IPL 2024 RR vs LSG: રાજસ્થાને લખનૌને 20 રને હરાવી જીત સાથે કરી આઈપીએલની શરુઆત
IPL 2024 RR vs LSG LIVE Score Updates: જયપુરમાં રાજસ્થાન રોયલ્સ અને લખનૌ સુપર જાયન્ટ્સ વચ્ચે મેચ રમાશે. આ મેચ સંબંધિત લાઇવ અપડેટ્સ અહીં વાંચો.
Background
IPL 2024 RR vs LSG LIVE Score Updates: IPL 2024 ની ચોથી મેચ રાજસ્થાન રોયલ્સ અને લખનૌ સુપર જાયન્ટ્સ વચ્ચે રમાશે. આ મેચ જયપુરમાં રમાશે. સંજુ સેમસનની કેપ્ટનશીપવાળી રાજસ્થાનની ટીમ ઘણી મજબૂત છે. તેની પાસે યશસ્વી જયસ્વાલ અને જોસ બટલર જેવા ખેલાડીઓ છે. લખનૌ પણ પૂરી તાકાત સાથે સ્પર્ધા કરવા તૈયાર છે. રાજસ્થાન આ મેચની પ્લેઈંગ ઈલેવન માટે યશસ્વીની સાથે શિમરોન હેટમાયરને પણ તક આપી શકે છે.
રાજસ્થાને લખનૌને 20 રને હરાવ્યું
રાજસ્થાન રોયલ્સ અને લખનૌ સુપર જાયન્ટ્સ વચ્ચેની મેચ 24 માર્ચે જયપુરના સવાઈ માનસિંહ સ્ટેડિયમમાં રમાઈ હતી. પહેલા બેટિંગ કરતા રાજસ્થાન રોયલ્સે 20 ઓવરમાં 193 રન બનાવ્યા હતા. ટાર્ગેટનો પીછો કરવા ઉતરેલી લખનૌની ટીમે શરૂઆતમાં વધુ વિકેટ ગુમાવી હતી, જેના કારણે તે માત્ર 173 રન બનાવી શકી હતી. મેચમાં સંજુ સેમસને 52 બોલમાં 82 રનની ઇનિંગ રમી હતી, જેમાં તેણે 3 ફોર અને 6 સિક્સર ફટકારી હતી. રિયાન પરાગ પણ મેચનો હીરો રહ્યો હતો જેણે 29 બોલમાં 43 રન બનાવ્યા હતા. કેએલ રાહુલ અને નિકોલસ પૂરન વચ્ચે 85 રનની ભાગીદારીએ મેચને રોમાંચક બનાવી દીધી હતી. કેએલ રાહુલે 44 બોલમાં 58 રન અને નિકોલસ પુરને 41 બોલમાં 64 રન બનાવ્યા હતા. પુરન અંત સુધી ક્રિઝ પર રહ્યો, પરંતુ સંદીપ શર્મા અને આવેશ ખાનની ધારદાર બોલિંગે રાજસ્થાનનો વિજય સુનિશ્ચિત કર્યો. આ મેચમાં રાજસ્થાને લખનૌને 20 રને હરાવ્યું છે.
ટ્રેન્ટ બોલ્ટની ઓવરમાં 20 રન આવ્યા
13 ઓવર પછી લખનૌનો સ્કોર 4 વિકેટે 122 રન છે. નિકોલસ પૂરને ટ્રેન્ટ બોલ્ટની ઓવરમાં 1 ફોર અને 2 સિક્સર ફટકારી હતી. રાહુલ 33 બોલમાં 47 રન બનાવીને રમી રહ્યો છે. પુરનનો સ્કોર 19 બોલમાં 34 રન છે.
ટોપ સ્ટોરી
ટ્રેન્ડિંગ સમાચાર
