IND-W vs AUS-W: સેમીફાઈનલમાં જેમિમા રોડ્રિગ્સની ધમાકેદાર સદી, આ કારનામું કરનારી બીજી ખેલાડી બની
ભારત તરફથી જેમિમા રોડ્રિગ્સે શાનદાર બેટિંગ કરીને સદી ફટકારી હતી. આ તેની ત્રીજી ODI સદી છે.
ભારત અને ઓસ્ટ્રેલિયા વચ્ચે મહિલા ODI વર્લ્ડ કપ 2025 ની બીજી સેમિફાઇનલ રમાઈ રહી છે. DY પાટિલ સ્ટેડિયમ ખાતે રમાયેલી આ મેચમાં, ભારત તરફથી જેમિમા રોડ્રિગ્સે શાનદાર બેટિંગ કરીને સદી ફટકારી હતી. આ તેની ત્રીજી ODI સદી છે. જેમીમાએ આ વર્લ્ડ કપમાં અત્યાર સુધી અસાધારણ રીતે સારી બેટિંગ કરી છે. તેણે અગાઉ ન્યુઝીલેન્ડ સામેની મેચમાં શાનદાર અડધી સદી ફટકારી હતી. આ મેચમાં જેમીમાએ 115 બોલમાં પોતાની સદી પૂરી કરી હતી.
જેમીમા રોડ્રિગ્સ આ સિદ્ધિ મેળવનારી બીજી બેટ્સમેન બની
જેમીમા રોડ્રિગ્સ મહિલા ODI વર્લ્ડ કપની સેમિફાઇનલમાં સદી ફટકારનારી બીજી ભારતીય બની છે. હરમનપ્રીત કૌરે અગાઉ ભારત માટે આ સિદ્ધિ હાંસલ કરી હતી. તેણે 2017 ની સેમિફાઇનલમાં ઓસ્ટ્રેલિયા સામે અણનમ 171 રન બનાવ્યા હતા. આ સાથે તે મહિલા ODI વર્લ્ડ કપ નોકઆઉટમાં ત્રીજા નંબર પર બેટિંગ કરતી વખતે સદી ફટકારનારી બીજી બેટ્સમેન બની છે.
𝙅𝙚𝙢 of a knock 💯
— BCCI Women (@BCCIWomen) October 30, 2025
3️⃣rd ODI HUNDRED for Jemimah Rodrigues 🔥
She continues to fight for #TeamIndia 🫡
Updates ▶ https://t.co/ou9H5gN60l#WomenInBlue | #CWC25 | #INDvAUS | @JemiRodrigues pic.twitter.com/3QweHnijcg
જેમીમા રોડ્રિગ્સે હરમનપ્રીત કૌર સાથે શાનદાર ભાગીદારી બનાવી
આ મેચમાં ત્રીજા નંબરે જેમીમા રોડ્રિગ્સ બેટિંગમાં આવી હતી. શેફાલી વર્માના આઉટ થયા પછી તે ક્રીઝ પર આવી હતી. તેણે પહેલા હરમનપ્રીત કૌર સાથે ત્રીજી વિકેટ માટે 167 રનની ભાગીદારી કરી હતી. આ મેચમાં હરમનપ્રીત કૌર પાસે પણ સદી પૂરી કરવાની તક હતી, પરંતુ તે એનાબેલ સધરલેન્ડની બોલિંગમાં એશ્લે ગાર્ડનરના હાથે કેચ આઉટ થઈ ગઈ હતી.
ટોસ જીતીને પહેલા બેટિંગ કરવાનો નિર્ણય લેનાર ઓસ્ટ્રેલિયાની શરૂઆત સારી નહોતી. કેપ્ટન એલિસા હીલી ફક્ત પાંચ રન બનાવીને આઉટ થઈ ગઈ. જોકે, ફોબી લિચફિલ્ડે ત્યારબાદ ભારતીય બોલરો પર રીતસરની તૂટી પડી. પહેલી વિકેટ 25 રન પર પડી, પરંતુ ફોબી લિચફિલ્ડ અને એલિસ પેરીએ ત્યારબાદ 175 રનની ભાગીદારી નોંધાવી. ફોબી લિચફિલ્ડે 93 બોલમાં 119 રનની શાનદાર ઇનિંગ રમી, જેમાં 17 ચોગ્ગા અને ત્રણ છગ્ગાનો સમાવેશ થાય છે. એલિસ પેરીએ 88 બોલમાં 77 રન બનાવ્યા, જેમાં છ ચોગ્ગા અને બે છગ્ગાનો સમાવેશ થાય છે.
ભારતીય બોલરોએ અંતિમ ઓવરોમાં સતત વિકેટ લીધી
ફોબી લિચફિલ્ડ અને એલિસ પેરીના આઉટ થયા પછી, એશ્લે ગાર્ડનરે માત્ર 45 બોલમાં 63 રનની ધમાકેદાર ઇનિંગ રમી, જેમાં ચાર ચોગ્ગા અને ચાર છગ્ગાનો સમાવેશ થાય છે. બીજા છેડે કોઈ પણ બેટ્સમેન ટકી શક્યો નહીં. બેથ મૂની 24 રન બનાવીને, એનાબેલ સધરલેન્ડ 03 રન બનાવીને, તાહલિયા મેકગ્રા 12 રન બનાવીને અને કિમ ગાર્થ 17 રન બનાવીને આઉટ થઈ.
ટોપ સ્ટોરી
ટ્રેન્ડિંગ સમાચાર
