IND vs NZ: ન્યૂઝીલેન્ડ સામે સૂર્યકુમારે ફટકારી તોફાની સદી, સચિન-કોહલીએ આપ્યું રસપ્રદ રિએક્શન

ભારતીય ટીમના સ્ટાર બેટ્સમેન સૂર્યકુમાર યાદવે ન્યૂઝીલેન્ડ સામે રમાયેલી મેચમાં શાનદાર સદી ફટકારી હતી

ફોટોઃ BCCI

IND vs NZ Suryakumar Yadav: ભારતીય ટીમના સ્ટાર બેટ્સમેન સૂર્યકુમાર યાદવે ન્યૂઝીલેન્ડ સામે રમાયેલી મેચમાં શાનદાર સદી ફટકારી હતી. સૂર્યકુમાર યાદવે 51 બોલમાં 217.65ના સ્ટ્રાઈક રેટથી તોફાની ઈનિંગ્સ રમીને 111 રન બનાવ્યા હતા. સૂર્યકુમારની ઇનિંગમાં 11 ચોગ્ગા અને 4 છગ્ગાનો સમાવેશ થાય છે. સૂર્યાની આ ઈનિંગ જોઈને બધા દંગ રહી ગયા. તેની ઇનિંગની મદદથી ટીમ ઇન્ડિયા પ્રથમ બેટિંગ કરતા 6 વિકેટના નુકસાન પર 191 રન બનાવી શકી હતી. વિરાટ કોહલી અને સચિન તેંડુલકરે સૂર્યકુમારની ઈનિંગ પર રસપ્રદ પ્રતિક્રિયા આપી હતી.

Numero Uno showing why he's the best in the world. Didn't watch it live but I'm sure this was another video game innings by him. 😂 @surya_14kumar

— Virat Kohli (@imVkohli) November 20, 2022

સચિન-વિરાટે આપી આવી પ્રતિક્રિયા

પૂર્વ ભારતીય બેટ્સમેન સચિન તેંડુલકર અને વિરાટ કોહલીએ સૂર્યાની ઈનિંગ પર રસપ્રદ પ્રતિક્રિયા આપી હતી. વિરાટે સૂર્યકુમારની ઇનિંગ્સને એક વીડિયો ગેમ ગણાવી હતી. તેણે ટ્વીટ કરીને લખ્યું હતું કે નંબર વન યુનો દર્શાવે છે કે તે વિશ્વમાં શા માટે શ્રેષ્ઠ છે. મેં તેને લાઈવ જોયું નથી પરંતુ મને ખાતરી છે કે તે તેની બીજી વિડિયો ગેમ ઈનિંગ્સ હતી. વિરાટની આ અનોખી પ્રતિક્રિયા બધાને પસંદ આવી રહી છે.

The night sky has been lit up by Surya! 🔥

What a blinder @surya_14kumar! #INDvsNZ pic.twitter.com/bt7IHCBofs

— Sachin Tendulkar (@sachin_rt) November 20, 2022

જ્યારે અનુભવી સચિન તેંડુલકરે પણ સૂર્યાની ઈનિંગ્સ વિશે ટ્વિટ કરીને લખ્યું હતું કે રાતનું આકાશ સૂર્યાથી પ્રકાશિત થઈ ગયું છે. સૂર્યકુમાર યાદવનું કેટલું શાનદાર પ્રદર્શન!” સૂર્યા હાલમાં T20 ઈન્ટરનેશનલમાં નંબર વન બેટ્સમેન છે. આ પહેલા T20 વર્લ્ડ કપમાં પણ સૂર્યા શાનદાર લયમાં જોવા મળ્યો હતો.

ટીમ ઈન્ડિયાએ મેચ જીતી લીધી હતી

ટોસ હારીને પ્રથમ બેટિંગ કરવા ઉતરેલી ટીમ ઈન્ડિયાએ 20 ઓવરમાં 6 વિકેટ ગુમાવીને 191 રન બનાવ્યા હતા. રનનો પીછો કરવા ઉતરેલી ન્યૂઝીલેન્ડની ટીમ 18.5 ઓવરમાં 126 રનમાં સમેટાઈ ગઈ હતી.

આ મેચમાં ભારતીય બોલરો શાનદાર લયમાં જોવા મળ્યા હતા. ઓલરાઉન્ડર દીપક હુડ્ડાએ 2.5 ઓવરમાં 10 રન આપીને 4 વિકેટ લીધી હતી. આ સિવાય યુઝવેન્દ્ર ચહલ અને મોહમ્મદ સિરાજે 2-2 વિકેટ લીધી હતી. આ સાથે જ ભુવનેશ્વર કુમાર અને વોશિંગ્ટન સુંદરે 1-1થી સફળતા મેળવી હતી.