DC vs RR: દિલ્હીએ રાજસ્થાન રોયલ્સને 33 રને આપી હાર, સંજૂ સેમસનની કેપ્ટન ઈનિંગ ન લાગી કામ
દિલ્હી કેપિટલ્સ (Delhi Capitals) અને રાજસ્થાન રોયલ્સ (Rajasthan Royals) વચ્ચે અબુ ધાબી (Abu Dhabi) માં મુકાબલો હતો. આ મેચમાં દિલ્હીએ રાજસ્થાનને 33 રને હાર આપી છે.
દિલ્હી કેપિટલ્સ (Delhi Capitals) અને રાજસ્થાન રોયલ્સ (Rajasthan Royals) વચ્ચે અબુ ધાબી (Abu Dhabi) માં મુકાબલો હતો. આ મેચમાં દિલ્હીએ રાજસ્થાનને 33 રને હાર આપી છે.
રાજસ્થાને ટોસ જીતી પહેલા બોલિંગ પસંદ કરી હતી. દિલ્હીએ 20 ઓવરમાં 6 વિકેટના નુકસાન પર 154 રન કર્યા હતા. રાજસ્થાનની ટીમ 20 ઓવરમાં 6 વિકેટ ગુમાવી 121 રન બનાવી શકી હતી. કેપ્ટન સંજૂ સેમસને શાનદાર ઈનિંગ રમી હતી. સેમસને 53 બોલમાં 70 રન ફટકાર્યા હતા.
દિલ્હીએ રાજસ્થાનને 33 રને હરાવ્યું. આ સાથે તે પોઈન્ટ ટેબલમાં પ્રથમ સ્થાને પહોંચી ગઈ છે. આ જીત બાદ તેને 16 પોઈન્ટ મળ્યા છે અને પ્લેઓફમાં જવું લગભગ નિશ્ચિત છે. રાજસ્થાન તરફથી કેપ્ટન સંજુ સેમસને સૌથી વધુ અણનમ 70 રન બનાવ્યા હતા. રાજસ્થાનની ટીમ 20 ઓવરમાં 6 વિકેટ ગુમાવીને માત્ર 121 રન બનાવી શકી હતી.
દિલ્હીની કેવી રહી ઈનિંગ
ટોસ હાર્યા બાદ પ્રથમ બેટિંગ કરવા ઉતરેલી દિલ્હીની નબળી શરૂઆત રહી હતી, 21 રન સુધીમાં બંને ઓપનર્સ શિખર ધવન (8 રન) અને પૃથ્વી શૉ (10 રન)ની વિકેટ ગુમાવી હતી. જે બાદ કેપ્ટન પંત (24 રન) અને શ્રેયસ ઐયર (43 રન)ની જોડીએ ત્રીજી વિકેટ માટે 62 રનની ભાગીદારી કરી હતી. હેટમાયરે 28 રનનું યોગદાન આપ્યું હતું.
રાજસ્થાન રોયલ્સ તરફથી મુસ્તાફિઝુર રહેમાને 22 રનમાં 2 તથા ચેતન સાકરિયાએ 33 રનમાં 2 વિકેટ ઝડપી હતી. કાર્તિક ત્યાગી અને રાહુલ તેવટિયાને 1-1 સફળતા મળી હતી.
બંને ટીમ આ પ્રમાણે છે
રાજસ્થાન રોયલ્સઃ યશસ્વી જયસ્વાલ, ડેવિડ મિલર, સંજૂ સેમસન, લિયામ લિવિંગસ્ટોન, મહિપાલ લોમરોર, રિયાન પરાગ, રાહુલ તેવટિયા, તબરેઝ શમ્સી, મુસ્તફિઝુર રહેમાન, ચેતન સાકરિયા, કાર્તિક ત્યાગી
દિલ્હી કેપિટલ્સઃ પૃથ્વી શો, શિખર ધવન,શ્રેયસ ઐયર રિષભ પંત, લલિત યાદવ, શિમરોન હેટમાયર, અક્ષર પટેલ, રવિચંદ્રન અશ્વિન, કગિસો રબાડા, એનરિક નોર્ત્યા, આવેશ ખાન
હાલ કોણે છે પોઈન્ટ ટેબલમાં ટોચ પર
આજની મેચ પહેલા CSK ટુર્નામેન્ટમાં શ્રેષ્ઠ નેટ રન રેટને કારણે પોઇન્ટ ટેબલમાં ટોચ પર છે. 14 પોઇન્ટ સાથે દિલ્હી કેપિટલ્સની ટીમ બીજા સ્થાને છે. આરસીબી હાલમાં 10 પોઇન્ટ સાથે પોઈન્ટ ટેબલમાં ત્રીજા સ્થાને છે. પરંતુ આરસીબીનો નેટ રન રેટ સૌથી ખરાબ છે. જો KKR અને રાજસ્થાન પોતાની આગામી મેચ જીતવામાં સફળ રહે તો RCB ને ટોપ 4 માંથી બહાર થવું પડશે. KKR ની ટીમ 8 પોઈન્ટ સાથે ચોથા સ્થાને છે. રાજસ્થાન રોયલ્સ પણ 8 પોઇન્ટ સાથે પાંચમા સ્થાને છે. મુંબઈ ઈન્ડિયન્સના પણ 8 પોઈન્ટ છે પરંતુ કેકેઆર અને રાજસ્થાન તરફથી નબળા નેટ રેટને કારણે તેઓ છઠ્ઠા સ્થાને છે. કિંગ્સ ઇલેવન પંજાબ 6 પોઇન્ટ સાથે સાતમા અને સનરાઇઝર્સ હૈદરાબાદ બે પોઇન્ટ સાથે ટેબલમાં છેલ્લા સ્થાને છે.
ટોપ સ્ટોરી
ટ્રેન્ડિંગ સમાચાર
