હવામાન વિભાગની લેટેસ્ટ આગાહી: 7 દિવસ સતત આ રાજ્યોમાં તૂટી પડશે મુશળધાર વરસાદ

આગામી 14 ઓગસ્ટ સુધી દેશના ઘણા રાજ્યોમાં મેઘરાજા ધબધબાટી બોલાવશે. ઉત્તરથી લઈને દક્ષિણ ભારત સુધી જાણો કયા વિસ્તારમાં ક્યારે પડશે વરસાદ.

heavy rainfall alert weather update india delhi maharashtra uttarakhand

Source : ai

Show Quick Read

Key points generated by AI, verified by newsroom

• ભારતીય હવામાન વિભાગે 14 ઓગસ્ટ સુધી ભારે વરસાદની આગાહી.
• ઉત્તર, મધ્ય ભારતમાં 8 થી 14 ઓગસ્ટ સુધી સારો વરસાદ રહેશે.
• પૂર્વ-ઉત્તરપૂર્વ રાજ્યોમાં 8 થી 14 ઓગસ્ટ દરમિયાન વરસાદ જોવા મળશે.
• ગુજરાત સહિત પશ્ચિમમાં 8-14 ઓગસ્ટ સુધી છૂટોછવાયો વરસાદ, ગાજવીજ.

Heavy Rainfall Alert India: જો તમે આગામી સપ્તાહમાં કોઈ પ્રવાસનું આયોજન કરી રહ્યા છો, તો થોડું સાચવજો! ભારતીય હવામાન વિભાગે દેશના મોટાભાગના વિસ્તારોમાં આગામી 7 દિવસ સુધી એટલે કે 14 ઓગસ્ટ સુધી ભારેથી અતિભારે વરસાદની ચેતવણી જારી કરી છે. ઉત્તર ભારતથી લઈને દક્ષિણ અને પૂર્વથી લઈને પશ્ચિમ સુધી મેઘરાજા મન મૂકીને વરસવાના છે. ખાસ કરીને દિલ્હી, મહારાષ્ટ્ર, ઉત્તરાખંડ, પંજાબ, હરિયાણા અને રાજસ્થાન સહિતના રાજ્યો માટે એલર્ટ આપવામાં આવ્યું છે. તો ચાલો વિગતે જાણીએ કે કયા વિસ્તારમાં કઈ તારીખે વરસાદનું જોર સૌથી વધુ રહેશે.

ઉત્તર ભારતનો માહોલ

જમ્મુ-કાશ્મીર અને લદ્દાખમાં 10 થી 13 ઓગસ્ટ દરમિયાન સારો એવો વરસાદ થવાની શક્યતા છે. જ્યારે પહાડી રાજ્યો હિમાચલ પ્રદેશ અને ઉત્તરાખંડમાં તો 8 થી 14 ઓગસ્ટ સુધી સતત વરસાદનું એલર્ટ આપવામાં આવ્યું છે. દેશની રાજધાની દિલ્હી (NCR), પંજાબ, હરિયાણા અને ચંદીગઢમાં 8 ઓગસ્ટે વરસાદની રમઝટ બોલી શકે છે. આ ઉપરાંત, પૂર્વ ઉત્તર પ્રદેશમાં 10 ઓગસ્ટે અને પૂર્વ રાજસ્થાનમાં 8 થી 13 ઓગસ્ટ સુધી વરસાદ પડવાની પૂરી સંભાવના છે.

મધ્ય ભારતનું હવામાન

મધ્ય પ્રદેશની વાત કરીએ તો, પશ્ચિમ મધ્ય પ્રદેશમાં 9 થી 12 ઓગસ્ટ સુધી વ્યાપક વરસાદ અને 8, 13, 14 ઓગસ્ટે છૂટોછવાયો વરસાદ પડી શકે છે. જ્યારે પૂર્વ મધ્ય પ્રદેશમાં 8 થી 11 ઓગસ્ટ દરમિયાન સારો વરસાદ અને 12 થી 14 ઓગસ્ટે અમુક સ્થળોએ ઝાપટાં પડવાની વકી છે. મહારાષ્ટ્રના વિદર્ભમાં 8 ઓગસ્ટે સારો વરસાદ અને 9 થી 14 ઓગસ્ટ વચ્ચે છૂટોછવાયો વરસાદ રહેશે. છત્તીસગઢમાં 8 થી 10 ઓગસ્ટ સુધી જોરદાર વરસાદ અને 11 ઓગસ્ટે અમુક વિસ્તારોમાં જ વરસાદ જોવા મળશે.

આ પણ વાંચોઃ આવતીકાલનું હવામાન: 12 રાજ્યોમાં ભારે વરસાદ અને તોફાનનું રેડ એલર્ટ! 70 km/h ની ઝડપે ફુંકાશે પવન

પૂર્વ ભારત પર નજર

આંદામાન-નિકોબાર ટાપુઓ, ગંગાના પશ્ચિમ બંગાળ વિસ્તાર, ઝારખંડ, ઓડિશા, હિમાલયને અડીને આવેલા પશ્ચિમ બંગાળ અને સિક્કિમમાં 8 થી 14 ઓગસ્ટ સુધી ક્યાંક હળવો તો ક્યાંક ભારે વરસાદ પડી શકે છે. બિહારમાં 8 થી 12 ઓગસ્ટ સુધી છૂટોછવાયો અને 13-14 ઓગસ્ટે ધોધમાર વરસાદ પડવાની આગાહી છે. આ સાથે જ 8 થી 10 ઓગસ્ટ પશ્ચિમ બંગાળમાં, 8 થી 12 ઓગસ્ટ ઝારખંડ અને ઓડિશામાં તથા 8 થી 14 ઓગસ્ટ સુધી બિહારમાં ભારે પવન ફૂંકાવાની પણ આકરી ચેતવણી આપવામાં આવી છે.

નોર્થ-ઈસ્ટ (ઉત્તર-પૂર્વ) રાજ્યોની સ્થિતિ

અરુણાચલ પ્રદેશમાં 8 થી 11 ઓગસ્ટ વચ્ચે સામાન્ય અને 12 થી 14 ઓગસ્ટ દરમિયાન ભારે વરસાદની આગાહી છે. આસામ અને મેઘાલયમાં 8 થી 9 ઓગસ્ટ અને 12 થી 14 ઓગસ્ટ સુધી જોરદાર વરસાદ પડશે. નાગાલેન્ડ, મણિપુર, મિઝોરમ અને ત્રિપુરામાં 8 થી 14 ઓગસ્ટ સુધી સતત મેઘમહેર રહેશે. વળી, અરુણાચલ પ્રદેશમાં 8 અને 11-12 ઓગસ્ટે, આસામ-મેઘાલયમાં 8 થી 12 ઓગસ્ટે અને નાગાલેન્ડ-મણિપુર-મિઝોરમ-ત્રિપુરામાં 8 થી 10 ઓગસ્ટ દરમિયાન ગાજવીજ અને વીજળી પડવાની પણ વોર્નિંગ અપાઈ છે.

આ પણ વાંચોઃ આવતીકાલનું હવામાનઃ દેશના 19 રાજ્યોમાં મુસળધાર વરસાદની ભીતિ, જુઓ IMD નું એલર્ટ

પશ્ચિમ ભારત (ગુજરાત અને મહારાષ્ટ્ર)

કોંકણ અને ગોવામાં 8 થી 14 ઓગસ્ટ દરમિયાન સારો એવો વરસાદ પડશે. જ્યારે આપણા ગુજરાત, મધ્ય મહારાષ્ટ્ર, મરાઠવાડા અને સૌરાષ્ટ્ર-કચ્છમાં 8 થી 14 ઓગસ્ટ વચ્ચે છૂટાછવાયા સ્થળોએ જ વરસાદની સંભાવના છે. જોકે, મધ્ય મહારાષ્ટ્ર અને મરાઠવાડામાં 8 થી 9 ઓગસ્ટે તથા ગુજરાતમાં 8 થી 10 ઓગસ્ટ દરમિયાન ગાજવીજ અને વીજળીના કડાકા-ભડાકા થવાની શક્યતા છે, તેથી ઘરની બહાર નીકળતા પૂરતી સાવચેતી રાખવી હિતાવહ છે.