IND vs WI: Team India વિરુદ્ધ મળેલી હાર બાદ વેસ્ટ ઇન્ડિઝના નામે નોંધાયો આ શરમજનક રેકોર્ડ

ભારતે સીરિઝની ત્રીજી અને છેલ્લી વન-ડેમાં વેસ્ટ ઈન્ડિઝને હરાવીને સીરિઝ 3-0થી કબજે કરી છે

ફોટોઃ ટ્વિટર

ભારત vs India vs West Indies, 3rd ODI: ભારતે સીરિઝની ત્રીજી અને છેલ્લી વન-ડેમાં વેસ્ટ ઈન્ડિઝને હરાવીને સીરિઝ 3-0થી કબજે કરી છે. વેસ્ટ ઈન્ડિઝમાં ટીમ ઈન્ડિયા માટે આ મોટી જીત હતી. આ હાર સાથે વેસ્ટ ઈન્ડિઝના નામે એક શરમજનક રેકોર્ડ બની ગયો છે. વેસ્ટ ઈન્ડિઝ વનડેમાં સતત 9 મેચ હારી છે અને આ તેની સતત બીજી સૌથી વધુ મેચમાં હાર છે. આ પહેલા ટીમ વર્ષ 2005માં સતત 11 વખત હારી હતી.

𝗧𝗵𝗮𝘁 𝗪𝗶𝗻𝗻𝗶𝗻𝗴 𝗙𝗲𝗲𝗹𝗶𝗻𝗴! 🏆

Congratulations #TeamIndia on winning the #WIvIND ODI series! 👏 👏

Over to T20Is now! 👍 👍 pic.twitter.com/kpMx015pG1

— BCCI (@BCCI) July 27, 2022

ત્રિનિદાદમાં રમાયેલી ત્રીજી વન-ડેમાં ભારતે પ્રથમ બેટિંગ કરતા 225 રન બનાવ્યા હતા. જવાબમાં વેસ્ટ ઈન્ડિઝની ટીમ 26 ઓવરમાં 137 રન જ બનાવી શકી હતી. ટીમ ઈન્ડિયાએ આ મેચ ડકવર્થ લુઈસના નિયમ અનુસાર 119 રને જીતી હતી. વેસ્ટ ઈન્ડિઝની આ સતત 9મી વન-ડે  હાર હતી. આ પહેલા વર્ષ 2005માં તેને 11 મેચમાં હારનો સામનો કરવો પડ્યો હતો. જ્યારે 1999 થી 2000 વચ્ચે તેને સતત 8 મેચમાં હારનો સામનો કરવો પડ્યો હતો.

વેસ્ટ ઇન્ડિઝ સતત સૌથી વધુ વન-ડેમાં હાર

ફેબ્રુઆરી-ઓગસ્ટ 2005 વચ્ચે 11 મેચમાં હાર

જૂન-જૂલાઇ 2022 વચ્ચે નવ મેચમાં હાર

ઓક્ટોબર 1999-જાન્યુઆરી 2000 વચ્ચે આઠ મેચમાં હાર

જૂલાઇ 2009-ફેબ્રુઆરી 2010 વચ્ચે આઠ મેચમાં હાર