Gandhinagar Fake Ghee Racket : રાજ્યમાં શુદ્ધ ઘીના નામે ભેળસેળના વધુ એક ગોરખધંધાનો થયો પર્દાફાશ

શુદ્ધ ઘીના નામે ભેળસેળના વધુ એક ગોરખધંધાનો થયો પર્દાફાશ.. બાતમીના આધારે ગાંધીનગર રેન્જ આઈજીની ટીમે દહેગામના ગલુદણમાં દરોડા પાડીને શંકાસ્પદ ઘી બનાવતી ફેક્ટરી ઝડપી પાડી.. અંજલી માર્કેટિંગના નામથી ધમધમતી આ ફેક્ટરીમાં પોલીસે દરોડા પાડીને મોટી માત્રામાં શંકાસ્પદ ઘીનો જથ્થો ઝડપી પાડ્યો.. ફેક્ટરીમાં એસન્સ, કલર અને પામઓઈલ મિક્સ કરીને શંકાસ્પદ ઘી બનાવવામાં આવતુ હતુ.. જેને અંજની શુદ્ધ ઘી અને અનુજ શુદ્ધ ઘીના નામે બજારમાં વેચવામાં આવતુ હતુ.. જો કે પોલીસે જ્યારે દરોડા પાડ્યા ત્યારે ફેક્ટરી પર કોઈ વ્યક્તિ હાજર નહોતુ.. ત્યારે હાલ તો પોલીસે મોટી માત્રામાં શંકાસ્પદ ઘી, ઘી ભરવા માટેના ડબ્બા સહિતનો મુદ્દામાલ જપ્ત કર્યો છે.. સાથે જ ફુડ એન્ડ ડ્રગ્સ વિભાગની ટીમને પણ જાણ કરી અત્યાર સુધીમાં આ શંકાસ્પદ ઘીનો કેટલો જથ્થો ક્યા ક્યા વેચવામાં આવ્યો.. શંકાસ્પદ ઘી બનાવવાની ફેક્ટરીના સંચાલક કોણ છે તેની તપાસ હાથ ધરી છે..