IPL 2020: દિલ્હીએ પજાબને જીતવા આપ્યો 165 રનનો ટાર્ગેટ, શિખર ધવનના અણનમ 106 રન

મેચમાં દિલ્હીએ ટોસ જીતીને પ્રથમ બેટિંગનો ફેંસલો કર્યો હતો.

(તસવીર સૌજન્યઃ IPL ટ્વિટર)

નવી દિલ્હીઃ ઈન્ડિયન પ્રીમિયર લીગમાં આજે 35મો મુકાબલો દિલ્હી કેપિટલ્સ અને કિંગ્સ ઇલેવન પંજાબ વચ્ચે રમાઈ રહ્યો છે. મેચમાં દિલ્હીએ ટોસ જીતીને પ્રથમ બેટિંગનો ફેંસલો કર્યો હતો. દિલ્હીએ 20 ઓવરમાં 5 વિકેટના નુકસાન પર 164 રન બનાવ્યા હતા.  દિલ્હી તરફથી શિખર ધવન 61 બોલમાં 12 ચોગ્ગા અને 3 છગ્ગા વડે 106 રન બનાવી નોટ આઉટ રહ્યો હતો. પૃથ્વી શૉએ 7 રન, શ્રેયસ ઐયર અને રિષભ પંતે 14-14 તથા સ્ટોયનિસે 9 રન બનાવ્યા હતા. પંજાબ તરફથી મેક્સવેલ, અશ્વિન અને નીશમે 1-1 વિકેટ લીધી હતી. શમીને 2 સફળતા મળી હતી.

 દિલ્હીની આજની ટીમ: પૃથ્વી શો, શિખર ધવન, શ્રેયસ ઐયર (કપ્તાન), ઋષભ પંત, શિમરોન હેટમાયર, ડેનિયલ સેમ્સ, માર્કસ સ્ટોઈનિસ, અક્ષર પટેલ, રવિચંદ્રન અશ્વિન, તુષાર દેશપાંડે, કગીસો રબાડા  પંજાબની આજની ટીમ: લોકેશ રાહુલ (કપ્તાન/વિકેટકીપર), મયંક અગ્રવાલ, ક્રિસ ગેલ, નિકોલસ પૂરન, ગ્લેન મેક્સવેલ, દિપક હુડા, એમ. અશ્વિન, જેમ્સ નીશમ, મોહમ્મદ શમી, રવિ બિશ્નોઇ અને અર્શદીપ સિંહ