Mohammad Amir: ટીમ ઈન્ડિયા સેમિફાઇનલમાં પહોંચી તો મોહમ્મદ આમીરના પેટમાં રેડાયું તેલ, ભારત સામે ઓક્યું ઝેર
Mohammad Amir:મોહમ્મદ આમીરે ફરી એકવાર ભારત વિરુદ્ધ ઝેર ઓક્યું છે. તેણે સંજુ સેમસનની ખૂબ પ્રશંસા કરી, પરંતુ અન્ય ખામીઓ પણ દર્શાવી.
Mohammad Amir On Indian Team: પાકિસ્તાનના પૂર્વ ઝડપી બોલર મોહમ્મદ આમિરે (Mohammad Amir) જે ભવિષ્યવાણી કરી હતી તેમાં તેમને પછડાટ ખાવી પડી છે. આમિરે કહ્યું હતું કે ભારતીય ટીમ સેમીફાઈનલ માટે ક્વોલિફાય નહીં કરે, પરંતુ તેનાથી બિલકુલ ઉલટું થયું. સંજુ સેમસને વેસ્ટ ઈન્ડિઝ સામે સુપર-8 ના છેલ્લા મુકાબલામાં 97* રનની શાનદાર ઇનિંગ રમીને 196 રનના લક્ષ્યનો પીછો કર્યો અને ટીમ ઈન્ડિયાને જીત અપાવી સેમીફાઈનલમાં પહોંચાડી.
હવે ભારત સેમીફાઈનલમાં પહોંચ્યા બાદ આમિરની ફરી પ્રતિક્રિયા સામે આવી છે. આ વખતે પણ તેમણે ભારત સામે ઝેર ઓકતા કહ્યું કે ટીમ ઈન્ડિયા સારું ક્રિકેટ રમી રહી નથી. આ સિવાય આમિરે ટીમની ફીલ્ડિંગ પર પણ સવાલો ઉભા કર્યા હતા. જોકે તેમણે સંજુ સેમસનના પેટ ભરીને વખાણ કર્યા હતા.
સંજુ સેમસનના કર્યા ભરપૂર વખાણ
એક કાર્યક્રમમાં વાત કરતા આમિરે કહ્યું કે સંજુ સેમસને તેના જીવનની સૌથી શ્રેષ્ઠ ઇનિંગ રમી. મેં તેની આઈપીએલ અને અન્ય ઇનિંગ્સ જોઈ છે, પરંતુ 'કરો યા મરો' મેચમાં આ ખાસ ઇનિંગ હતી. સંજુએ 196 રનના લક્ષ્યનો પીછો કરતી વખતે 50 બોલમાં 97* રન કર્યા. તે સમયે દબાણ ઘણું હતું અને મેદાન પર 65 હજારથી વધુ પ્રેક્ષકો હાજર હતા.
ટીમ ઈન્ડિયા સારું ક્રિકેટ નથી રમી રહી
આમિરનું કહેવું છે કે એક ઇનિંગ ટીમની ખામીઓને છુપાવી શકતી નથી. તેમણે કહ્યું કે ક્રિકેટના દૃષ્ટિકોણથી જોવામાં આવે તો ટીમ ઈન્ડિયા સારું ક્રિકેટ રમી રહી નથી. તેમની ફીલ્ડિંગ જુઓ, ત્રણ-ચાર કેચ છોડવામાં આવ્યા. બુમરાહ સિવાય બાકીના બોલરોને માર પડી રહ્યો છે અને ટીમ એક બોલરના ભરોસે રમી રહી છે. તમને જણાવી દઈએ કે આ પહેલા આમીર અભિષેક શર્માને લઈ વિવાદીત નિવેદન આપી ચૂક્યો છે. તેને લઈને પણ ભારે વિવાદ થયો હતો. હવે ફરીએક વારે તેણે વિવાદિત નિવેદન આપ્યું છે.
સેમીફાઈનલમાં ઇંગ્લેન્ડ સામે ટક્કર
ટીમ ઈન્ડિયા ટૂર્નામેન્ટની બીજી સેમીફાઈનલ મેચ ઇંગ્લેન્ડ સામે 05 માર્ચ, ગુરુવારના રોજ મુંબઈના વાનખેડે સ્ટેડિયમમાં રમશે. 2022 ના ટી20 વર્લ્ડ કપમાં પણ ભારત અને ઇંગ્લેન્ડની ટીમો સેમીફાઈનલમાં એકબીજાની સામે હતી. તે મેચમાં ઇંગ્લેન્ડે જીત મેળવી હતી. હવે જોવું રસપ્રદ રહેશે કે આ વખતે સેમીફાઈનલમાં કઈ ટીમ બાજી મારે છે.
ટોપ સ્ટોરી
ટ્રેન્ડિંગ સમાચાર
