World Cup 2023: મિચેલ સ્ટાર્ક બની શકે છે વર્લ્ડકપ ઈતિહાસનો સૌથી સફળ બોલર, આંકડા જોઈ ચોંકી જશો
ઓસ્ટ્રેલિયાના ફાસ્ટ બોલર મિચેલ સ્ટાર્ક પાસે 5 ઓક્ટોબરથી શરૂ થઈ રહેલા વન ડે વર્લ્ડ કપમાં ખાસ સ્થાન હાંસલ કરવાની તક છે. તે વર્લ્ડ કપ ઈતિહાસનો સૌથી સફળ બોલર બની શકે છે.
Most Successful WC bowler : ઓસ્ટ્રેલિયાના ફાસ્ટ બોલર મિચેલ સ્ટાર્ક પાસે 5 ઓક્ટોબરથી શરૂ થઈ રહેલા વન ડે વર્લ્ડ કપમાં ખાસ સ્થાન હાંસલ કરવાની તક છે. તે વર્લ્ડ કપ ઈતિહાસનો સૌથી સફળ બોલર બની શકે છે.
વર્લ્ડ કપ ઈતિહાસનો સૌથી સફળ બોલર બનવાની તક
મિચેલ સ્ટાર્ક હાલમાં ODI વર્લ્ડ કપમાં સૌથી વધુ વિકેટ લેનારા બોલરોની યાદીમાં પાંચમા સ્થાને છે. તેના નામે 49 વિકેટ છે. તે વિશ્વ કપ ઇતિહાસમાં સૌથી વધુ વિકેટ લેનાર બોલર ગ્લેન મેકગ્રા (71 વિકેટ)થી માત્ર 22 વિકેટ પાછળ છે. હવે આ વખતે દરેક ટીમ રાઉન્ડ રોબિન મેચો હેઠળ ઓછામાં ઓછી 10-10 મેચ રમશે, તેથી સ્ટાર્ક પાસે 10 મેચોમાં ઓછામાં ઓછી 23 વિકેટ લઈને વર્લ્ડ કપ ઈતિહાસનો સૌથી સફળ બોલર બનવાની સારી તક હશે.
હાલમાં જે રીતે સ્ટાર્ક સારા ફોર્મમાં જોવા મળી રહ્યો છે. તેના માટે મેચ દીઠ 2-3 વિકેટ લેવી એ મોટી વાત નથી. આવી સ્થિતિમાં સ્ટાર્ક ચોક્કસપણે ભૂતપૂર્વ ક્રિકેટર મેકગ્રાને પાછળ છોડી શકે છે.
મિચેલ સ્ટાર્ક માટે બીજી સારી વાત એ છે કે આ રેસમાં તેનો કોઈ હરીફ નથી. આનું કારણ એ છે કે વર્લ્ડ કપમાં સૌથી વધુ વિકેટ ઝડપનાર ટોપ-9 બોલરોમાં તે એકમાત્ર સક્રિય (હાલમાં ક્રિકેટ રમી રહેલા) બોલર છે. આ લિસ્ટમાં મિચેલ સ્ટાર્ક પછી એક્ટિવ ક્રિકેટર્સમાં ટ્રેન્ટ બોલ્ટનું નામ આવે છે, જે સ્ટાર્કથી 10 વિકેટ પાછળ છે.
મિશેલ સ્ટાર્કના આંકડા ચોંકાવનારા છે
ઓડીઆઈ વર્લ્ડ કપમાં મિચેલ સ્ટાર્ક કેટલી હદે ઘાતક સાબિત થયો છે, તે તેના આંકડા જોઈને સરળતાથી જાણી શકાય છે. સ્ટાર્ક માત્ર બે ODI વર્લ્ડ કપ (2015, 2019) રમ્યો છે. તેણે આ બંને વર્લ્ડ કપમાં 18 મેચ રમી છે. સ્ટાર્કે માત્ર 18 મેચમાં 49 વિકેટ લીધી છે. આ સમયગાળા દરમિયાન, સ્ટાર્કની બોલિંગ એવરેજ 14.81 રહી છે, જે વર્લ્ડ કપના ટોપ-50 બોલરોમાં શ્રેષ્ઠ છે. એટલું જ નહીં તેમનો ઈકોનોમી રેટ પણ 5થી ઓછો રહ્યો છે.
વર્લ્ડ કપ 5 ઓક્ટોબરથી શરૂ થશે
2023 ODI વર્લ્ડ કપમાં ઘણા એવા ખેલાડીઓ છે જેમના પ્રદર્શન પર વિશ્વભરના ચાહકો અને ક્રિકેટ પંડિતો દ્વારા નજર રાખવામાં આવશે. વર્લ્ડ કપ 5 ઓક્ટોબરથી શરૂ થશે. ટૂર્નામેન્ટની પ્રથમ મેચ ડિફેન્ડિંગ ચેમ્પિયન ઈંગ્લેન્ડ અને રનર અપ ન્યૂઝીલેન્ડ વચ્ચે રમાશે.
Join Our Official Telegram Channel:
https://t.me/abpasmitaofficial
ટ્રેન્ડિંગ સમાચાર
ટોપ સ્ટોરી
