KKR vs SRH Final: કોલાકાતાને ચેમ્પિયન બનાવી શકે છે ગંભીરનો આ 'દાવ', હૈદરાબાદ જોતું જ રહી જશે!

IPL 2024 Final: ગૌતમ ગંભીરે આ સિઝનમાં કોલકાતા નાઇટ રાઇડર્સ માટે ખૂબ જ મહત્વપૂર્ણ ભૂમિકા ભજવી છે. તેની વ્યૂહરચના ફાઇનલમાં પણ ટીમ માટે કમાલ કરી શકે છે.

( Image Source : PTI ) ( Image Source :PTI )

IPL 2024 Final SRH vs KKR: કોલકાતા નાઇટ રાઇડર્સે IPL 2024માં શાનદાર પ્રદર્શન કર્યું. KKR આ સિઝનમાં પ્લેઓફમાં પહોંચનારી પ્રથમ ટીમ બની છે. આ સાથે તેણે પ્રથમ ક્વોલિફાયર જીતીને ફાઇનલમાં જગ્યા બનાવી લીધી હતી. હવે ફાઈનલ મેચમાં KKRનો મુકાબલો સનરાઈઝર્સ હૈદરાબાદ સાથે થશે. કેકેઆરની જીતમાં ગૌતમ ગંભીરની મહત્વની ભૂમિકા રહી છે. તેની એક ફોર્મ્યુલા ટીમ માટે ઘણી મદદગાર રહી છે. ગંભીરની આ ફોર્મ્યુલા ફાઇનલમાં પણ કમાલ કરી શકે છે.

 

Two Captains. One Trophy 🏆

..And an eventful Chennai evening 🛺🏖️

All eyes on the #Final 😎#TATAIPL | #KKRvSRH | #TheFinalCall pic.twitter.com/5i0nfuWTGN

— IndianPremierLeague (@IPL) May 25, 2024

KKRએ આ સિઝનમાં સુનીલ નરેનને ઓપનિંગ કરવાની તક આપી

કોલકાતાની રણનીતિમાં ગંભીરની મહત્વની ભૂમિકા છે. KKRએ આ સિઝનમાં સુનીલ નરેનને ઓપનિંગ કરવાની તક આપી અને ટીમને તેનો ઘણો ફાયદો થયો. સુનીલે ઘણી મેચોમાં વિસ્ફોટક બેટિંગ કરી અને ટીમની જીતમાં ભૂમિકા ભજવી. ગંભીરના કારણે નરેનને ઓપનિંગ કરવાની તક મળી. ગંભીરની આ ફોર્મ્યુલા હિટ રહી હતી. સુનીલે 13 મેચમાં 482 રન બનાવ્યા હતા. આ દરમિયાન તેણે 1 સદી અને 3 અડધી સદી ફટકારી હતી. આ સાથે 16 વિકેટ પણ લીધી હતી.

કોલકાતાએ લીગ મેચમાં હૈદરાબાદને હરાવ્યું હતું. તેણે આ મેચ 4 રને જીતી લીધી હતી. આ પછી તેણે પ્લેઓફમાં પણ હૈદરાબાદને હરાવ્યું હતું. KKR એ પ્રથમ ક્વોલિફાયર 8 વિકેટે જીતી લીધી હતી. આ હાર બાદ હૈદરાબાદની ટીમ બીજા ક્વોલિફાયરમાં પહોંચી ગઈ હતી. અહીં તેણે રાજસ્થાનને હરાવીને ફાઇનલમાં જગ્યા બનાવી લીધી છે અને હવે ફાઇનલ મેચ હૈદરાબાદ અને કોલકાતા વચ્ચે રમાશે.

સુનીલ નરેને આ સિઝનમાં KKR માટે સૌથી વધુ રન બનાવ્યા છે

તમને જણાવી દઈએ કે સુનીલ નરેને આ સિઝનમાં KKR માટે સૌથી વધુ રન બનાવ્યા છે. તેણે 482 રન બનાવ્યા છે. ફિલિપ સોલ્ટે પણ સારું પ્રદર્શન કર્યું છે. સોલ્ટે 12 મેચમાં 435 રન બનાવ્યા છે. તેણે 4 અડધી સદી ફટકારી છે. આ સિઝનમાં સૌથી વધુ રન બનાવનાર ખેલાડીઓની યાદી પર નજર કરીએ તો વિરાટ કોહલી ટોપ પર છે. કોહલીએ 15 મેચમાં 741 રન બનાવ્યા છે. તેણે 1 સદી અને 5 અડધી સદી ફટકારી છે.

Join Our Official Telegram Channel: https://t.me/abpasmitaofficial