WTC Final પહેલા બંને કેપ્ટને કહી પોતાની વાત, જાણો ટીમ ઈન્ડિયાના કેપ્ટન રોહિત શર્માએ શું કહ્યું ?

વર્લ્ડ ટેસ્ટ ચેમ્પિયનશિપની ફાઇનલ મેચ ભારત અને ઓસ્ટ્રેલિયા વચ્ચે રમાશે. બંને ટીમો વચ્ચે વર્લ્ડ ટેસ્ટ ચેમ્પિયનશિપની અંતિમ મેચ 7 જૂનથી ઓવલ મેદાન પર રમાશે.

તસવીર સોશિયલ મીડિયા

Rohit Sharma On IND vs AUS: વર્લ્ડ ટેસ્ટ ચેમ્પિયનશિપની ફાઇનલ મેચ ભારત અને ઓસ્ટ્રેલિયા વચ્ચે રમાશે. બંને ટીમો વચ્ચે વર્લ્ડ ટેસ્ટ ચેમ્પિયનશિપની અંતિમ મેચ 7 જૂનથી ઓવલ મેદાન પર રમાશે. બંને ટીમ આ મેચ માટે તૈયાર છે. હવે ભારતીય ટીમના કેપ્ટન રોહિત શર્માએ વર્લ્ડ ટેસ્ટ ચેમ્પિયનશિપ ફાઈનલ પહેલા વાત કરી છે. રોહિત શર્માએ કહ્યું કે ઈંગ્લેન્ડમાં બેટિંગ આસાન રહી નથી. તેણે કહ્યું કે એક બેટ્સમેન તરીકે હું કહી શકું છું કે તમે ક્યારેય હળવા મૂડમાં નહીં જઈ શકો.

ઈંગ્લેન્ડમાં બેટિંગ સરળ નથી - રોહિત શર્મા

ભારતીય ટીમના કેપ્ટન રોહિત શર્માએ વધુમાં કહ્યું કે મારું માનવું છે કે તમારે હંમેશા ક્રિઝ પર ધ્યાન કેન્દ્રિત કરવું પડશે. જો તમે તમારું ધ્યાન ગુમાવો છો તો તમારી સમસ્યાઓ વધી શકે છે.  રોહિત શર્મા ઓસ્ટ્રેલિયા સામેની વર્લ્ડ ટેસ્ટ ચેમ્પિયનશિપની ફાઇનલ મેચ પહેલા પોતાની વાત સામે રાખી રહ્યો હતો.   આ સિવાય ટીમ ઈન્ડિયાના કેપ્ટને જણાવ્યું   કે એક બેટ્સમેન તરીકે ઈંગ્લેન્ડની પીચો પર રમવામાં શું-શું મુશ્કેલીઓ આવે છે. જો કે તેણે કહ્યું કે અમારી ટીમ આ પડકાર માટે તૈયાર છે.

શું ટીમ ઈન્ડિયા આ વખતે વર્લ્ડ ટેસ્ટ ચેમ્પિયનશિપ જીતી શકશે ?

ઉલ્લેખનીય છે કે વર્લ્ડ ટેસ્ટ ચેમ્પિયનશિપની ફાઇનલમાં ટીમ ઈન્ડિયા સામે કાંગારુઓનો સામનો થશે. બંને ટીમો 7મી જૂનથી ઓવલના મેદાન પર આમને-સામને થશે. ભારતીય ટીમ સતત બીજી વખત વર્લ્ડ ટેસ્ટ ચેમ્પિયનશિપની ફાઇનલમાં પહોંચી છે. જો કે આ પહેલા ટીમ ઈન્ડિયાને વર્લ્ડ ટેસ્ટ ચેમ્પિયનશિપની ફાઇનલમાં ન્યૂઝીલેન્ડ સામે હારનો સામનો કરવો પડ્યો હતો, પરંતુ આ વખતે ભારતીય ચાહકોને આશા છે કે રોહિત શર્માની આગેવાનીમાં ભારતીય ટીમ ચોક્કસપણે વર્લ્ડ ટેસ્ટ ચેમ્પિયનશિપની ફાઇનલમાં જીત મેળવવામાં સફળ થશે. 

ફાઇનલ પહેલા ઓસ્ટ્રેલિયાને તગડો ઝટકો

આઇસીસી વર્લ્ડ ટેસ્ટ ચેમ્પીયનશીપની ફાઇનલ મેચ આગામી 6 જૂનથી શરૂ થઇ રહી છે, પરંતુ આ પહેલા એક મોટુ અપડેટ સામે આવ્યુ છે. ભારત અને ઓસ્ટ્રેલિયા વચ્ચે વર્લ્ડ ટેસ્ટ ચેમ્પિયનશિપની ફાઇનલ મેચ લંડનમાં રમાશે. આ મેચ પહેલા ઓસ્ટ્રેલિયાને મોટો ઝટકો લાગ્યો છે. ટીમનો ફાસ્ટ બૉલર જૉશ હેઝલવુડ આ ફાઇનલ મેચમાંથી બહાર થઇ ગયો છે. ઈજાના કારણે તે પરેશાન છે. આઈસીસીએ આ સમાચાર પોતાની વેબસાઈટ પર શેર કર્યા છે. હેઝલવુડની જગ્યાએ માઈકલ નેસરને ઓસ્ટ્રેલિયન ટીમમાં સામેલ કરવામાં આવ્યો છે. નેસરે ઓસ્ટ્રેલિયા માટે બે ટેસ્ટ અને બે વનડે રમી છે.

ખરેખરમાં, જૉશ હેઝલવુડ IPL 2023 દરમિયાન ઇજાગ્રસ્ત થયો હતો. તે રૉયલ ચેલેન્જર્સ બેંગ્લૉરની ટીમ તરફથી રમી રહ્યો હતો. હેઝલવૂડ હવે કોઈપણ પ્રકારનું જોખમ લેવા માંગતો નથી. આ કારણે ભારત સામે ફાઇનલમાં નહીં રમે. હેઝલવુડ ઓસ્ટ્રેલિયન ટીમના સર્વશ્રેષ્ઠ બૉલરોના લિસ્ટમાં સામેલ છે. ફાઇનલ ના રમવાથી ટીમને મોટુ નુકસાન પણ થઈ શકે છે. હેઝલવુડના બહાર થયા બાદ નેસરને ટીમમાં સામેલ કરવાનો નિર્ણય લેવામાં આવ્યો છે.