટીમ મેનેજમેન્ટ હવે મોટા ફેરફારો કરવાના મૂડમાં છે, જેના કારણે કેટલાક ખેલાડીઓની કારકિર્દી જોખમમાં મુકાઈ ગઈ છે. અમે તમને એવા 4 ખેલાડીઓ વિશે જણાવીશું જેમના માટે હવે ફરીથી વનડે ટીમમાં સ્થાન મેળવવું લગભગ અશક્ય લાગી રહ્યું છે.
1. વોશિંગ્ટન સુંદર (સ્પિન-બોલિંગ ઓલરાઉન્ડર)
આ યાદીમાં પહેલું મોટું નામ સ્પિન-બોલિંગ ઓલરાઉન્ડર વોશિંગ્ટન સુંદરનું છે. સુંદરને ઇંગ્લેન્ડ સામેની ODI સિરીઝમાં બે મેચ રમવાની તક મળી હતી, પરંતુ તે પોતાની છાપ છોડવામાં સંપૂર્ણપણે નિષ્ફળ રહ્યો. બેટિંગમાં તેણે બંને ઇનિંગ્સમાં અનુક્રમે 52 અણનમ અને માત્ર 02 રન બનાવ્યા હતા. જોકે, બોલિંગમાં તેનું પ્રદર્શન અત્યંત નિરાશાજનક રહ્યું, જ્યાં તે એકપણ વિકેટ લેવામાં સફળ થઈ શક્યો નહીં.
2. શિવમ દુબે (પેસ-બોલિંગ ઓલરાઉન્ડર)
આગળનું નામ પેસ બોલિંગ ઓલરાઉન્ડર શિવમ દુબેનું છે. દુબે મુખ્યત્વે ભારત માટે T20 ક્રિકેટ રમે છે, પરંતુ ઇંગ્લેન્ડ સામે તેને વનડે સિરીઝની બે મેચોમાં તક આપવામાં આવી હતી. એક ઇનિંગમાં તો તે ખાતું ખોલાવ્યા વિના જ પહેલા બોલે આઉટ (ગોલ્ડન ડક) થઈ ગયો હતો. બોલિંગની વાત કરીએ તો, બે ઇનિંગ્સમાં તે માંડ 2 વિકેટ જ લઈ શક્યો હતો. તેનું આ પ્રદર્શન વનડે ટીમમાં તેનું સ્થાન ટકાવી રાખવા માટે પૂરતું નથી.
આ પણ વાંચોઃ ગૌતમ ગંભીર કોચ બનતા જ આ 3 સિનિયર ખેલાડીઓની કારકિર્દી પર લાગી ગયું ગ્રહણ, કમબેક કરવું હવે અશક્ય?
3. ઇશાન કિશન (વિકેટકીપર-બેટ્સમેન)
ડાબા હાથના આક્રમક વિકેટકીપર-બેટ્સમેન ઇશાન કિશનનું નામ પણ ખતરાની યાદીમાં છે. ઇશાન ઇંગ્લેન્ડ સામેની વનડે સિરીઝમાં બે મેચ રમ્યો હતો, પરંતુ તે માત્ર 0.1 અને 14 રન જ બનાવી શક્યો. ઇશાનના આટલા ખરાબ ફોર્મના કારણે ભારતીય ટીમનો મિડલ ઓર્ડર ઘણો નબળો પડી ગયો હતો. ભલે તે ભારત માટે ત્રણેય ફોર્મેટમાં રમતો હોય, પરંતુ વનડેમાં તેનું હાલનું પ્રદર્શન ચિંતાજનક છે.
4. પ્રિન્સ યાદવ (ફાસ્ટ બોલર)
યુવા ફાસ્ટ બોલર પ્રિન્સ યાદવ પાસે ટીમ ઇન્ડિયાને ઘણી મોટી અપેક્ષાઓ હતી. આયર્લેન્ડ અને ઇંગ્લેન્ડ સામેની T20 સિરીઝમાં શાનદાર પ્રદર્શન કરનાર પ્રિન્સ, વનડેમાં ફ્લોપ સાબિત થયો. તેને લોર્ડ્સના ઐતિહાસિક મેદાન પર રમાયેલી અંતિમ અને નિર્ણાયક વનડેમાં તક મળી હતી, પણ તે કંઈ ખાસ ઉકાળી શક્યો નહીં. પ્રિન્સે પોતાની 10 ઓવરના સ્પેલમાં 7.90 ના અત્યંત ખર્ચાળ ઇકોનોમી રેટથી 79 રન લૂંટાવી દીધા અને માત્ર 1 જ વિકેટ મેળવી શક્યો.
આ પણ વાંચોઃ IND vs ZIM: JioStar કે SonyLIV પર નહીં દેખાય મેચ! જાણો ક્યાં જોવા મળશે લાઈવ પ્રસારણ
ટોપ સ્ટોરી
ટ્રેન્ડિંગ સમાચાર
