કોહલીની જગાએ બીજી ટેસ્ટમાં એક પણ ટેસ્ટ નહીં રમેલા આ ખેલાડીને ઉતારવાનો જુગાર, ક્યા મહાન ક્રિકેટરની પુત્રીનો બોયફ્રેન્ડ હોવાની છે ચર્ચા ?

ઓસ્ટ્રેલિયા સામેની બીજી ટેસ્ટ 26 ડીસેમ્બરથી મેલબોર્નમાં રમાશે અને તેમાં વિરાટ કોહલી નથી રમવાનો. કેપ્ટન વિરાટ કોહલીની પત્ની અનુષ્કા જાન્યુઆરીમાં બાળકને જન્મ આપવાની છે તેથી કોહલી ભારત પરત ફરવાનો છે.

(ફાઈલ તસવીર)

મેલબોર્નઃ ભારતીય ક્રિકેટ ટીમ ઓસ્ટ્રેલિયા સામે  પ્રથમ ટેસ્ટમાં કારમી હારનો પછી બીજી ટેસ્ટમાં મોટા પાયે ફેરફારો કરશે એ નક્કી છે. ઓસ્ટ્રેલિયા સામેની બીજી ટેસ્ટ 26 ડીસેમ્બરથી મેલબોર્નમાં રમાશે અને તેમાં વિરાટ કોહલી નથી રમવાનો. કેપ્ટન વિરાટ કોહલીની પત્ની અનુષ્કા જાન્યુઆરીમાં બાળકને જન્મ આપવાની છે તેથી  કોહલી ભારત પરત ફરવાનો છે. કોહલીના સ્થાને ચોથા નંબરે કોને બેટિંગમાં ઉતારવો તેની ચર્ચા જોરશોરથી ચાલી રહી છે ત્યારે શુભમન ગિલને એ તક મળી શકે છે. શુભમન ગિલ હજુ સુધી એક પણ ટેસ્ટ નથી રમ્યો પણ તેના જોરદાર ટેમ્પરામેન્ટ જોતાં 21 વર્ષના શુભમને ટુ ડાઉન એટલે કે નંબર ફોર પર ઉતારાઈ શકાય છે. શુભમન ગિલ ભારત વતી ત્રણ વન ડે ઈન્ટરનેશલ મેચ રમ્યો છે અને તેનો દેખાવ બહુ જોરદાર નથી. ત્રણ વન ડે મેચમાં તેણે કુલ 49 રન કર્યા છે. ન્યુઝીલેન્ડ પ્રવાસમાં તેને તક અપાઈ હતી. ગિલનું સચિન તેંડુલકરની પુત્રી સારા સાથે અફેર હોવાની ચર્ચા ચાલી રહી છે. લાંબા સમયથી ચર્ચા ચાલી રહી છે કે સચિન તેંડુલકરની પુત્રી સારા તેંડુલકર શુભમન ગિલને ડેટ કરી રહી છે. સારા અને શુભમન ગિલના અફેરની ચર્ચાઓ ખૂબ જ જોરશોરથી ચાલી રહી છે.  ગૂગલ પર શુભમન ગિલની પત્નીના નામના સર્ચ કરો તો સારાનું નામ દેખાતું હતું એ હદે બંનેના સંબંધો ચર્ચાસ્પદ બન્યા હતા.