IND v AUS પ્રથમ ટેસ્ટઃ 147 બોલ રમ્યા બાદ પુજારાએ ફટકાર્યો પહેલો ચોગ્ગો, જાણો વિગત

ચેતેશ્વર પુજારાએ ધીમી બેટિંગ કરી હતી. તેણે વિકેટ ન પડે તે માટે એક છેડો સાચવી રાખ્યો હતો.

(તસવીર સૌજન્યઃ બીસીસીઆઈ ટ્વિટર)

એડિલેડઃ ભારત-ઓસ્ટ્રેલિયા વચ્ચે ચાર ટેસ્ટ મેચની શ્રેણી પૈકીની પ્રથમ ટેસ્ટ એડિલેડ ઓવલમાં રમાઈ રહી છે. મેચમાં ભારતના કેપ્ટન વિરાટ કોહલીએ ટોસ જીતીને પ્રથમ બેટિંગ કરવાનો નિર્ણય લીધો છે. કોહલીનો આ ફેંસલો ખોટો પડ્યો હતો. પૃથ્વી શો બીજા જ બોલ પર સ્ટાર્કની ઓવરમાં આઉટ થયો હતો. લંચ સુધીમાં ભારતે 25 ઓવરમાં 2 વિકેટ ગુમાવી માત્ર 41 રન જ બનાવ્યા હતા. ચેતેશ્વર પુજારાએ ધીમી બેટિંગ કરી હતી. તેણે વિકેટ ન પડે તે માટે એક છેડો સાચવી રાખ્યો હતો અને 147 બોલ રમ્યા બાદ તેણે પ્રથમ ચોગ્ગો ફટકાર્યો હતો. જે પછીના બોલ પર તેણે ચોગ્ગો ફટકાર્યો હતો. લાયનની ઓવરમાં તેણે સતત બે ચોગ્ગા માર્યા હતા.  પુજારા 160 બોલમાં 43 રન બનાવી લાયનની ઓવરમાં આઉટ થયો હતો. હાલ કોહલી 99 બોલમાં 34 રને રમી રહ્યો છે. ભારતનો સ્કોર 3 વિકેટના નુકસાન પર 100 રન છે. પ્રથમ ઓવરમાં જ વિકેટ પડ્યા બાદ મયંક અગ્રવાલ અને ચેતેશ્વર પુજારાએ ધીરજપૂર્વક બેટિંગ કરી હતી. ભારતે પ્રથમ ચોગ્ગો ફટકારવા માટે 10 ઓવર સુધી રાહ જોવી પડી હતી. 10મી ઓવરના અંતિમ બોલ પર મયંક અગ્રવાલે ચોગ્ગો ફટકાર્યો હતો. ભારતીય ટીમઃ મંયક અગ્રવાલ, પૃથ્વી શૉ, ચેતેશ્વર પુજારા, વિરાટ કોહલી, અજિંક્ય રહાણે, હનુમા વિહારી, રિદ્ધિમાન સાહા, આર.અશ્વિન, ઉમેશ યાદવ, મોહમ્મદ શમી, જસપ્રીત બુમરાહ. ઓસ્ટ્રેલિયાની ટીમઃ જો બર્ન્સ, મેથ્યુ વેડ, માર્નસ લાબુશાને, સ્ટીવ સ્મિથ, ટ્રેવિસ હેડ, કેમરૂન ગ્રીન, ટીમ પેની, પેટ કમિન્સ, મિશેલ સ્ટાર્ક, નાથન લાયન, જોશ હેઝલવુડ ભારત અને ઓસ્ટ્રેલિયા ટેસ્ટ  સીરિઝનું લાઇવ ટેલિકાસ્ટ Sony Ten 1, Sony Six અને Sony Ten 3 પરથી અને લાઇવ સ્ટ્રીમિંગ Jio TV અને Airtel TV એપ પરથી નીહાળી શકાય છે.